ليتك ولد عمي وابوك اغلى عمامي 🖤

بارت ٦٥

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم نبدأ هذا البارت،

تنبيه🤌🤌🤌🤌:
ما ابي التعليقات الي نسينا تأخرتي مدري ايش، مكتوب على الروايه مستمره اذا ماعندكم صبر اقروها بعد ماتخلص

وصلوا اهل ال هذال
كلهم لمطار ابها ، وكل عائله
استأجرت سيارة وراحت بفندق،
عبدالرحمن ما كان عارف بوصولهم
وكان كل همه كلام ابوه
ومازال يتذكر كل شي قاله ،
ناظر للسماء اللي كانت مليانه غيوم،
اول مره يحس انه كره كل شيء
وقف سيارته ونزل حول مسجد ،
الحديقه كانت فاضيه لانه بيوم عرفه ،
ادرك عبدالرحمن عظم اليوم اللي هو فيه ،
قفل سيارته واخذ جواله وراح للمسجد،
المسجد كان فيه كم شخص جلس
وحط جواله وضع طيران عشان
مايزعج احد ولا احد يزعجه،
كبير على قلبه الحزن اللي مر فيه ،
صلى تحيه المسجد،
وكان يشوف شخص حوله يدعي فالسجود ،
كان كأنه يبي يقوله تكفى ادعي لي معك ،
بس سكت ورفع راسه للسماء
ورفع يدينه وهو يدعي ربه باللي وده
وانه كل شي يتم له على خير ،
سجد وهنا انهاار يبكي ،
دموعه غطت وجهه،
من زمان ماحرر الطاقه السلبيه اللي بقلبه
لكن هالمره غير ، قدام ملك الملوك بكى
، بكى بلهفه وهو يدعي ربه - ياااارب فرج همي
يااارب اعني يارب اجعلني باراً بوالدّي ،
يارب اسألك الخير في امري كله !
يارب ان كان لي خير فيها اجمعني فيها
وان كان مالي فيها فارضني يارب وارضي قلبي
كان يدعي ويبكي حس انه خلاص
الدنيا ما عاد تشيله ،
رفع من السجود واتم صلاته
ناظر باللي حوله ، ومسح دموعه بسرعه
، دايم مايبي يضعف امام احد ،
الا ملك الملوك عز وجل ،
كان بعالم ثاني تماماً ، يدعي لنفسه
، واكيد انها اول اسمٍ بدعاه،
ساعتين كامله مرت وهو يدعي ،
بس حس تدريجيا ان طاقته السلبيه انخفضت ،
خرج من المسجد بعد ما كان باقي بس ساعه
على اذان المغرب
وهو عارف انه تأخر ع الاستراحه ،
بس كان همه تعدا السحاب،
نزل المطر وهو ماركب بالسياره
جلس بالمطر يحب المطر جداً ،
قال وهو يتبسم :
كل هذا الغيث قطره من سحابه
و كل هذا الحب نبذّه من غلاي

من دريت إن بـ المطر دعوه مُجابه
و أسمك أكثر أسمٍ أذكره . . فـ دُعاي

تلثم بشماغه وركب بسياره
تأمل الغيوم والمطر ودعا ربه اكثر
، بهاليوم استغل كل فرصه بالدعاء
ومايخفى عليكم الفضل العظيم ليوم عرفه
..، توجه على طول للاستراحة وهو يشغل قران ،
الجو كان جدا جميل والضباب نازل مع الغيوم

.. ..

تجهزوا البنات ولبسوا كل وحده ،
وحور رفضت تروح ،
وبالنسبه للعيال بعد تجهزوا ،
توجهوا للأستراحه الساعه ٦ قبل المغرب ،
طبعا لا تستغربون،
لان عاده مانسوي عزايم ع الفطور سواءً برمضان او غيره
..، تحركوا كلهم متوجهين للأستراحه
وكان عبدالرحمن قدامهم
يدلهم ع طريق الاستراحه..،
وصلوا كلهم ونزلوا ،
الاستراحه:-
مابين السلام والكلام
كان على سفره الاكل ينتظرون الاذان ويدعون ،
اذن المغرب افطروا جميعا هم صلوا ،
جلسوا يسولفون وبين سوالفهم ،
ام عبدالرحمن نادت رويدا
رويدا- لبيهه
ام عبدالرحمن- لبيتي في منى،
تعالي ابيش تساعديني بشي هنا
رويدا-من عيوني

