ليتك ولد عمي وابوك اغلى عمامي 🖤

بارت ٥٤

(قاعه الحريم)|الطايف|قريب الفجر

رويدا- اهخخ يابنت فيني نوم لدرجه هائله
الهنوف- حتى انا ، هانت بنروح الشقه بعد شوي
الجده اسماء- افا شقه وبيتنا موجود
ام محمد- م عليه ياخاله قد استأجرنا وان شاء الله عقبها بنمركم
الجده اسماء بزعل- وانا الي فرحت بجيتكم وجيه بناتي عاد لو سلمى هني كان احسن بعد ،مير ان هذال نسي يعزمهم السموحه
ام محمد ابتسمت- عادي ياخاله مابه خلاف ..
رويدا- هنوف محمد يدق على جوالش
الهنوف- ردي انتي
شوق- اما هواش عشان اتصال
رويدا- من قال انا بنتهاوش
الهنوف- بس ردي وبس
رويدا-يازفت يدق على جوالش انتي
الهنوف - طيب طيب
(راحت ترد)
الهنوف- هلا
محمد- البسوا عباياتكم بياخذكم عبدالرحمن وانا بروح مع سعود وابوي
الهنوف- دقيقه وين ياخذنا
محمد- عند جدي هذال عيا الا ان حن نروح عندهم
الهنوف- اما
محمد- والله
الهنوف -طيب تمام ازهلنا
(قفلت الخط)
راحت لامها واختها:-
الهنوف- يمه يمه جدي هذال عزمنا
الجده اسماء توسعت ابتسامتها- الحمدلله الحمدلله
ام محمد- ويش قال محمد
الهنوف- قال بيجينا عبدالرحمن
شهقت رويدا
الجده اسماء- بسم الله عليش وش فيش
رويدا بكذبه- بس كنت بطيح
ضحكت شوق وقالت-الحين بيجي توه مرسل لي واتس ننتظر شويه

