ليتك ولد عمي وابوك اغلى عمامي 🖤

بارت ١٤

اليوم الثاني :-
طبعا العوائل الي راحت:-
عائله ابومحمد
عائله ابوعبدالرحمن
عائله ابوناصر
وعائلة ابوصالح
وعائلة ابوعبدالعزيز
وعائلة ابو راشد وابو خالد (عيال عم بطلنا)

....
الرحله كانت لمنتزه في النماص وكانوا جايبين معاهم العزبه والخيام ..
....
ابومحمد:يامحمد خذ خواتك معك وانا باخذ امك وامي وعمك
محمد:ابشرر
قاموا البنات وركبوا مع اخوهم وهالمرره غيرر الرحله هذي
لانهم مع اخوهم
البقيه ركبوا سياراتهم وانطلقوا
سياره محمد:-
سلمى:محمد اسمع شغل لنا شيلات
محمد:ياجوش الشيلات ابشري بعزش
الهنوف: معاك شاحن؟
محمد:ليه ما اخذيتي شاحنش
الهنوف:ياخي جوالاتنا نفس الشي طيب!
رويدا:معليش انا جبت شاحن
سلمى: بنات اسمعوا ايش تبونا نسوي فعاليات؟
رويدا: انتبهي لروح خالته انتي مارح تلعبين
الهنوف:ايوه مسكين انتي بالذات اجلسي
سلمى تتحلطم:اقول اسكتوا خلاص ان شاء الله اني بردها لكم ولو بعد حيين
محمد:سلمووه سميه على اسمي
سلمى:خلاص وصل الاسم على اسم خاله
محمد يضحك:الله يسعدش ههههههههه
الهنوف: لا لا تكفينن سميه اي اسم ثاني اخاف يطلع جد نفس خاله
سلمى:قد قاله ماجد قال اسمه لخاله محمد
محمد:القمممي
الهنوف:بشويش يامحمد بترج راسي لايشوفك ابوي
تركي :الا اسرع اسرع
رويدا:تركي وش فيك هاجد
تركي:فيني غثياان
محمد : وتبيني اسرع اجل في لفات النماص
تركي: لا لا وقف عند البقاله وجيب لي شيء اشربه او اكله .
محمد:ابشر بعزك
الهنوف:محمد عادي تفتح لي النت من جوالك خلص علي الرصيد
محمد:لا لا وصلنا للبقالة باخذ لش رصيد
الهنوف:سلمت
محمد يضحك:مو بفلوسي لا بفلوسش
الهنوف كشرت: ما أقبح الفقر وما أجمل الفقراء
سلمى:الله المستعان يالفقيره ههههههههه
محمد:خلاص خلاص على حسابي
...
في سياره عبدالرحمن:-
كان معاه امه وبنات عمه وعمته وعبدالرحمن ما كان نايم كويس ومنفس شوي:
لين: دحوم عادي تشحن جوالي
عبدالرحمن: تمام
رفيف:بتمر بقاله
عبدالرحمن بهدوء:ايه
رفيف:ابيك تاخذ لي عصير غازي
عبدالرحمن:تمام
لجين بدلع:وانا دحوم بتشتري لي؟
عبدالرحمن:ايه
عمته(هند):يادحوم اسمع
عبدالرحمن:يالبيه
هند بمزح:لباك؛ بدك ازوجك وحده من بناتي
عبدالرحمن:ههههههههه لا لسا صغير
هند:الا بزوجك بنتي ليونتي
لين:يممااه اسكتي
عبدالرحمن: بعدين ياعمه بدري علي
لين انقهرت:هاه؟؟
عبدالرحمن:...
لين:هاه لا لا لا يمااه الله يهديش اسكتي
هند:خلاص ههههههههه
لجين:دحوم جبت كاميرتك؟
عبدالرحمن:ايوه ليه؟
لجين بدلع:ابيك تعلمني كيف استخدمها انا ما اعرف كيف
عبدالرحمن: غير اليوم
رفيف باستفزاز:وش بك تتهرب اذا جينا نتكلم معك يا دحوم طلعت متكبر !
عبدالرحمن بعصبيه :تبيني افك السواقة واجلس اسولف معش يا الله حسستيني اني اتجاهلش ولا ارد حتى احمدي ربك خليتش تركبين في سيارتي
ام عبدالرحمن:دحوم هذي مو عوايدك
عبدالرحمن: بتصير عوايدي للمستفزين
ام عبدالرحمن: اقصر الشر بنات عمك
عبدالرحمن: طيب خلاص خلاص عشانش يمه
رفيف خايفه مره : وشدراني انك عصبي كذا
عبدالرحمن ببرود:تبون شيء من البقاله؟
هند:ولا شيء الله يسعدك
ام عبدالرحمن:جيب لنا عصيرات للسفر
عبدالرحمن :تمام ابشري
لجين:ابي كوفي
لين:دحوم ابي كيك دونات
رفيف ساكته
عبدالرحمن:تمام طيب
...
فالبقاله كان محمد موجود :-
محمد:وش فيك
عبدالرحمن:ياخي الله يصبرني لبقيه السفره بس
محمد:ليه
