نجران| بيت ابو محمد
_______
وعند رويدا:-
كانت جالسه تأكل قطوه فهد وهي مبتسمه وتلعب معاها وتحس انو فعلا الحيوان الاليف ممكن يغير من نفسيتها
جاء عندها محمد- السلام عليكم
رويدا- وعليكم السلام هلا بالححلو حقي
محمد- هلا هلا
رويدا- وش اسم القطوه
محمد- مدري سميها على كيفش
(بعدها طلعو للصالة وهم يكملون سوالفهم)
رويدا بضحكه- بس هي مو لي
محمد بضحكه- يخسي اردها له
رويدا- امانه يامحمد مايصلح
محمد- ادري بس مابيرفض
رويدا- بس امي بترفض
محمد بضحكه- ايه بتقول ربي نفسش هم ربي لش قطوه
رويدا- ليه كذا الامهات ياخي
محمد- كانت أحلامهم مختلفه زمانهم اختلف عنا
رويدا بضحكه على دخلتهم للصالة- تخيل لو كانت امي تحلم انها تربي ماعز
ام محمد سمعتها- ربيت قطيع كامل
محمد- والله يمه
ام محمد بضحكه- ايه انت واخواتك
محمد بصدمه- افا يمه
ام محمد- امزح عليك بس انو زمان قد رعيت الغنم ترا مع خالك داهم
محمد- الله الله يعني كانت احلامش تربينهم
ام محمد- ياثور وش الي اربيهم بس ارعاهم واردهم لبيتهم وش يعني
رويدا بضحكه- لا تلوميه يمه تو راجع من الدوام دايخ
محمد- ايوه يمه وش غدانا
ام محمد- معي لكم اليوم مقلوبه تاكلون ايدينكم وراها
رويدا- صحت يمينش يمه
ام محمد- يمينش تصح ي بنتي ،كيف كان يومكم
الهنوف- اميي اليوم كان مره يجنن تعرفت على صديقات كثير
ام محمد- ماشاء الله جعلهم الله صحبه صالحة ان شاء الله
الهنوف- اي ماشاء الله عليهم عاقلات ورزينات بسم الله عليهم
ام محمد- الله يحفظهم ،وانت ياتركي كيف كان يومك؟
تركي - كان خرا
ام محمد كشرت- ليه وش صار بعدين تكلم باسلوب
تركي بتأفف- فيصل معصور القرون ما خلانا بحالنا
ام محمد بضحكه- ليه وش سوا
تركي - النذل جلدني انا واخوه
محمد بنص عين- قد قال لي انكم تلقفتم على واحد من الطلاب وقلبتوا طاولته ورميتوا كتبه اجل تستاهلون
تركي- ايوه سميك النفسيات متخيل ساكت ومتصنم طول الوقت مدري اساسا وش فايدته يداوم ويوم بغينا نمزح معه اشتكى علينا للمدير واخرتها فيصلووهه يضربني
رويدا بضحكه- تستاهللوننن
تركي- على بيض معفن
ابومحمد- امسك لسانك وش ذا الكلام
تركي- اسف يبه
رويدا- انا كان يومي يضحك البنات قالوا انهم اول ماشافوني حسبوا اني استاذه ههههههههه
ابومحمد- بنروح اليوم عند ابوسعود وبنخطب لمحمد
محمد زفر بضيق- لا يبه ما ابي
ابومحمد- ادري بك انت مثل سعود
( خرج محمد من عنده)
ام محمد- ليه وش بلاه سعود
ابومحمد- لا بس انه كان من اهل سوالف الحب عشان كذا ماتزوج
ام محمد- اما سعود ماغيره
ابومحمد- حظه كانت بنت عمه
الهنوف شرقت باللقمه- من هي؟
ام محمد- ايوه من هي
ابومحمد- ريوف بنت اخوي سعد
ضحكت الهنوف - حسيت والله
ابومحمد بنظره حاده- وش حسيتي به؟
الهنوف بتصريفه- لا لا ماقصدي بس قصدي حسيت انها بتكون له
رويدا بضيق تنهدت- استأذنكم
ابومحمد- روحي حضري الغداء هم تغدي هم استأذني
رويدا بضحكه- يلا ابشر
(عقبها تغدوا وخلصوا )
وفالعصر:-
عند ابومحمد :-
