ليتك ولد عمي وابوك اغلى عمامي 🖤

بارت ٥٠

بسم الله الرحمن الرحيم اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم..
تنبيه
" هذا البارت اطول بارت بالروايه كلها وحرفياوحيل تعبت عليه لذا لا استبيح القراءه بدون نجمه اللهم بلغت اللهم فاشهد اعطوه من حُبكم مايستحق🖤"
..
نجران| السياره | اهل رويدا
___
كانوا راجعين للبيت وبين سوالفهم الجميله وكل واحد يقول وش سوا وقف ابومحمد عند محل الجوالات.
نزل واشترى ايفون ابيض لرويدا
رجع وقال-رويدا يابنتي هذي هديتش
رويدا انصدمت وتوسعت ابتسامتها- مشكور يبه ماقصرت
ابومحمد- هديه من الليث قال عشان التخرج
ارسل لي الفلوس والمواصفات عشانش
ام محمد بضحكه- ماقصر، مستعجل يبي يكلمها
رويدا انقلبت ملامح وجهها للحزن من يطرون الليث قدامها
سكتت شوي ثم قالت -مشكور ما قصر
ناظرت للجوال الي بيدها ومحمد كان ملاحظ عدم تقبلها ابتسم وهو يشد على يدها لأنه يعرف انها دايم تهدأ اذا هو بالذات معاها اذا كان هو سند معاها وقف ابومحمد لمطعم وشرا لهم اكل بحكم ان مافيه احد بالبيت يطبخ
وصلوا للبيت ..
وقاموا يتغدون ..
ابومحمد- عاد تبون شيء تشترونه من السوق
ام محمد- لا لا امس شرينا كل شيء وكل شيء تمام
محمد- تركي مجهز اغراضك لبكره
تركي- اي اكيد
ابو محمد- ممتاز ، احسبوا حساب ان حن بنعتمر من وادي السيل تمام
ام محمد- ان شاء الله
رويدا كانت تاكل من غير نفس وتناظر بكرتون الجوال الي كان حول السفره ولا ودها حتى انها تفتحه ..
خلصوا الاكل .. ابومحمد راح للسوق يقضي شغله .. ام محمد راحت غرفتها تنام
العيال والبنات تجمعوا بغرفه البنات

قام محمد وفتح الجوال وهو يقول - مبروك يارويدا
رويدا ناظرت له بضيق وقالت- يبارك ربي بك
الهنوف- يالله وش نجهز ؟
ابتسمت رويدا لاشعوريا من تذكرت انها بتروح للطايف وتبي بس لو تشوفه من بعيد يكفيها ماتعرف ليه فجأه حبته ليه اخذ قلبها ولاهو بداري ليه يحسب انها ماتبيه ليه هي ماتقدر تقول له ....
قامت رويدا و فتحت الدولاب ، ابتسمت وهي تخرج الفستان الاحمر الي شرته ، ناظرت للسلسال الي اهدته اياها نجد بيوم خطوبتها وناظرت بيدها وابتسمت بضيقه وهي تقول في نفسها " على الاقل ما جاب الخاتم يثبت الخطوبه"
محمد بضحكه- رويدا شبلاش فهيتي
تركي- اعجبها الفستان
الهنوف- مره حلو
رويدا بتصريفه-بس كنت افكر شوي كيف صارت الطايف عقب اخر مره رحنا
محمد- صور لي عبدالرحمن والله حلوه
رويدا- عبدالرحمن..( سكتت بسرعه )
محمد- وش فيه؟
رويدا بتصريفه- لا صح توه راح للطايف
محمد- ليه
رويدا بكذب- لابس قلت هو في ابها شلون راح للطايف
تركي بنص عين- يوهه تسوين نفسش ماتدرين
الهنوف ناظرت لرويدا بضحكه وعرفت انها نطقت اسمه لاشعوريا - المهم المهم ، بتلبسين هذا
رويدا- ايوه بلبسه شرايش
الهنوف بتعزيز لرويدا- بتغطين على كل بنات الي ب القاعه لبيه
محمد - اكيد حبيبتي لانها اخت محمد
تركي- وهنوفي بعد
محمد بضحكه- وهنوفك تراها بعد اختي
رويدا التفتت لمحمد - بس بس الحين السيارات حقت فهد وعبدالرحمن شبنسوي فيها
محمد استوعب- صححححح والله ، وش السوات الحين !
الهنوف- نوديها معانا
محمد- لا تكفين تضحكين انتي كيف نوديها معانا شحن بالطياره
الهنوف- اي كذا
محمد- لا لا لا ، الشحن بالطياره بقيمه السياره نفسها
تركي- طيب وش السوات
محمد- ثواني بكلم دحوم
رويدا بسرعه - لا لا تكلمه
محمد بضحكه- ليش طيب؟ وش فيش عليه اليوم ؟
رويدا كشرت- قصدي نسوق سيارته ونروح فيها
محمد حك راسه بتفكير- همم مدري بس فكره حلوه ،طيب وحجز الطيران
رويدا- ههههههههه اسحب انت عليه عشان خويك
محمد- ههههههههه وشرايش انتي تروحين معاي ؟
تركي- اما عن نفسي بروح طياااره بغيتها معي ولا باخذ قلبي معاي
الهنوف- يالبى قلبك احبك
محمد يغمز لرويدا- شوفي شوفي يحاولون يقلدوننا ههههههههه
رويدا- ماكل الاخوان محمد !
محمد نقز يضمها- وماكل الخوات رويدا !،يلبى عينش يشيخه
تركي-لا لا بس غرتوا
رويدا- ايه صح واضح جدا !
تركي بنص عين - هنوفيي
الهنوف- قلب هنوفك
تركي- بتروحين بالسياره ولا بالطياره
الهنوف- لا اكيد بالطياره
رويدا بخوف- والله ماروح بالطياره
محمد بضحكه- فوبيا المرتفعات وفوبيا الكهرباء مابقى شي ما انتي تخافين منه
رويدا- والله افضل اني اجلس عند عمي سلطان ولا اروح بلطياره
الهنوف-جربي ياختي اول مره في حياتنا نركب طياره
تركي- اي سلمى غطت علينا وخذت طيار ! ههههههههه
محمد- طيب دقيقه بكلم عبدالرحمن ! اص اص