____
عند عبدالرحمن:-
ركب سياره عمه جلوي هايلوكس وراح متوجه لقاعة الحريم
فتح جواله من سمع صوت رساله
" عبدالرحمن؟ "
عبدالرحمن ابتسم ورد"هلا بالغايب هلااا"
طلال" زمان عنك يارجال طولت عنا "
عبدالرحمن "اشتقت لك انت ونايف وعبدالله "
طلال " حتى حن اشتقنا لك والله مطول "
عبدالرحمن " اييه لو تدري انها صارت مشاكل على راسي خليها على ربك "
طلال" وش صار علمني"
عبدالرحمن " أمنني واحد هنا ان لاحد يدري بها ولا كنت بعلمك "(كان يقصد رويدا )
طلال" الله ييسر امرك"
عبدالرحمن "وياك"
طلال" لا تباطى علينا"
عبدالرحمن "-العيد الجاي ان شاء الله "
ابتسم عبدالرحمن من شاف جدته دقت على شباك السياره ، نزل الشباك وقال- أرحبي يابعدهم كلهم
الجده اسماء وهي تفتح الباب وتدخل - ترفق ياوليدي بالطريق لا تخوفني
عبدالرحمن- بتشوفين اني اسوق احسن من جدي هذال
الجده اسماء- انتظر امك واختك وبنات مسفر ونشوف
عبدالرحمن بضحكه- قدام
ركبوا امه قدام عند جدته وركبت شوق والهنوف وام محمد ورويدا بالوراء...
تقدم شوي بالطريق وكان فيه زحمه:
الجده اسماء- الزحمه هذي على ويش
عبدالرحمن- يمكن اشاره
الجده اسماء- لا مافيه اشاره هنا ونادر يجي زحمه هنا
عبدالرحمن- مدري والله
تقدم شوي بالسياره وشاف قدامه حادث و السياره ولون السياره الرصاصي ما تغير عليه وسع عيونه بصدمه وبدون ادراك شال يده من على الدريكسون
صرخت امه من ميلت السياره شوي وسحبت الدريكسون
عبدالرحمن ضاع بالسياره الي قدامه وقال بصوت مهزوز ولا هو يسمع الي حوله- يارب يخيب ظني يارب !
ام عبدالرحمن بصراخ- عبدالرحمن تكفى لا تسوي فينا حاادث
استوعب عبدالرحمن على نفسه ودعس الفرامل باقوى ماعنده وطلع صوت العجلات الخلفيه وهي تحك بالارض ووقف السياره
رويدا صرخت بقوه - دحييييم تكفى!
زفر براحه وقال- الحمد لله ، انتظروني
نزل من السياره على جيت الاسعاف وركض بسرعه وهو يقول - من هو ذا من هوووو
انصدم يوم شاف بنت صغيره طايحه بالارض والدم مغورق وجهها ، عرف الوجه وعرف الملامح وركض لها وشالها ونزل شماغه عليها يحاول يتدارك الدم الي ينزف وركبها مع الاسعاف بسرعه
وقال بهزه واضحه- انتظروني بجيكم اصبروا وصبروا قلبي والله م انام وانتوا مو بخير اهخخخخ يادنيييييا اهخخخ يادنيا ويش تاليش
شافته الجده اسماء من شال بنت عليها الدم وصرخت وقالت بدموع -حسبنا الله انا لله وانا اليه راجعون حسبنا الله من الحوادث
جاء عبدالرحمن ركض والدم مالي الثوب حقه وشكله يخوف وقاعد يردد- لا اله الا الله،...
لا اله الا الله
..لا اله الا الله يارب قومها بالسلامه يارب خيب ظني ومايصير الي في بالي يارب
ام عبدالرحمن- لا اله الا الله من هي ياولدي من هي ؟
عبدالرحمن بهزه- رويدا يمه رويدا
رويدا- ءءءء انا هنا
عبدالرحمن- السمييه يارويدا السمييه لاحول ولا قوة الا بالله لا اله الا الله يارب سلم يارب سلم ياااااارب سلم
وصل القصر ونزلوا بسرعه ورويدا ترجف يدينها لدرجه ماعاد تقدر تتحرك من مكانها تصلبت بمكانها
عبدالرحمن بهمس سمعته رويدا- انزلي يا غيمتي وانتبهي لممشاش
نزلت بسرعه من الحياء وهو من قفلت شغل السياره واسسسسسرعععع للمستشفى..
وصل وعلى طول للطوارئ ..
دخل ووقفه احد الدكاتره بس من شاف الدم الي بثوبه قال له-ادخل للفحص
عبدالرحمن ابتسم وهو يخرج بطاقه من جيبه مكتوب فيها " الدكتور المتدرب عبدالرحمن بن حازم ال هذال-مستشفى ابها التخصصي"
انصدم الدكتور- جاي من ابها
عبدالرحمن- ابي لو سمحت رويدا بنت حيان آل شامخ
الدكتور- بأي حق وبأي ترخيص تدخل
عبدالرحمن- بترخيص عبدالرحمن دخلني وبس !
الدكتور بخوف- تمام من هنا
_________
نجران |سلمان
صحى من بدري تقريبا ٣ الفجر وقام يرتب اغراضه واخذ له شاور طلع من الحمام بسرعه على صوت انفجار قوي حيل وخاف ، قام ولبس بسرعه وطلع يشوف ركض نزل للدرج وهو حيل خايف يوم شاف الدخان من بيت عمه بدون اي شي اتصل على الدفاع المدني ووصف لهم المكان
راح ركض وشاف الحريق كيف منتشر لبيت عمه وممكن بعد ينتشر للمزرعه
التموا الناس في القريه على المكان .. وبعد خمس دقايق بالضبط جاء الدفاع المدني..
سلمان كان في حاله صدمه .. ماقدر يستوعب الي صار
وبيت ابومحمد تقريبا نصه احترق لان الحريق انتشر بسرعه بحكم انهم استخدموا البنزين ..
سلمان قام وسجد لله سجود شكر ان اهل عمه مو موجودين بالبيت
جاء بباله سيناريو لو ان الهنوف كانت بالبيت ، دون ادراك رجفت يدينه وهو يتخيل هول الموقف على قلبه ، يحبها بقد دنيتها يحبها اكثر من اي شيء ثاني ، تخيل لو صار لها شي تذكر دموعها امس وهي تكلمه ، جثى على ركبه وهو يصرخ- الحمدلله الحمدلله الحمدلله يااااربببب لك الحححمد
سنده سعود ولد جارهم وقال بهزه- ليه تفرح وبيت جدك احترق
سلمان- فالبيت ولا في اهله