عبدالرحمن: بنات عمي ياخي مستفززات والله بس عشان عمتي متحملهم
محمد:اما انا والله فله ؛ليه ايش قالوا لك
عبدالرحمن: يتدلعون لو ما احترامي لعماني اني وانزلهم هم وطلباتهم البايخه قال ايش قال علمني كيف استخدم الكاميرا
محمد:ولو هي رويدا كان بتطيع تعلمها ؟
عبدالرحمن:كان تقولها بشكل عادي مو بدلع وبدأ يقلدها:دحوم جبت كاميرتك؟؟ ابيك تعلمني كيف استخدمها
محمد يضحك:شكلك مانمت زين عشان كذا معصب يالله بودي هذي لخواتي والله يعينك على بنات عمك
عبدالرحمن: الله يسمع منك( وقام اشترى كم غرض وراح لسيارته)
...
سياره ابومحمد :-
ابومحمد: والله زمان عن السفرات
ابوعبدالعزيز:اي والله خلهم يستانسون اليوم
ابومحمد: اي بالله
...
سياره ناصر:-
فهد:ياخي طف الشيلات
ناصر: ليه يالنفسيه
خالد:لا خلها
ماجد:الله يحفظني جيت بين بزران
فهد:ماحد طلبك تجي معنا
ماجد يضحك:بلوى
ناصر:اذا تبي اركب مع سعود وسلمان
ماجد:لا والله انهم نفسيات
راشد:اجل خلك ساكت
ماجد: وسرا الليل وحنا ماسرينا
...
وصلوا وحطوا خيامهم بجانب والحريم بجانب
عند الرجال بجلستهم بينما كان محمد وعبدالرحمن وراشد وفهد وخالد وسعود يجهزون جلسه شباب:-
ناصر:ياعم اسمع ابيك بكلمه
ابومحمد:اسلم
ناصر: ابي بنتك رويدا لي على سنه الله ورسوله.
ابومحمد: ان شاء الله بس عادها صغيره
سعد:عادي يامسفر هو يبيها وقد كلمني زمان عن هذا الشيء
محمد جاء وتكلم بحده:ماحنا موافقين بعدين في حد يخطب فالبر
ابومحمد: مانت بالوالي عليها
محمد مقهور:ادري يبه بس هي صغيره
ابومحمد:ما ذا مانع
محمد:ابوي استعيذ بالله تزوجها ذا(ويأشر على ناصر)
سعد:اعقب اعرف مع من تتكلم يامحمد لا اقص لسانك
محمد:اما انت ياعم مافيك قصور بس ما ابي اختي تتزوج
ابو عبدالعزيز:يامحمد انت مالك خص
محمد:الا لي الف خص هي اختي
ابومحمد: رويدا لناصر يامحمد
محمد: اذا بروح اشوف رأيها
ابومحمد: لا خلاص تم موافقين
محمد عصب:ابوي!!! شوف رأي بنتك اول ولا معاد به لها حق
ابومحمد:البنت لولد عمها وانتهى
محمد:ما ابي ارفع صوتي عليك يبه لكن والله ماياخذها وهي ماتبيه
ابومحمد:وش دراك انت انها ماتبيه خلاص لاتعاند ابوك ياولد وخل العيد يصير عيدين
محمد:والله ثم والله اني بروح اشوف رأيها وانها اذا ماتبيه ان مايمسها لو يلمس نجم سهيل
سعد: وكلامك الصح يامحمد روح كلمها
وراح محمد
سعود كان يسمع السالفه: لا هي ماتبيه
ابوعبدالعزيز: انت وش حشرك ياسعود خلك في نفسك
سعود بهدوء:ياناصر تراجع عن كلامك لا افضحك
ناصر: اقول وش تفضحني به ماعلي لك شي
سعود:ترا انا شفت كل شيء تغاضيت لك وسكت وقلت بيتعدل لكن الظاهر انك ماتفهم ولا تتعدل
ابوعبدالعزيز: ياسعود لاتلف اعصابي وش عندك؟
ناصر:مالك علي شي
.....
عند البنات:-
الهنوف:الله يابنات الاجواء تهبل
لجين:اي والله خلينا نصور يابنات
رويدا:بنات جوالي طفى
سلمى:مسكينه ههههههههه
ريوف:عادي صوري بجوالي وبرسل لش مالي خلق اصور
رفيف:بنات وش هذا الصراخ
لين:هذا عند الرجال
نسيم:ياراسي ليكون فيه مشكله
ساره:ما استبعد على كثر العوائل الي جات
رهف: لا اكيد بس العيال
...
عند محمد الي معصب:
-راحت عليك يادحوم خلاص
- مين الي راحت
- راحت رويدا راحت خذاها الخسيس منا
- من وش السالفه
- ناصر خطب اليوم
- تكذب
- روح شوف بنفسك
راح عبدالرحمن ومحمد راح لجهه البنات
...
عند الرجال:
جاء عبدالرحمن الي معصب ومرتبك وخايف وكل شيء