ليتك ولد عمي وابوك اغلى عمامي 🖤

بارت ٧٤

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم نبدأ هذا البارت:
نجمهه تقدير لتعبي ⭐⭐⭐⭐

الصباح
__________
الخامسة صباحاً|مطار ابها|فهد وسعود
_____________
سعود - يا إن النوم غالبني ياولد
فهد بهدوء- امش بدت رحلتنا
سعود - تمام
مشوا وركبوا بالطيارة درجة اولى نفس الحجز اللي حجزه سعود
،
ماهي الا دقايق  بعد إقلاع الطيارة وسعود ماخذها غفوة على كتف فهد
ابتسم فهد وقال- نوم العوافي
كان طول الطريق متوتر
ف قرر يهدي من قلقه ويقرا له قران
فتح ايباده وفتح على تطبيق " ختمه"
سورة البقره وابتدأ يقرأ
ما أن اتم قراءته لسورة البقره،  الا ويعلنون عن الهبوط
قام وصحى سعود وبطريقتهاللي دايم يصحي فيها - سعود سعييد سعيدانوه سعوديي اصحى 
سعود- وجعاه صحيت !
فهد -احسن يلا بنهبط عقب شوي

نزلوا لمطار الدمام وقال سعود - ولد انت مانمت
فهد- قلت لك ما اقدر انام بالطيارة
سعود- بس عيونك حمراء
فهد - وش اسوي
سعود - يلا بنطلب اجره عشان نروح
قاطعه فهد وهو يناظر بإيباده - تمام وعقب العصر ، بتصل على الشرطه بيجون علينا بطريقهم وصلني ان عندهم  مداهمه للمقرات اللي متوقع ان سلطان وشلته فيها  ف برسل لهم

سعود - يعني توقع شوق صحيح .
ابتسم فهد - عندها بعد نظر
سعود- توقع اي شي من الشله الفاسده ،بعدين وين جوالك وشو له الايباد
فهد- جوالي مفعل عليه نظام مراقبه او اختراق بدون ما ادري وطلع انه من سلطان ف انا ما ابي يدري اني بالدمام
سعود- والشيك معك؟ وش بتسوي به ؟
فهد - الشيك معي نعم ،وانا بوريك وش بسوي به