راحت هي وام عبدالرحمن
يضبطون الموهيتو
ام عبدالرحمن- هذي بكلم دحوم ولدي يوديها للرجال وانتي ودي ذي للحريم

رويدا بتوتر- ابشري

قامت ومسكت الصحن وجت تبي تروح الا تحس انه بتطيح

ام عبدالرحمن- ثقيل عليش؟

رويدا بإرتباك- ءء لا مو ثقيل

ام عبدالرحمن مسكت الصحن - انا اشيله عنش انتي اجلسي عندش دوخه !

جابت لها كرسي
(المطبخ يفصل بين شقه الرجال والحريم ).

جلست رويدا تستوعب اللي حصل لها هو بس من طرى لها ؟ معقول ؟

ناظرت حوالينها الا تسمع صوت عيال
تقريبا اكثر من واحد كأنهم متوجهين للمطبخ
، خافت حييل وقامت وراء
باب المطبخ تتخبى
راشد - ياخويلد هو انت متأكد ان ذا المطبخ

خالد - لا الحمام اجل وش تشوف
راشد- مادري

عبدالرحمن بضحكه- خلوكم من السماجه شيلوا

الموهيتو وانا بسوي لي قهوه واجي تمام؟

راشد - ياخي ماتحسه برد

عبدالرحمن- اقول بس ترا جو الطايف وهنيا مابه ذاك الفرق خلصوا واذلفوا

رويدا كانت تشوفهم قدامها وتحاول ماتطلع صوت
التفت عبدالرحمن وراه الا يشوف رويدا قدامه متلثمه بطرحتها!!

" لبس رويدا كان اسود طويل وكُم وكان يهبلل"

عبدالرحمن ارتبك ولف على طول وقال - اجلسوا اماكنكم

خالد - ليه ومن شوي تقول اذلفوا

عبدالرحمن طالع برويدا بمعنى " اطلعي !"
طلعت رويدا بسرعه

عبدالرحمن-لا بس استهبل عليكم بطلع واجيكم

طلع بسرعه ومسك رويدا من يدها وسحبها لمكان بحول مايشوفهم احد غير الله وهي شهقت - دحيم !!
عبدالرحمن ابتسم- كثير على قلبي الاسم ويازينه والله دامه من منطوقش !

رويدا حمر وجهها وقالت - عبدالرحمن بس لا احد يشوفنا ويفهم غلط

عبدالرحمن ابتسم وهو يشد على يدها- اهدي انتي في وجهي ووجه ابوي ما يمسش باس

رويدا بخوف - عبدالرحمن انا اتغطى عنك !! لا تخوفني منك

عبدالرحمن كشر- ليه لذي الدرجه انا اخوف
رويدا- مو كذا بس ءءءء توتر !

عبدالرحمن- اسمعيني زين لا تطلعين ما ابي احد يشوفش تمام ! بالفترة ذي عيال عماني بيكونون بالمطبخ حق الاستراحه نوزع العشاء

اللي ابيه منش كم حاجه ،
شوفي ياعيوني انا ما ابي ازود بالكلام
بس انتي ما ابيش تخافين مني
الليث بيتنازل بالطيب ولا بالغصب
وجعل يدي قبل تنمد عليش تنكسر ،
ما ابي كلمه تخوفني منك ! مره ثانيه
انا احبش شلون بخليش تخافين مني !
رويدا بتوتر- تمام ابشر
عبدالرحمن ابتسم وهو يمسح على شنبه- من العايدين مقدما ايش هالكشخه كثير على قلبي
رويدا ارتبكت حيل بس ماكنت تبي ترده وقالت- من السالمين وانت من العايدين يادحيم
عبدالرحمن- قالها الغرماني من العايدين ان قلتها لي قلت لك العيد خدك حظ من عيد عليه ، اشهد انش العيد واجمل اعيادي 🖤
رويدا رجفت بقوه من شافته طايح بالغزل وهي تقول بدون ادراك....،

انتهى، ارائكم؟