ليتك ولد عمي وابوك اغلى عمامي 🖤

بارت ٦٦

بدون ادراك قالت  - خلاص روح زودتها عبدالرحمن لا تمسك يدي بيجي اللوم علي لو يشوفونا  مو عليك
سحبها بسرعه وهمس في اذنها  "
مدي يدين عاهدتها يديا... ياللي سماش ملبده برق وغيوم
لا تشتكين اللوم وانا هنيا ... انا هنيا لاجل مايلحقش لوم !
وان كان ماجتني عليش الحميا .. ماعاد لي قي باقي العمر ملزوم ..

رويدا طاااحت من كلامه جابها وجاب راسها فعليا
سكتت ماقالت شي
عبدالرحمن ابتسم- الحين اذا تقدمت لش بتوافقين؟
رويدا- هاه ءءء ءء كيف
عبدالرحمن-بس بتوافقين ولا لا
رويدا بقهر- ماللبنت راي عقب ابيها يادحيمان  ان قال ابوي تم ف انت تعرفني زين
عبدالرحمن ابتسم- بس انتي من قلبش تبيني او بس خايفه مني !
رويدا- عبدالرحمن مو خايفه منك بس خايفه من ربي ماني بحلالك مايجوز لك تشوفني كذا
عبدالرحمن ابتسم ببرود- انتي لي انت لي !!! يا انتي يا يصير دم بين ال هذال وال سالم،  وقولي دحوم ماقال
رويدا- عبدالرحمن تكفى خلاص عشاني ! لا تسوي شي عشان نفسك طيب  ، ليه وش فيك متغير كذا !! عبدالرحمن ليه تغير شخصيتك !  عشان مين
عبدالرحمن افلت يدها وجلس بالارض وعطاها ظهره - جار وقتي من كل النواحي  رويدا،  ما بعمري  توقعت انش بتكونين لغيري حبيتش قبل لا اشوفش ربي زرع حبش فيني من صغري اجل كيف تبيني اسوي كيف ! وش ذنبي انا
رويدا بدموع- عبدالرحمن، مابيدك شي الله يستر عليك
عبدالرحمن - لو ان قلبي على اللي صار متعود ..، ماكان شفتي بوجهي اللي تشوفينه !
كنتي تقولين لي بروح واعود ..، وعيونش تقول غير اللي تقولينه!
رويدا بدموووووووع- عبدالرحمن،  ترا ما عمري ضعفت قدام احد كثرك انت وابوي ، ليه ما ادري هو لأن الناس القريبه من قلبي صرت اخاف اخسرها بسبب غلطه ؟ عبدالرحمن احنا ماندري وش الخير فيه ، والله نتمادى بالتفكير وونسى ان القدر مكتوب
عبدالرحمن ابتسم بقهر - بقول كلمه اخيره ان كان هذا اخر لقانا يالرويدا 
رويدا دموعها ما تمالكتها- سم
عبدالرحمن- يارب ان كانت رويدا مو مكتوبه لي جعلي اموت اليوم قبل بكره !!
رويدا انصدمت من اللي سمعته وبكتت- عبدالرحمن تكفى لا تقول كذا الله يطول بعمرك على طاعته عبدالرحمن تكفى لا تقول كذا تكفى لا تزيد جرحي بليله العيد تكفى تكفىىىى
التفت لها ومسك وجهها بيدينه ومسح دموعها وقال - كفكفي دمعش ترا دمعش ثمين كلشي الا دموعش فاهمه !؟
رويدا بدموووع- عبدالرحمن مو منك الا عليك 
عبدالرحمن حاول يخفي حزنه وقال - المهم بسوي اللي علي وبحاول، ادعي لي معش تمام واستخيري ان شفتي نفسش ما ارتحتي لي قولي عادي ، دموعش هذي ما ابي اشوفها جعلها بس الا فرح  والله يغفر لي يوم مسكت يدش ولا انتي بمحرم لي روحي ياروحي الله يستر عليش وعلى قلبي معش!
كان كلامه قوي على قلبها هو متعود مخفي حزنه بس هالمره كان قدامها لو انها متلثمه لكن يشوف عيونها !
هي ما كان شعورها اقل عنه كانت خايفه وبالحيل من اللي بيسويه متوقعه منه اي شي وتعرفه من وهو صغير اللي براسه بيسويه مابينتظر حد يقول له او يسمح له ...،
...................