وصلته دعوه حضور حفل زواج نهيان من لمياء يوم الجمعه( بعد ثلاثه ايام )تبسم وهو يبارك للجد هذال بزواج بنته
ابومحمد" الف الف مبروك ،بارك لنهيان نيابه عني وان شاء الله بنحضر"
الجد هذال صوتي" الله يبارك فيك عقبال عيالك وبناتك "
ابومحمد" ان شاء الله وانكم كلكم بتحضرون عرس الهنوف ورويدا "
الجد هذال" ان شاء الله، وجيب عوالك معك لا تجي لوحدك "
ابومحمد" لا نكلف عليكم ياعم هذال ،بجي انا ومحمد"
الجد هذال" بناتك حسبه حفيداتي وعيالك مثل احفادي ولازم يحضرون ولا مابرحب فيك "
ابومحمد تبسم وهو يرد " ابشر ان شاء الله كثر خيرك"
____________
الطايف |قصر الجد هذآل| عند عبدالرحمن
مشى يومه طبيعي وبالعصر ملّك نهيان بعد ما وافقت لمياء عليه
وعقبها جلسوا عيال عمام عبدالرحمن وجده بجلسة وكان عندهم عزيمه بالليل :-
عبدالرحمن- الحين محتار
الجد هذال - وليه
عبدالرحمن بضحكه- العزيمه اليوم عشاني ولا عشان نهيان
نهيان - لا افا عشانك انت توك خاطب حبيبي
عبدالرحمن بضحكه- اي توي خاطب لي غيمه بالسماء
سند- انت تعبان ههههههههه
عبدالرحمن- لا مو تعبان بس لاني احب الغيوم بزود !
اعطاه الجد هذال نظره تضحك- تفكر ما اعرف وش يدور براسك لازم اليوم اعرف لازم !
عبدالرحمن- بقول لك الي يدور براسي اني مهووس بالغيوم لاني احب الغيم من حبي لابها
مازن- اننن ابها ابها من زينها عاد
عبدالرحمن- اووهه اعشق ابها واعشق غيومها
خالد- لا صراحه ماشفت حد يحب الغيم مثلك
تبسم عبدالرحمن بضيق وهو يقول- الا غيث كم وصل عدد متابعينك
غيث ابتسم( ولد عمه مشهور)- ذكرتنيييي وصل ٣٠٠ الف
الجد هذال- ماشاء الله مبروك مبروك غيوث
راشد بضحكه- مايليق فيه ياجد قول له ياغثيث مدري كيف الثلاث ميه الف متحملينه
غيث- دقيقه جدي بفتح بث الحين وابيك تقول قصه نجاحك
سند- ايييه صحح ماكنا دارين
وليد كان يناظر في عيال عمه ويناظر لفهد الي ساكت ولا قال شي
ابتسم غيث وهو يفتح البث - اهلا اهلا معاكم غيث بن جلوي ال هذال اليوم جدي بيقول لكم قصه نجاحه
ابتسم الجد هذال- وانت استأذنت مني ولا على طول فتحت بث
غيث بضحكه- حفيدك ياجد لازم يستأذن
عبدالرحمن- ايوه لازم تستأذن ترا ما انت عبدالرحمن ههههههههه
غيث- اخسس يادحوم تراه شايف نفسه علينا لان جدي مدلعه عنا
ضحك الجد هذال وهو يقول- طيب طيب لا تهاوشون بقول لكم قصتي عاد هاه مابي احد يضحك
ضحك راشد- من بدايتها تبي تفطسنا ضحك
الجد هذال-يوم كنت صغير كنت من عائله ما تختلف عن العائلات الثانيه كنت بحد ما ينقال عنا فقراء يعني يالله بالكاد نلقى اكل يومنا يوم كنت ادرس ثالث ابتدائي وعاد ترا مدارسنا ماهي مثل مدارسكم اليوم والله كانوا يجلدونا جلد والكتاب كان اضعاف الكتب الي عندكم وبيوم رجعت من المدرسه متفائل
خالد- الله الله اتخيل جدي يدرس
ضحك الجد هذال وكمل كلامه- المهم رجعت الا القى لي واحد اسمه حميد الله يرحمه وكان حوله بنت
سند- لا تقول انك خقيت عليها ياجد
الجد هذال بضحكه- لا ماني بمثلك خفيف لكن انشهد انه كان عليها جمال لا اله الا الله
نهيان ضحك وتكلم غيث وهو يغمز - شوفوا جدي شوفوا