{ تسريععع مافي شي مهم }

__
وقت العصر| فهد وسعود
_________
خرج فهد وبيده سعود
وبعدها وصل الشرطي فايز ،والنقيب وائل
فهد - السلام عليكم
النقيب وائل- وعليكم السلام تفضل وعطنا علمك
فهد - ابشر
الشرطي فايز- منو ذا اللي معك ؟
فهد - ولد عمي سعود
الشرطي فايز- الله محييه
سعود- الله يبقيك
ركبوا
النقيب - وش عندك من علم يافهد 
فهد - اول شيء ياحضرة النقيب،  كلمتني شوق بنت آل عدي وبنت عمي بالرضاعه ، عن انو عبدالرحمن مختفي وانو هي شاكه في عيال عمامها
النقيب - وش علاقه شوق بالقضيه
فهد- المصايب كلها على عبدالرحمن وشوق
النقيب- تهقى بيحتاج تجي شوق
فهد - بعد المداهمه لأن هي الحين بوضع مايسمح والبنت منهاره ، المهم قالت ان ولد عمها حمد ال عدي رد عليها من جوال عبدالرحمن وهي كانت تتصل عليه بين فتره وفتره
النقيب - وش قال
فهد- كلامه مبهم نوعا ما ولكن قال حي الله بنت عمي وام ولدي
الشرطي فايز- اهمممم والله ان ماهم بهينين
فهد - ولا احنا بعد
النقيب- حضرة المحقق فهد بن محمد آل هذال، وولد عمك سعود ، وش خطتكم ؟
فهد - ياطويل العمر والسلامه عبدالرحمن قال اقابله فالدمام ومعي الشيك هذا ، واقدمه له اللي ابيه انو انتوا تكونوا مراقبين المكان كويس ، وانا بعرف كيف اوصل لرقم عبدالرحمن
الشرطي فايز -حضرة المحقق ، حنا حددنا موقعهم بدقه ، ليه لازم تبحث مره ثانيه؟
فهد - لأن لو اجيهم على طول بيقولون من وين جايب الموقع وانقفط واروح بداهيه
سعود- عندي اقتراح
الكل- سم
سعود- سم الله عدوينكم،  اول شيء انا بتصل على دحوم برقم وهمي وفي حال رد علي بقول لكم بخطتي
النقيب بتفكير- همم تمام بنشوف فكرتك وانتبه زين
فهد- انتبه زين ولا توطيت في بطنك
الشرطي فايز بضحكه- هد هد يافهد
دق سعود على رقم عبدالرحمن، وسلطان كان نايم وسمع الاتصال وفتحه بدون لا ينتبه وقال- الو
انصعق سعود من سمع صوت سلطان - اي هلا مو هذا جوال عبدالرحمن؟ 
سلطان استوعب على نفسه وقال - هاه الا رقمه
سعود- انت عبدالرحمن؟ 
سلطان بغى يلعب اللعبه صح  وابتسم لما قال انت عبدالرحمن ظنا منه انه ما يعرفه وقال - اي نعم انا ، سم وش تبي
سعود - ابد معك نايف آل سعد وابوك موصيني اجيب لك شيك بقيمة ٦٠٠ الف لأن ولد عمك مشغول صحيح كلامي
سلطان - حياك الله ، اي نعم انا قلت له يجيبه
سعود- لأنه امانه والأمانه في رقبتي وهي اول مره اشوفك فيها ف ابي اللوكيشن حقك لاهنت بجيك الآن انا في مطار الدمام
سلطان - لا انا اللي بجيك
اشر فهد لسعود يرفض
رفض سعود وقال- لا انا اللي بجيك ، ارسل لي اللوكيشن
سلطان  تجحفل - شف ، انا ما اعرف للمواقع واجد " وهو كذاب لأنه اساساً مايقدر يفتح جوال دحوم ويرسل الموقع بحكم انه برمز " ف عشان كذا بكلم خويي يرسله لك يمدي؟
سعود ابتسم من نجاح خطته بشكل جزئي وقال - تمام ، مو مشكله ، ارسله من اي رقم انا مهمتي اوصله لك وبس
سلطان- تمام مع السلامه
سعود قالها من قلبه - معك الله يادحوم معك الله !
.
فهد - يسسسعععد لي قلبببك ييشششييخ !
سعود - هذي المره انا اللي بتوطى في بطنك
فهد كان فرحان وقال - حلالك ياشيخ ههههههههههههههههههه
