بسم الله الرحمن الرحيم اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم نبدأ هذا البارت:
ابها |بيت ابوعبدالعزيز | مجلس الرجال
____
ابومحمد التفت لسلطان - يابوفيصل الشقه اللي قلت لي جاهزه؟
ابوفيصل- اي نعم وانا اخوك ليه شبغيت تبي تعّود اليوم
ابومحمد- لا بس سألت لاني بعّود بكره
فهد بعد ما استأذن دخل عليهم وقال - السلام عليكم يارجال
الكل- وعليكم السلام ورحمة الله وبركاته
ابوعبدالعزيز- ارحب يولد محمد
فهد - البقاء ياعم ، علمي سلامتكم العشاء ببيت عمي حازم وبلغني ابلغكم بذا الشي
ابوعبدالعزيز- حي علمك ونباك والكلافه ماهي بينا ومعذرين عمك ، وكثر الله خيركم
فهد- ابد ياعم وصلكم العلم ،وحنا حاسبين حسابكم والعذر مب بينا وانا مستعجل ابي ارجع لاخوياي
عبدالعزيز- القهوه يافهد وتقلط وتجلس معنا شوي
فهد - ابد مشكور يالله ودعتكم الله
الكل-فمان الله
.
ابها|المول| البنات
_____
ايلان - يمه سند جاء
رتيل - وش يبي ؟ ووش فيك خفتي؟
ايلان - مدري عنه نظراته تخوف
رتيل مسكت يدها وقالت - بنات امشوا بس نطلب لنا !
سند بحده - ايلان
ايلان بخوف- سم
سند - يلا للفندق بسرعه !
رتيل -وين تو وصلت
سند - مب شغلش انتي طيب؟
ايلان - سند ترا بقول لأبوي
سند - اقول امشي قدامي ولا يكثر ،وانتوا ارجعوا احسن لكم والا مايصير خاطركم طيب !
لين - خير ان شاء الله؟ ولا بعد مسوين فيك شي؟
سند - لا ترادديني وقدامي السياره عندنا عزيمه ببيت عمي حازم
رتيل - وإذا؟ بنخلص بنروح هم مع فهد اخوي
سند ارتفع ضغطه منها - بنات امشوا وخلوها تنتظر ويقلدها"فهد اخوي"
رتيل بإستفزاز- يسواك وعشرة امثالك ياسند !!
سند ناظر لها بصدمه - صوتش يرتفع على ولد عمش؟ ابشري بي يا رتيل ماخاطرك بيطيب
لجين - لا بعد شفيك انت !
ايلان - سند شفيك معصب؟
سند التفت وراه وملاقي شله شباب ونظراتهم تضغط جالسين يطالعون ببنات عمه واخته
انقهر ومشى عندهم - وراكم تطالعون انت وهو؟
.. بإستفزاز- ابد ، بعدين ليه جالس تهاوشهم؟وش مسوين ههههههههههههههههههه
سند - اقول وش عندك ؟
..- معجب ههه
سند مسكه من رقبته وقال - متأكد
مسك هذا الشخص يد سند ونزلها وقال - لا تمد يدك؟ فاهم ؟ وايه اللي ابي انعجب فيها وبكيفي مب شغلك وش تقرب لك اساسا
ايلان سمعته وتبي تستفزه قالت مع ضحكه - سنوديي حبيبي امشي وش عليك من ذولي السبايك !!
سند - اي والله سبايك
نط ذا الشخص يبي يضرب سند مسكه فهد وهو يقول - حدك ، الا بني عمي لا اتوطى في بطنك ذاليوم!
ياحقيييير !!!
تراجعت ايلان وفهد مسك الولد ومسك سند وقال بعصبيهه -كلللل واحد بدرببببه !!!! والله مايصير خاطركم طيب !!
جو المنظمين وطلبوا منهم يخرجوا كلهم عشان مايسببوا فوضى
فهد بعصبيه - انا ولد هذال بخرج برضاي ، وانت ياسبك غصب عن خشمك
التفت للبنات وقال بعصبيه - قدامي السيااااره !!
نزلو البنات كلهم وهم خايفين وركب سند سيارته وفهد ركب سيارته ومعاه اخته رتيل
نزل سند شباك السياره وقال- شايفني اخطيت ياولد عمي؟ !
تنرفزت رتيل
فهد بهدوء- سند انطم لا تخليني اسوي شي مايعجبك !
رفع شباك سيارته وشغل السياره وسحب على سند
سند انقهر وخذا خوات خالد معاه ..وراحوا للفندق عشان يتجهزوا
_______
الدمام |عبدالرحمن
__________________
دخل حمد ومعه اخوياه ومعه عشاء لدحوم وقال - خذ ياولد هذال
عبدالرحمن- ما ابي شي منك !