الجد هذال - المهم ماعليكم حميد ذا
اعطاني خروف قال هذي كرامه لابوك واعذرنا كان ودنا انه يجي عندنا ونجي عنده بس طالت بينا المسافات وسلم عليه وقوله تراه من حميد ، المهم وارد البيت عقب ما لعب بي الخروف لعبه يدور بكل مكان
عبدالرحمن بتساؤل- بدون لا اقاطعك ياجد بس وش علاقه الخروف في نجاحك
ابتسم الجد هذال- هو النجاح بكبره
اردف- المهم قلت لابوي انها كرامه من حميد عسى الله يرحمه ويرحم ابوي قال لي ابوي كثر خيره لا كان يتعنى ومدري وش وعاد جدكم كان عليه افكار رغم صغر سني الا اني رحت للوالدة الله يرحمها وقلت يمه عادي اخذ الخروف ولا تذبحونه بربيه واعتني فيه عقبها قامت الوالده تقنع في الوالد ، عقبها اقتنع الوالد وقال تم وكنت كل يوم ارعاه ،واجمع حق خروف ثاني ،الين جمعت واشتريت خروف ثاني المهم اني اعتنيت فيهم لين صار عندي تقريبا ١٠ خرفان ١٢ كذا المهم عقبها جاء عيد الاضحى وقام ابوي اخذ الخروف وذبحه ذاك اليوم بكيييت عليه بكاء وكنت اقول لا تذبحون حمدان عاد جدكم مسميه
( هنا الشباب كلهم ضحكوا )
المهم عقبها مع عيد الاضحى صرت ابيع واشتري فالخرفان وكانوا العيال بالمدرسه يستهزون فيني وينادوني راع الغنم بس كنت مطنشهم ولا اخذ بخاطري من احد ، وكنت اتصدق دايم ،وبيوم من الايام قبال عيد الاضحى الثاني رحت عند وحده من الجدات مع عيالها ارمله واعطيتهم خروف قلت عيدكم كنت ذاك الوقت بسادس ابتدائي بس ابوي م كان مخليني على كيفي بالحلال رحت لها واعطيتها وقلت ادعي لي ياجده
خالد- الله الله جده جدي ههههههههه
الجد هذال استانس وهو يكمل - المهم ودعت لي دعوه الله يرحمها ما انساها لليوم قالت" الله يفتح لك ابواب رزقه ويرزقك من حيث لا تحتسب ويجعلها بميزان حسناتك ياولدي" هذي كانت دعوتها الي مستحيل انساها ، رجعت ذاك اليوم وانا مستانس، اجي والاقي ابوي معصب ويهاوش ويسأل وين الخروف الفلاني والي هو الي وديته للمره العجوز المهم قلت اكله الذيب ولا دريت عنه ، عاد والقمها تهزيء وضرب
راشد- وليه ماقلت له انك وديته للمره العجوز
الجد هذال- لان زمان ياولدي كان فقر شديد واحنا يعني نعتبر متوسطين بذاك الوقت والوالد الله يرحمه كان حريييص على خشم الريال ،ما اقول بخيل ما كان بخيل لكن كان شديد وصارم جدااا وانا كنت خواف منه ، المهم عقبها صرت اهتم بالغنم كثير وابيع واشتري الين ماصرت بثالث ثانوي تقريبا الله كان مغنينا بفضله تقريبا كان عندنا مايقارب ٢٠٠ خروف ذاك اليوم اذكر جانا حميد وعايلته
(عبدالرحمن كان متبسم وهو يسمع )
الجد هذال- وقال لنا انهم جوهم خطاب في بنته وانا ما اوصف لكم انقهرت قهر مو طبيعي وقال لنا " زواجها بيكون عقب ثلاث سنين لأنها صغيره اصغر من هذال"
سند بضحكه- الله ياجد الله مادرينا قصه حب ولا قصه نجاح
عبدالرحمن- اسكت انت خل نسمع