النقيب زفر- بس !! احنا في مهمه مو وقت الضحك !
سعود وفهد - حاضر سيدي!
النقيب - فايز ، بلغ الجهات الامنيه انه عندنا مداهمة حالياً
الشرطي- حاضر سيدي !
___
عند سلطان :
ابتسم وهو يبدل ثيابه وفرحان بنجاح خطته ، ثوبه كان مشقوق من تحت مع ذلك ماهمه، بعد ما ارسل لنايف اللي هو سعود اللوكيشن كان باقي بس انه يروح عند عبدالرحمن،  سلطان ما يعرف سعود بحكم ان اغلب وقت سعود في روسيا ، واساساً ما كان مهتم انه يعرف كل عيال عمام دحوم
توجه لأخوياه وشلته كلهم وقال اليوم رواتبكم دبل ! ، وحمد !.
حمد - سم
سلطان - خاويني عند عبدالرحمن ،الشيك قرب يوصل
حمد - وش بنسوي فيه
سلطان بخبث- بنقتله اكيد لأنه اكيد ناوي يفضحنا
حمد ابتسم - يعجبني تفكيرك ياشيخ ! ، واللي بجيب الشيك ؟
سلطان - ابوعبدالرحمن غبي مرسل لي واحد مايعرف حتى صوت عبدالرحمن اسمه نايف  وانا ارسلت له موقعنا هذا وبعدها بنروح نقتل عبدالرحمن
حمد- وش بنسوي في نايف بعد
سلطان - خله في حاله مسكين ههههههههههههههههههه !
حمد - طيب وشوق
سلطان- م عليك زواجك منها علي وغصباً عنها طبعاً
حمد- كيف ؟
سلطان - بوريها جث.ه اخيها وبقول لها اذا ماتزوجتك بقتل بدر وامها وام عبدالرحمن وأبوه واكيد بتنهار وتوافق طرق !
حمد - اجل بكلمها الحين ههههههههههههههههههه  
سلطان ابتسم - خذ راحتك وعاد تفنن بالكلام
حمد - م عليك رومنسي مره ههههههههههههههههههه 
قام واتصل على شوق من رقمه ، ردت شوق وقالت - هلا
حمد - هلا شوق قلبي
شوق عضت على شفتها - خير شتبي ؟!
حمد -ابد بس ابي ابلغك بكم شيء !
شوق - خير!!
حمد- مافي شي خير اليوم
شوق - نعم ليه ؟
حمد - لأنك بتكونين زوجتي غصبًا عنك
ضحكت شوق بإستفزاز وقالت - على اي اساس ؟
حمد- ياتاخذيني يا احرمك من كل شي تحبيه
شوق بقهر- وباقي شي ما احرمتني منه ياحمد ؟ .
دق جرس البيت وقال حمد- بدق لك عقب شوي وترا عبدالرحمن مي.ت !!
وقفل وترك شوق بصدمتها ولا قدرت تتحرك من مكانها !!
_____
عند فهد :
نغزه قلبه وقال لازم يدق لشوق لأنه وعدها يدق عليها ! ، اتصل على شوق وفتحت بس كانت طور الصدمه ولا نطقت
فهد - الو شوق
ماردت
فهد- شوق تسمعيني
شوق بهزه - ه ه هلاءءءء
فهد - شوق انا جيت للدمام
شوق - فهد
فهد - سمي
شوق - عبدالرحمن
فهد - وش فيه
شوق - قالها قالها حمد
فهد  صرخ - وش قال بنت لا توتريني !!
شوق بصدمه - قال انه مي.ت
فهد  صرخ بصدمه- وش تقوليييين؟!!!!!
قفل جواله ورماه بالأرض
النقيب- وش فيك !
فهد برزت عروقه وصار وجهه احمر من شدة ما عصب وقال - النذل سواها والله لا اخلص عليه
مسكه فايز وقال- انتظر سعود وصل للباب
فهد بعصبيه - والله  لا أخلص عليه والله ان يموت لو على جث.تي انا !!
والله لاخذ حق دحوم منه ومن كل اخوياه
قام النقيب واشر لشرطيين يمسكون فهد وفهد كان بيلطمهم بس ما قدر عليهم لأنهم مسكووه
وفجأه جت لحظه صمت من شاف سعود انفتح له الباب وخرج سلطان وصافحه
فهد - ما يصافح ولد عمي النذللللل يخسسسسسييييي !!!!.