حمد - احسن تموت بجوعك
عبدالرحمن-اموت ولا ذليت لك يولد ال عدي
حمد- آل عدي يسوونك
عبدالرحمن- تهبى، يكرم وجهي عنهم وعن أمثالهم
حمد ضحك وفك عبدالرحمن ،وكانت يدينه مره حمراء ،لأن سلطان يوم ربطه شده بقوه ،رما الأكل بالارض وقال- نمر احرسه لا يهرب ! بنجيك عقب شوي
نمر- ابشر
عبدالرحمن- اسمك نمر اجل
نمر- اي نعم ، شعندك
عبدالرحمن ضحك بسخريه- ابد ، الاسم مو لايق عليك
نمر بقهر- تبيني اوريك النماره يادحوم
عبدالرحمن ابتسم بأستفزاز- شفت النمور والحيوانات بأنواعها بس مثلك انت واخوياك الصدق ماشفت ههه !
نمر رفع سلاحه- اقول اسكت بس ، لا افضي ذا المسدس براسك !
سفهه عبدالرحمن،
و حس بيدينه تعوره بعد الربط ابتسم وقال - فيه حمام هنا ؟ ابي اوضي
نمر - ايوه فيه ، بس حاب انبهك ، مافي اي شباك بالحمام فلاتحاول تهرب
عبدالرحمن ابتسم ببرود وراح للحمام وتوضى
رجع وكان نمر موجود وقال بطريقه يستفز فيها نمر - لو فعلا بهرب ماكنت بستأذن منك ، وماني من اللي يهرب في عمى يانمر ! ،لكن مثل مالك انت واخوياك مخططات انا لي بعد ، ولا تستهين بولد حازم ال هذال، ع العموم بتمم صلاتي ، اللي فاتني بذنبك انت واخوياك .
قام يصلي العصر والمغرب بعد ماخلص سمع صوت نمر وهو يتصل
- هاه وينكم
- قريب جايين افتح الباب
- ابشر !
وهنا عبدالرحمن حب يقلب الموضوع لصالحه وقال - انت بس كذا سم ابشر ، ماعندك شخصيه؟
نمر- نعم ؟ شقصدك؟
عبدالرحمن ببرود- ابد، بس غريب تخلي سلطان يتحكم فيك بكل شي معقول انت ماتعرف تدير نفسك ؟
نمر- وانت شدخلك فيني
عبدالرحمن بضحكه- ابد ، بس حبيت انصحك ، اول شي تراك داخل بدروب محرمه لا ترضي الله ولا رسوله ابعد عن المخد،رات وربي بيرضى عليك بإذن الله ، واذا تبي اساعدك بساعدك ماعندي مشكله
ضحك نمر وقال- ههه كيف تساعد عدوك؟
عبدالرحمن ابتسم- انه يصير صديقي بدال عدوي
نمر- وعلى بالك بخون اخوياي عشانك
عبدالرحمن- انت خاين لوطنك بأكمله ولدينك قبل لاتكون خاين لاخوياك وبالعكس انك تغير حياتك ابدأها من اليوم ليه تنتظر؟
نمر تلخبط وقال - تكفىى بس !!! لاتحاول ما بطلعك !!
عبدالرحمن ابتسم ببرود- اللي يريحك سويت اللي علي ونصحتك ، اسس حياتك من جديد واعتبرها صفحه جديده تبعد عن المخدر.ات والحرام وتبني بيت وتتوظف وتدرس وتتزوج وتنسى ذي الدروب
نمر خرج من عند عبدالرحمن وهو يهوجس وقفل على عبدالرحمن الباب ...،
___________
عند شوق |في بيت الخال هايل
رجع هايل من برا ومعه ذبيحه عشان شوق وعبدالرحمن وبدر ، استقبلته شوق وهي فرحانه ان عبدالرحمن معه واقترب وجهها على طول وقالت بهزه - ارحب يا خال
هايل ابتسم وقال - البقاء ياحلوتي
شوق - يا خال وش لها الكلافه
هايل- لازم تاخذون واجبكم يابنتي
شوق ابتسمت بهدوء- ماقصرت ياغالي ، الا بسألك وينه عبدالرحمن مهو معك؟
هايل بإستغراب- لا ، غريبه ماراح للبيت؟
شوق خافت مره -لا من قبل صلاة العصر ادق له ولا يرد ! ، ودقت لي امي الجوهره وقالت انه مايرد بعد
هايل ابتسم وهو يهدي على شوق- لا تخافين بيرجع يمكن انه مشغول
شوق بدت دموعها تنزل " عاد شوق ام دميعه ابسط شي وتبكي"- تكفى ياخال وش ينشغل به؟ حن بالدمام مو ابها ماعنده ءءء حتى دددواام تكفففى ياخال تدوره تكفففففى ءءءءهه
هايل قام يهدي على شوق ويمسح دموعها- لا لا لا وش له الدموع ياشوق، لا تخافين الحين ابلغ كل الشرطه الموجوده هنا وندوره ماهو بعيد ان شاء الله، بروح غرفه المراقبه عشان اشوف وش لوحة سيارتكم اللي جيتم بها، وأبشري انتي اهدي ومايصير خاطرش الا طيب ياعين خالش واذا دق ابوه او امه قولي طيب بس جواله ضايع لا تقولين نهائيا انش ماتدرين تمام؟
شوق - ءءء ابشر تكفى تدوره
هايل- ماعليش ابشري، ولا تشيلين هم، بدر لا يدري تمام
شوق بهزه - ءء ابشر
________
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
