ليتك ولد عمي وابوك اغلى عمامي 🖤

بارت ٢٧

هيثم وهاشم وعبدالله:-
هاشم- اذا جيت تتكلم مع عماتي تكلم جنوبي لا يجلدك عمي جلد
هيثم يسوق- مالك شغل
عبدالله- لا بس عشان لا تفشلنا
هيثم-عاد الرحله طويله لا تخلوني ارجعكم نجد
عبدالله- هون عليك بسوق انا ماني بمحتاجك
هاشم يضحك- خلاص انت وياه هواش من بدايه الرحله
هيثم- بسم الله على هشهوش مسوي نفسك طالع منها
هاشم- هشهوش في عينك ياخي عطوني كذا دلع حلو هشومي
عبدالله- مرتك انا عشان ادلعك تزوج والقى لك من يدلعك
هاشم- سلمان بيتزوج وانا اكبر منه ولا قد قربت حتى
هيثم- ليش لا
هاشم- عشان ابي اضبط كل شيء واشتري سياره وحركات
هيثم- ليت عندي راتب مثلك كان لقيت معي اربع حريم
عبدالله- يا متخلف ويش الي اربع حريم ليه الحريم حسب الراتب
هيثم- لا تلقاهم ذالوقت يقولون( يحاول يقلد البنات🥲) " تزوجت طيار تزوجت دكتور واهه يبنات تخيلوا من كثر السفرات نسيت السعوديه"
عبدالله- وسرى الليل وحنا ماسرينا اقول اهجد حدك بنت وحده هذا اذا اساسا قبلت فيك
هيثم- ياولد الحلال ادري حدي وحده بعدين ترا الف بنت تتمناني
هاشم- لبيه قال ايش قال الف بنت تتمناني انت حتى بنات عمامي مايقبلون فيك حتى لهجتك ماهي زينا
هيثم- ننننننن وانت وش عليك مني اقول ترا انا بنظره اموتهم فيني
عبدالله- شغل شيلات وركز في طريقك
هيثم- ماعاد الا تعلمني كيف اسوق
هاشم-شباب ثواني اسمعوا انا بشغل لكم شيله
عبدالله- ويش هي؟
هاشم-هممم مدري بس بغيت تسكتون
هيثم يغني-

سريت ليل الهوى لين انبلج نوره
امشي على الجدي وتسامرني القمره

طعس وغدير وقمر ونجوم منثوره
وانفاس نجد بها جرح الدهر يبرى

سريت ليل الهوى لين انبلج نوره
امشي على القدم وتسامرني القمره

يانجد الاحباب لك حدر القمر صوره
طفلت هلال ومن اربع عشر بدره

حبيبتي نجد عيني فيك معذوره
معشوقة القلب فيها للنظر سحره

فضت شعاع القمر في نجد مسحوره
من شاف لمعة قمر في خدة سمره

عبدالله- ياحُبك لـ نجد
هيثم- اي والله اني احبها واحب من سكن فيها
هاشم-اسلم طلع صوتك حلو ماشاء الله
هيثم- ادري
عبدالله -مدحناك اي بس لا تصدق نفسك
هيثم-مالت علييك
عبدالله- اقول بس لا يكثر ودينا البقاله ورانا مسافه ٩٠٠ كيلو وانا ما اقدر اسافر وانا جوعان
هاشم- عبيد تكفى كون كريم وادفع
عبدالله- اقول القطه من ١٠٠ ريال على بالكم طالعين منها
هيثم- اجل دامها كذا ابي تدفعون قطه حق البنزين
عبدالله يضحك- ها لا مين قال كنت امزح
هاشم- ابي عصير فواكه وابي عصير مانجو وابي ٣ تصبيرات وحده بالجبن والثانيه بالجبن والزعتر والثالثه
تصبيره بيتزا وابي كولا وفشار وبطاطس عشان الطريق طويل.
عبدالله-ابدفع على هيثم عشانه حاسب على البنزين بعدين ترا انا مو المتنبي عشان احفظ ذا كُله.
هاشم- يعني انا اقط وهيثم مايقط
عبدالله- ها الله الله .
هاشم- ماعلي٧ ماعليه ليتني رحت بالطيارة احسن لي منكم
هيثم- وصلنا البقاله وصلنا.
هاشم دفع ١٠٠ ريال لـ عبدالله وجلس هو وهيثم ينتظرونه يطلع ؛جاء عبدالله ومعه اكياس كبيره وحطها بالخلفية عند هاشم (هم في هايلوكس حق هيثم)وقال عبدالله لهاشم- هييه لا تخلصها طيب
هيثم- ياخي اركب ازعجتنا مسوي لي فيها ثقيل والعاقل اهجد لا اهجدك
عبدالله- على الاقل اعقل من واحد يبي له ٤ حريم ورابط لي الزواج بالراتب
هيثم- لو ربي شرع ٢٠٠ لاعدد بكيفي ومالك شغل هذا واحد؛ اثنين تراك مشغلنا من بدايه الرحله بسالفه الزواج تبي تتزوج تزوج انت بعدين تعال تفلسف على راسي طيب!اما حركاتك هذي خلها في جيبك
عبدالله-لاترفع صوتك علي والله لو ما احترامي لك ماعليك تكمل كلامك الا بنجد على بالك مشيتنا ١٠٠ كيلو مسوي لي واو
هاشم فتح بطاطس وجلس ياكل ويناظر فيهم؛ ناظروا فيه وسكتوا قال- ايوا شفيكم وقفتوا عادي ترا الي يبي محامي انا هنا كبروا لي قضيه ماتسوى !
هيثم- هو الي بدا السالفه بالكامل
(بعدها هدوء ل ٣٠ كيلو)
هاشم يبي يكسر الهدوء- هيثم انزل انا بسوق مبين منفس
عبدالله- الا طويل لسان
هيثم- على الي يسكتك انت
هاشم- عبدالله خلك عاقل وكبير وفكنا منه
عبدالله- عاقل من قبل لا اعرف خشتك
هيثم-بالله صادق انت ؟
هاشم- بدق على ابوي الحين ما اخلص المكالمه الا وهو هنا .
هيثم- الا اهجد لا اجلدك في مكانك
هاشم- هثهوث علامك منفس؟
هيثم ساكت ماتكلم ...لمده طويله و عبدالله يناظر بالجهه الثانيه من الشباك
هاشم كان قد بينام بس مانام و تكلم وقال - وعلى ضوح القمر بسري ياقمر لا تغيبين
( كان يعرف انها شيله عبدالله المفضله )
بس عبدالله ساكت تكلم هيثم- كم ترجيتها منك قد لي شهور وسنين!
عبدالله- وعلى ضوح القمر بسري ياقمر لا تغيبين
هاشم- وهذولا اخواني الي يرضون بسرعه
عبدالله- باقي على نجران ٦٠٠ كيلو
هيثم- آسف عبدالله دخل بينا الشيطان
عبدالله- انا بس كذا كنت منفس من شيء