ليتك ولد عمي وابوك اغلى عمامي 🖤

بارت ٨٩

صلو عالنبي ويلا نبدأ
___

لا تسمعين الزيف وأنتي بصيره
‏ولا تغيرين الطبع و أنتي القناعات .

__
الطايف|لين
__
جلست تستوعب كلامه ،
ماهي عارفه وش تسوي ، هي صح
سوت شيء غلط
بس ابدا ما استوعبت انه غلط وكبييييييييييير مره  ، جلست شوي ودموعها بدت تنزل
دخلت الخادمه ليلى - مدام لين !
لين لفت عليها ووجهها منصفق
حست برجفه غير طبيعيه ولاحظتها ليلى
ركضت ومسكتها - مدام لين هلا انتي بخير ؟
لين ضمت الخادمه وقامت تبكي
ليلى- شو في مدام لين مامتك الها
نص ساعه عم بتناديكي انتي بتحسي بوجع او اشي ؟
لين - وش يفيد الندم !
ليلى ربتت على كتفها -لين حبيبتي هلا انتي احكي لي شو فيك وانا بعمل اللي بقدر عليه عشان ساعدك
بس انتي اهدي وانا بساعدك بوعدك بس مابدياكي تبكي
لين - انا كنت احب ولد عمي اسمه عبدالرّحمَن
من ٣ سنوات كنت احب رزته وهيبته
ووسامته وطيبه قلبه كنت احب كل شيء فيه
هذا وانا القاه بالسنه يمكن مره او مرتين بالكثير،
بس كنت احس بشعور غريب تجاهه
واحس ان له جميل علي وفعلاً
جمايله علي وعلى اخواني ما اعدها لكن ؟
ليلى-لكن شو ؟
لين- لكن قلبه مال لغيري!
حب له بنت سبحان اللي خلقها ، جمال واخلاق
وذرابه وطيبه قلب كأنها مكتوبه على مواصفاته،
بس الحب اعمى ، كرهت البنت بشكل
فظيع وكنت ادعي كل يوم انها تبعد عنه
، بس للأسف حتى هي طلعت تبادله نفس الشعور !
ليلى- طيب ليون انتي تبكين بس عشان عبدالرحمن ؟ انتي قمر قمر الف ولد بيتمنى انو يشوفك
لين بدموع- بس انا غلطت ياليلى غلطت !
حاولت ان اكلم وحده تخلي ام الولد تكره
البنت لأنه خطبها ،والحين صارت تتعب
بشكل ،وكنت اشوف ستوريات شوق اخت
دحوم واشوف انها دايم تقول
ندعي لأم عبدالرحمن، ما ادري كيف درى لكن
انا انفضحت والحين ندمانه
قد شعر راسي وابي لو ادفع
اللي يبون لو يبون عيوني
بس لايصير لأمه شيء ! واللي كمل الناقص ان لجين كانت تنسق اشياء ماقلت لها عنها وبرقمي لأن واتساب حقي بجوالها .

ليلى انصدمت من الكلام اللي قالته وفتحت فمها بصدمه
لين - ليلى مالي عذر انتي اطلعي !
ليلى طلعت بدون ماتقول
ولا كلمه وهي مو مستوعبه ان لين الخوافه ، الرقيقه ، ممكن تسوي كِذا!

جلست لين تبكي بحيره وبأسى ،
قامت وقفلت باب الغرفه عشان ماحد يشوفها وهي بأسوأ حالاتها

جلست تدق على دحوم اكثر من مره ولا يرد
___
عند عبدالرحمن |ابها |الليل
_
كان بحوش القاعه
اخذ نفس عميق يهدي دقات قلبه
اللي من شاف عيونها ماوقفت ،
جلس يناظر بضيق لجواله
اللي يدق من لين كل شوي ،
صمته وقلبه على الجهه الثانيه يناظر بالغيوم
اللي تبرق من لما جاء ،جلس على الأرض ونطق- عرفت لي لين !

رفع جواله ورد بهدوء- وش تبين
ردت بدمووع- آسفه تكفى آسفه
زفر وقال - وش بيفيد الأسف وش بيفيد الندم ؟
بعد ايش يالين ؟
بعد ايش يابنت ثنيان ؟
وش جنيتي الحين ؟
جلست تشاهق وهي تقول- تكءء فى ساءءمحني
نطق ببرود على لحظه نزول المطر - عرفتي لي يالين!