سد الشرطي على فم فهد اللي دموعه بدت تنزل ومايخفى عليه حال شوق !! ، انهار كل شيء الا اخوه كل شيء الا عبدالرحمن لا يصير له شي،  فهد قطعه من قلب دحوم، وعبدالرحمن قطعه من قلب فهد ، مهما كان مايقدر يعيش او يتقبل فكره انه يعيش بدونه ، ماكان مصدق نهائياً، وامتلا قلبه حقد على سلطان وشلته ، بس انهياره على ولد عمه كان اقوى لدرجة انه كان يشاهق
اول ماشاف النقيب " طبعا يراقبونهم من بعيد " اول ماشاف سعود سلم سلطان الشيك اشر للطاقم بدء المداهمه ! !
______
عند سعود:-
كان متوتر لأن حتى سلاح ماعنده بس بين الثقه بلع ريقه بتوتر ، ودق الجرس وبيّن الثقه ، فتح سلطان وقال - ارحب يا نايف 
سعود ابتسم - الله يبقيك ، انت عبدالرحمن صح
سلطان - اي نعم
سعود في نفسه " تهبى والله انت وثوبك ذا اللي كنه من زباله "
سعود- كيفك ياعبدالرحمن طمني عنك عساك طيب
سلطان - طيب وانت شايفني ، ابي الشيك الحين
سعود - طيب طيب بس حبيت اتطمن عليك
سلطان انقهر وهدف سعود يستفزه وقال- مافي اقلط ولا
سلطان ابتسم - ما اقدر الحين لأني مشغول هات الشيك
سعود - سم يا عبدالرحمن ورفع الشيك وسلمه اياه !!
وماهي ثواني الا والشرطه حاصرت المكان من كل اتجاه ، انصدم سلطان ورفع سلاحه بوجه سعود واطلق ،في اللحظه اللي نط فيها فهد ودف سلطان وجت الطلقه في سيارة من سيارات الشرطه
قام فهد وبكل حقد ومسك سلطان من رقبته يبي يخنقه وقال - لييييه يا نننننذل ليييه لييييه تقتل ولد عمي تحسب اني بسكت لك
سلطان بصوت مخنوق- الله يخليك شوي بس الله يخليك
فهد بعصبيييييه - تخسي وتهببى مليون مره !!!!!
قام الشرطي وضرب فهد مخدر لأنه لازم يهدأ ولو ماهدا ممكن يؤدي انهياره لوفاته لا سمح الله !
قام ومسك سلطان وكبل يدينه
بينما الشرطه الباقيه ، مسكت كل شلة سلطان عدا نمر ، لأنه ما كان قد جاء للموقع هذا ،ومن شاف الشرطه تراجع وتذكر كلام عبدالرحمن متوجه لمستشفيات الامل مباشره !
زفر سعود بتعب وهو يحس انها جته ام الركب لدرجه معاد قدر يوقف ، كانت اول مهمه في حياته يسويها ، لأنه اساسا مو شرطي ، بل صيدلاني، وكان هالشي مرعب بالنسبه له !
اتصل النقيب وائل  على الإسعاف على اساس ياخذون فهد !
وكملوا بقيه الشرطه المداهمه بينما النقيب وائل اشر للملازم انه يروح معه لعبدالرحمن!
_____
عند شوق :
تعبت ، تعبت وححححيييل وخبر حمد جاء على مسامعها مثل الصاعقه وقامت تصرخ وتلوم على نفسها ، وعيونها تعبانه من السهر ودموعها اربع اربع !!
طلعت امها وبدر وزوجة خالها وخالها
وشافوا انهيارها وصراخها- انا السبب انا السبب !!!  ليتنننننننني مارحححححت للدماااااااااااام !!! ليتنيييي ماجيييت على هذي الحييييياه اصلاً متتتتتتى يجييي اليييييوم اللليييي اموتتتتت فيييييه مستتتحيلل، ككككيييف دحوم كااان بخخييير كككككذب ممممستتتتححححييييييييييييل مممستححيييييل!!!
مسكها خالها هايل وقام يقرأ عليها وهو يقول- تعوذي من ابليس يابنتي وش فيييش تعوذي من ابليس قولي لا اله الا الله وحدي الله وحدي الله
شوق بقله حيله جلست تصرخ- لا اله الا الله، لا إله إلا الله ،لا اله الا الله ،حسبي الله ونعم الوكيل فيييك ياحمد حسبي الله ونعم الوكيل حسبييي الله !!!!!