ليتك ولد عمي وابوك اغلى عمامي 🖤

بارت ٤

عبدالرحمن:ايوا وصلنا بس وين اخوك؟
رويدا:هاا؟ ليكون غلطنا بالطريق
عبدالرحمن:لا هذا هو منتزه الفرعاء ماغيره
رويدا شهقت:يا ويليي ليكون صار لهم شيي
عبدالرحمن:يمه وش ذا الخوف  عشان عيال يالبى عينك
رويدا عصبت وفهمت ان قصده جد:هييه لا تفهمني غلط انت !
عبدالرحمن ضحك:استهبال وش فيش عصبتي
رويدا:لانك ما وضحت كلامك!
عبدالرحمن:اقصد انو لا تخافين عليهم لانهم رجال بدق على محمد استني شوي
رويدا :لا،انا بدق عليه انت اذلف هناك انت وتفكيرك البايخ
عبدالرحمن:يابببنتت خلااص!!
ريوف تحاول تهدي الوضع: خلاص اول واحد يدق على محمد يفوز
عبدالرحمن ورويدا بدأو يتنافسون كنهم بزران
عبدالرحمن :دقيت بس مارد
رويدا لفت وجهها:ضف وجهك انت ماني ناقصتنك
عبدالرحمن:اهدي لا اعصب
رويدا:عصب والله ماهزيت فيني ريح بس اني عطيتك وجه
الهنوف:يوووهه شفيكم كنكم بزران يادحوم اسكت ماعد انت بزر انت اكبر منها
عبدالرحمن:بس انهااا بزرررر تعصب بسرعه ييووه يا رويدا طلعتي ثقيله زي اخوش ماتقبلون المزح 
رويدا :لا ابو سفرتك هذي الي زي وجهك  جعلك فداء علي وعلى اخوي
الهنوف من باب الاستهبال:بس وجهه حلو هههههههههههههههههههههههه
رويدا  خجلت شوي:لا من زيينه ازعجتوني فيه
عبدالرحمن :لا تعصبي ولعيونش هاه ماني بزين ارتحتي وجهي مو حلو ارتحتي جعلي فداء لش انتي واخوش ع قولتش ارتحتي !!!
الهنوف ابتسمت  بس يعني هي لابسه نقاب محد بتلاحظ
رويدا فهمت انها كبرتها:ايوه ارتحت لا عاد تكلمني مره ثانيه فهمت!
عبدالرحمن  بضيق:اي فهمت
رويدا لفت وجهها صوب الشباك وقالت :يعععععع طلع  هههههههههههههههههههههههه
عبدالرحمن ماعاد نطق بحرف واحد وزفر بضيق وهو يفكر كيف يراضيها وقال في نفسه: اسلوبي الززفت بيخليها تكرهني! وما الومها
وجلس يفكر في طريقه يعتذر منها! بدون مايشوف  اخوها.

[في مكان آخر عند العيال]
ناصر:يوووررععع البنزين خلص
محمد:ياليل ليش م انتبهت اوقف عند المحطه
سلمان:فيه محطه قريبه من هنا يلا يا عيال دفوا السياره
محمد:عبدالرحمن يدق!
ناصر :قفل لا تخوف خواتك عليك
محمد قفل :مالك شغل  بخواتي
ناصر:هييه لاتنسى اني اكون ولد عمهم
محمد:اييه تمام تمام
ناصر في نفسه :انا اوريك يامحمد البنت الي عن الف رجال بتصير لي عاجلا ام اجلا
قاموا يدفون الين وصلوا للمحطة وخذوا لهم بنزين وقاموا يكملون طريقهم ربع ساعه وهم واصلين وناصر ينتظر اللحظه الي تكون في رويدا لحالها.
(في مكان اخر)
تركي:مممممممحححمممد! الهنوووووف روروووو؟
سلمى:اسكت لا تفضحنا يا ورع انت وصراخك ماهم موجوديين
تركي:وين راحوا وليه ماقالوا لي !