الجد هذال- وبنفس السنه سافرت امريكا عشان اكمل دراستي هناك ، لان الدراسه عندنا ما كانت كويسه مره مثل هالحين، المهم عقبها درست تقريبا سنتين وخمسه اشهر، ثم قررت ارجع لبلدي وكنت حييل مشتاق للسعوديه وترا ما كان فيه تواصل زي هالحين بس جوال خارجي ثابت يصفون عليه سرى لما رجعت ابوي عزم ال حميد وجو فعلاً، عقبها سألت عمي حميد " بنتك متى زواجها" وهو قال لي انه" باقي له بس ٤ شهور" قمت انا واخترت اربع ذبايح من احسن الذبايح عندنا
فهد بضحكه-حاتم الطائي فرع جدي
ضحك الجد هذال وقال- انتوا بطقطقتكم ذي مابتخلون احد يكمل كلامه
وليد- لا كمل اسمع
الجد هذال- وقمت وعزمت عليها العيال الي كانوا يستهزون فيني وعزمت عيال المره العجوز لانها توفت وكان عشاء كبييير مره بالرغم انه عدد الذبايح قليل الا انو كان فيه ماشاء الله بركه بكل شيء تحس انك لو تجمع القبيله كلها على ذبيحه وحده بتكفي المهم عقبها يمكن بشهر قال لي ابوي ارد امريكا اكمل قلت له مستحيل عادي بكمل هنا بالخبر ورحت انا ماسك خط الخبر هم وقفت بمطعم على شان اتعشى عقبها شاء الله وصادفت آل حميد وشفت البنت جالسه تبكي من باب الفضول سألتها ليش تبكين وكذا قالت مابيه ومدري ايش ف انا فهمت كل شيء وقلت لها تنتظر وان شاء الله اقدر اساعدها وفعلا رحت للخبر ودرست ثلاث شهور عقبها قال لي ابوي ان حن معزومين عند ال حميد على ملكه بنتهم وهنا فعلا عرفت اني تأخرت عقبها رديت البيت على طول وبعت ٥٠ خروف واخذت فلوسها ورحت مع ابوي لهم وقعدت اقنع في ابوي اني اتقدم لها
قال انها مخطوبه وملكتها وكذا قلت انا ابيها ان رفضني رفض هو المهم عقبها فعلا تقدمنا لها وابوي كان وجهه مسود مني عقبها وافق علينا وتزوجت جدتكم اسماء
عبدالرحمن- دقيقه دقيقه وش ذا الغباء فينا ليه ماتذكرنا ان جدتنا من ال حميد
ضحك نهيان- انا اعرف قصته قبلكم عشان كذا ضحكت عليكم
الجد هذال بضحكه- الله الله المهم وجدتكم كانت ترا مستثمره ومزارعه ف عقبها اشتريت لنا مزرعه وبديت ابيع واشتري واكمل دراستي ما كانت ابدا عائق لي المهم بعدها فتحت شركات ومستشفى وصرت رجل الأعمال هذال بن مصعب آل هذال
سند- والي نفهمه من قصه جدي اشتروا لكم خرفان
وليد بضحكه- منها كلها تشتري خروف اساسا انت خروف
سند- كل بيض بيضض
وليد- بالعكس اشوف الي استفدنا من قصه جدي انو كل شخص يبدأ من الصفر ومو لازم يستسلم وبرضوا ان الحب عامل في النجاح وبرضوا ان جدي تزوج جدتي عن حب
فهد- الله الله تو ندري ياجد
الجد هذال- وتلوموني؟
راشد-لا لا افا كل شيء الا جدتي اسماء
عبدالرحمن- والشي الثاني انك تتصدق عشان الله يبارك لك ، وكمان مو معناه صرت غني تغير طباعك
الجد هذال- فعلا ،وصلت لشيء كنت ابي اقوله ، الصدق مع مجريات هذا العصر صرنا نشوف اشياء كثيره تخالف الدين منها الي صار بالبنات من نزع النقاب وقله الحياء ورفع الصوت والى اخره ..والي نشوفه من العيال من انه يدخن وانه يفحط ولا يهتم لارواح الناس ، لكن انا وان شاء الله الله لا يغير علينا مخلي عيالي واحفادي على نهج اجدادنا الاكارم والصح يبان من الخطأ
وليد وهو يناظر لفهد بنص عين- وبعد ياجد انو ماتسرف ، مو معناه يكون معك شويه فلوس خلاص تصير مهايط عاد !