سلمى:راحوا يتمشون
تركي:هييين يامحمد هييين
سلمى:ياولد اهجد
تركي:الا صدق سلمووه
سلمى:علمك
تركي:بتتزوجين ماجد ولد ابوصالح؟
سلمى:هاه لاا ميين قال لك
تركي:سمعت ابوي يقوله
سلمى بربكه:انت صاااااادقققق؟
تركي" اييييييييييييه ابارك؟
سلمى بعصبيه وافكار متشتته:الا ضف وجهك هناك  انت
تركي:ماقلت شي ايش فيش عصبتي
سلمى:لا خلاص انسى
تركي:طيب
(في مكان اخر في المنتزه)
نزلوا البنات وركبوا خيامهم لأن الليل قرب العيال قاموا يلعبون كوره على طول وقالوا بيركبون خيامهم بعدين
عند العيال..
انقسموا لفريقين يتناولون الكوره بينهم بين بعض ومحمد راح يبي يسجل وكان وقت غروب الشمس طاح محمد وفزت رويدا على صرخته وجات ركض محمد يده صارت حمراء ووجهه صار احمر وماهي ثواني الا هو اغمى عليه رويدا قامت وركضت لينن عند اخوها وقامت تمسكه مع انها تستحي من العيال بس جلست تصيح وتبكي تقول  بشهقات:اخوي وش فييييييه قال ناصر :ابك علامك ياولد العم اصحى اصحى فيك شي محمممد
واقترب من رويدا بقصد ؛بس ع اساس انه يحاول يساعد محمد
رويدا شافته قرب منها ابعدت على طول وشافت العيال ملتفين حول محمد وهي بالنص بينهم وقالت وهي تشهق:ايش اسوي اخويييي!!  اعذروني ياشباب.
ناصر: معذوره يابنت العم لاعاد تجين عند العيال طيب
ولا ترا مارح اعذرك مره ثاني ورح اقول لعمي
رويدا بشهقه:طي يب انتب ه لأخوي
ناصر:ولا يهمش  على عيني
رويدا:تسلم عيونك يولد العم( وراحت
عبدالرحمن هزته الغيره بس ماتكلم قال في نفسه هو خاب الامل صدق؟
ورويدا كانت مو بقصد انها تحبه ولا شي بس انها ع اساس بنت العم  وهو ولد عمها )
رجعت عند البنات وهي تبكي:
رويدا:فاقد وعي فاقد وعي اخوييييي اخوييييي وجهه لونه متغييير محمممد حبيبي ااه ياحسرتي  ياحسرتي يامحمد والرحله الغبراء
ريوف:لا تتشائمين وانا اختك الله يشفيه بخير إن شاء الله
رويدا:اخويييي سنديي حبيبي كل شييييي يارب تقومه بالسلامه
الهنوف جت كلمات رويدا عليها مثل الصاعقه كلهم يحبون محمد بس مو كثر رويدا لكن الهنوف كل ماشفت رويدا تبكي حست بغصه لين اغمى عليها هي الثانيه
ريوف:ناااااااصصصصررر
ناصر:تخسسين ترفعين صوتش قدام العيال
رويدا:اختيي اخويييي يارب لا توريني فيهم فجيعه
عبدالرحمن نط من مكانه وجرى صوب رويدا بس ناصر مسكه وقال:بنات عمي واختي مالك خص فيهم
عبدالرحمن: تخسى وتعقب اذلف انت هناك ترا مو معناه اني عطيتك وجه ترفع صوتك علي ومو شايفهم يستنجدون فينا ماتروح لهم ما انت برجال ابد ولا تستاهل شنبك الي ع وجهك هانت عليك العشره يناصر بس اسمع لا انت بخوي لي ولا انا صاحبك وبعدين زي ماهم بنات عمك وزي ما انا اعتبر محمد اخوي فهم خواتي
ناصر:رجال وطرق عن وجهك ذا لا اعرفك ولا تعرفني واشوفك تقرب من بنات عمي يصير الي ماتبي
عبدالرحمن راح وقال:تعال ورني وش بتسوي اختك ماني بقاربها بس خواتي مالك خص فيهم
قام ناصر ولحق عبدالرحمن : خواتك في عينك يالخسيس
رويدا:مو وقت الهواش انت وياه تفهممووون!!
ناصر:اسكتي ولا اسمع لك حرف
رويدا:من انت حتى تسكتني!
ناصر:انا ناصر بن سعد ولد عمك
رويدا:تمادييت لكن هيييين يانااصر هيييين
قام ومسكها من يدها مع انها منقبه وهي بذي اللحظه ما تملكت نفسها وضربته كف عصصب وقام وسحبها بس انتبه ان ماعنده سياره وان سلمان ودا محمد المستشفى قال عبدالرحمن:يابنت تبين سيارره؟
رويدا:تكفى فكنييي من ذاا
عبدالرحمن:على خشمي
ناصر:تقرب بس ماتمضي ه اليله الا وانت جثه هامده
ريوفف تبكييي وقالت:والله يا ناصر ان مافكيت رويدا ان اتصل على ابوي
ناصر:وش بيقول ابوي دقي عليه وقولي له بيقول يدافع عن بنت عمه !
رويدا:اذا تسمي هذا دفاع فأنت غل...
وما امداها تكمل كلمتها الا وذا عبدالرحمن ب كف على وجه ناصر شهقت رويدا وناصر افلت رويدا وضرب عبدالرحمن بنفس القوه وقاموا يتضاربون
رويدا ببكاء:لا ابوكم لا ابو انقاذكم ي قليلين الحياء  جاء طلال وقال :رويدا انتي وخويتك شيلوا اختك انا بوديكم
عبدالرحمن  رما له المفتاح وناصر قام واتصل على ابوه
(عند ابوناصر)
ام ناصر:يارجال ويينن عييالنا ؟؟
ابو ناصر:راحوا يتمشون
ام ناصر:وكييف تسمح لهممم؟؟
ابوناصر:ماهم عيالي؟ وبكيفي؟
ام ناصر:وعيالي بعد كان لازم اذن
ابوناصر:بكره يجون لا تخافين عليهم
الجوال دق.
ام ناصر:منهوو؟
ابوناصر:هذا هو ناصر يدق
ام ناصر:هااات برد عليه

ناصر:سلام عليكم يبه
ام ناصر:وعليكم السلام معك امك
ناصر:امي عطيني ابوي!
ام ناصر:ليه تصارخ وبعديين ليش ماتكلمني انا!
ناصر :امي تكفيين مو وقتت
ام ناصر:اذا على ظنك ان لأمك وقت فاقلع وجهك
ناصر:محمد انكسرت يده
شهقت ام ناصر وسحب ابوناصر الجوال
ابوناصر:وش الي خلا امك تخاف وش صار؟
ناصر استذكى: محمد انكسرت يده ووداه سلمان المستشفى الهنوف بمجرد انها درت اغمى عليها رويدا قامت تبكي وتصارخ وعبدالرحمن مسكها من يدها وهي رفضت تروح بس هو غصبها وركبها سيارته وراحوا المستشفى كانت تبي تروح معي بس م كان معي سياره قام عبود وضربها في يدها وراح هو وطلال
ابوناصر:ابك يالعلم الشيين وليه تخلي بنت عمك تروح معه
ناصر :حاولت فيه بس اخذهم وراح
ابوناصر:وريوف؟
ناصر:راحت مع بنات العم
ابوناصر:وانت ليش مارحت ياثور !بكلم ابومحمد
ناصر:براحتك مابي ارووح معه تعال علي !
ابوناصر:ياششيينك
ناصر:الحين تقول ياشينك وانا ادافع عن بنت عمي
ابوناصر سكر بوجهه وقام كلم ابومحمد وناصر عنده فرحه انتصار مع انه مو داري بالعواقب...