فهد- اخر من يحق له يتكلم انت
الجد هذال- اهجدوا
غيث- شوف ياجد متخيل عدد مشاهدين البث ميتين الف المهم اسمعوا متابعيني الحلوين عشان تنجحون لازم يكون زواجكم عن حب يعني تحبك وتحبها عشان يكون كل شيء تشتغلونه بحب
عبدالرحمن ببرود- مو شرط ! يمكن انك تحبها وهي ماتحبك وماله علاقه بالنجاح
غيث- انت اسكت الكل عارف انك تحب بنت عمي ثنيان
عبدالرحمن انصدم من غيث وقام من مكانه ومسكه من ياقته وقال- انت في داخل قلبي حتى تعرف من فيه ومن مافيه !!! بعدين قبل تطلع علي كلام كاذب امسك لسانك !
الجد هذال - استهدي بالله ياعبدالرحمن
عبدالرحمن بنبره حاده- رفع ضغطي! ترا والله بس امسك نفسي لا ابطح فيك بالارض
غيث بحده- جرب بس
( قام خالد وطفى البث)
عبدالرحمن ابتسم وهو يقول- ما احط راسي براس بزر
غيث- الا خواف ياحبيب لينوه
راشد- ياورع !!!
عبدالرحمن- انا خواف؟!
غيث- ايوه خواف
عبدالرحمن- مأكد كلامك؟!!!
راشد- استهدوا بالله
عبدالرحمن- مأكد كلامك ياغيث؟
غيث- ايوه ماك..
ما امداه يكمل كلامه الا بكف على وجهه
الجد هذال- اععقب ياولددد ماتحترمون جدكم
قام غيث ومد يده على عبدالرحمن وقام عبدالرحمن ومسك يده ولفها وتوجع غيث وصرخ - وقف لا اوريك شغلك
عبدالرحمن- يد تنمد على عبدالرحمن تنكسر!
الجد هذآل- عشاني يا دحوم
عبدالرحمن قام ورمى غيث على الارض وقال- حتى مالي اسبوع من سويت العمليه ولك وجه ترفع يدك علي والله والله لو ما احترامي لجدي هذال كان بطحت فيك الارض وما امسيت ذا الليله الا بالمستشفى
غيث بقهر- اتحداك
عبدالرحمن- جنيت على نفسك
قام عبدالرحمن وضرب غيث في وجهه بكف دمدم وجهه هنا قاموا الشباب يفكون بينهم
راشد- انت الي ابتدأ ياغيث
غيث بألم- ماقلت شيء غ.لط
عبدالرحمن بعصبيه وشوي وينفجر فيه وقال بصوت عالي وصرخ في وجه غيث بنبره حاده وتخوف- عاد لك وجه ترادد عاد تبي تمسي الليله بالمقبره
جلوي بن هذال جاء على صوت الصراخ- نعم نعم وش فيه
هذال- ولدك متمشكل مع دحوم
عبدالرحمن- يا انه يمسك لسانه من الأكاذيب ولا والله والله مايمسي الليله الا بالمستشفى
جلوي- ليه وش قال ؟
هذال- قال ان عبدالرحمن يحب لين بنت عمه
جلوي ناظر في راشد وخالد- وليه ذولا ما تكلموا
عبدالرحمن- اعرف ارد على الي يغلط علي
جلوي - وانت ياغيث وش عليك منه يحبها ولا يكرهها شيء راجع له !
عبدالرحمن - ادري انا انه شيء راجع لي ! ولا ابي احط راسي براس بزر لكنه تمادى ويستاهل
غيث بخوف- خلاص خلاص يالعصبي !
عبدالرحمن- اوزن كلامك قبل لا تتكلم فاهم !!
الجد هذال- عبدالرحمن خلاص تكفى عشاني
عبدالرحمن تراجع لوراء وهو يقول- والله لو ما احترامي لجدي بس !
الجد هذال- يالله تعال معي ياعبدالرحمن بنروح نعزم الحين ونرسل الدعوات
عبدالرحمن ابتسم ابتسامه بارده- تمام
قام الجد هذال ومسك يد عبدالرحمن تحت انظار الكل وراح من عندهم وهو معصب ويقول- لاحد يكلم ولدي جرحتوا عبدالرحمن كأنكم جرحتوني
قاموا يمشون وركبوا مع السواق :-
الجد هذال- وين تبينا نروح
عبدالرحمن- ابها
الجد هذال بضحكه- عبدالرحمن اعقل .
عبدالرحمن بضحكه- الي يريحك
الجد هذال- بنروح سيتي ووك
عبدالرحمن- يالله ان شاء الله
وصلوا للسيتي ووك واشتروا لهم قهوه هم جلسوا وعبدالرحمن جالس على جواله والجد هذال حوله وكان جالس يرسل الدعوات مستعجل الين وصل لرقم ابومحمد ولاحظ الجد هذال رجفه يدين عبدالرحمن وقال له- انت بخير
عبدالرحمن- اي بخير بخير
جلس ساكت الين ماسمع صوت ابومحمد وهو يقول
"ان شاء الله وانكم كلكم بتحضرون عرس الهنوف ورويدا "
عبدالرحمن انكسر خاطره وقال- قول له يجيبهم معه
الجد هذآل- ليه ما بيجيبهم
عبدالرحمن- بالعادة يحضر بس هو ومحمد وتركي
الجد هذال- ان شاء الله ان شاء الله
وهنا عزم الجد هذال ابومحمد وعبدالرحمن كان كلام ابومحمد يتردد في راسه كانها صاعقه جت عليه
________
وفي الليل:-
ابتدت العزيمه وابتدا الكل يحضر وعبدالرحمن ساكت بالكاد انه يرحب ..
نهيان يتلقى التهاني من كل مكان ..
فهد مصدوم من شاف
ابوه محمد جاء من جديد وتقدم من حازم وقال له- مابه امل فالرجوع؟ ما انت مشتاق لاحضان اخوك؟ مابه امل فالمسامحه؟ ما انت مشتاق لي؟
تردد حازم عقبها نطق ببتسامه - فكرت ،والله يسامحك
قام فهد يصفق بحراره والكل كان مصدوم وش الي صار ويوم شافوا حازم بحضن محمد عرفوا انهم تصالحوا
فهد من الفرحه قام يضم عبدالرحمن الي ما استوعب الي قاعد يصير
اعتلت الابتسامه وجه عبدالرحمن وهو يقول- الحمد لله الحمد لله يارب !
واعتلت اصوات المباركات لهم بصلحهم..
وليد ما اهتم تصالحوا ما تصالحوا ماهو بشيء يخصه ودايم مايحب يتدخل بمشاكل احد ويطلع نفسه من المشاكل بسرعه..اكتفى بإبتسامه خفيفه..
________________
وفي ابها | الليل
بيت ابوناصر:-
ابوناصر دخل عند ريوف الي كانت تذاكر
ابوناصر- ريوفي حلوتي
ريوف بشك- هلا يبه فيه شيء
ابوناصر- تفهم بنتي، جاييش واحد اليوم متقدم لش
( ابتدا قلب ريوف ينبض بسرعه )
قالت بخوف- من هو
ابوناصر- سعود ولد عمش
ريوف انصدمت ولا توقعت انه بيسويها بنفس اليوم وقالت بدون ادراك- اهه الحمد لله كان قد خفت
ابوناصر بضحكه- من وش خفتي؟
ريوف- هاا ءء قصدي ماقصدي يعني
ابوناصر- ماعلينا الحين موافقه ولا لا؟
ريوف- الي تشوفه يبه
ابوناصر - لا قوليها
ريوف نطقت ببتسامه ويدها على قلبها- م.م.موافقهه
ابوناصر احتضنها وهو يبارك لها عقبها نزل لسعود والابتسامه شاقه وجهه وكان سعود مع ابوه وناصر جالس يقهويهم
تكلم ابوناصر - الله يتمم لكم على خير يا غالي
سعود ابتسم - امين وافقت ياعم؟
ابوناصر ببتسامه- الله الله
ابوعبدالعزيز- مبروك الف الف مبروك ياولدي ، سعد ازهم لي ريوف اسلم عليها وابارك لها
سعود بهمس لكن مسموع- وانا؟
ابوعبدالعزيز اعطاه نظره حاده وقال- لا !!
ابوناصر ضحك- لا عادي ياعبدالله
ابوعبدالعزيز- مانيب مقتنع صراحه
ابوناصر- يارجال عادي بنت عمه وبتصير زوجته ولا يسعود
سعود- اكيد ، مابيروح حبي عبث
ابوعبدالعزيز منصدم- سعود توقعتك ثقيل
سعود بضحكه - اهه يبه ههههههههه
_______
نجوم حلويني عشان اكمل عقبها قولو ارائكم
انستا:-alamra68
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
