ليتك ولد عمي وابوك اغلى عمامي 🖤

بارت ٥٢

بسم الله الرحمن الرحيم اللهم صل وسلم على نبينا محمد
...
لا تجرحيني جرحك العام ما طاب
دواي بحنانك ما مضى واجرحيني
ياللي حنانك نظره بين الاهداب
ردي علي بعض العزا ناظريني !
خافي على قلب يحبك الى ذاب
ذاب الهوى في خفقته والحنيني!
في غيبتك كل الملا عندي اغراب..
ما احد ابي قربه ولا احد يبيني!
لا ياغلا كل القرابه والاصحاب
ضاع العدل في الناس لو تظلميني!
البدر بن عبدالمحسن آل سعود ..
__________________
الطايف| عبدالرحمن وشوق ورويدا
نزلت شوق ورويدا نزلت على طول تخاف يقول لها عبدالرحمن شيء ..
عبدالرحمن ابتسم وهو يتأمل كيف انها منزله راسها وتمشي ولاهيب داريه وين الله حاطها!
الشعور الي اجتاح قلبه ، الشعور الي تمنااااه من سنيين اليوم تحقق قدام عيونه
نطق بخفوت- احبك قالتها ! يادحوم قالتها!
قام وصور نفسه وهو مبتسم يعتبرها اجمل ذكرى مرت على قلبه كتب على صورته بالسناب" متى ماخليتي عنك المكابر والعناد ..جيتك انا ياعيون دحيم " وسوا لها حفظ ، ماحب يشارك ذكراه مع احد ، مع انه مو خايف من اي احد !

..
عند شوق ورويدا
قامت الميك اب ارتست تنزل اغراضها ، رويدا نزلت عبايتها ونقابها، وبانت الصدمه على وجه شوق
شوق- ماشاء الله ماشاء الله، وانا اقول وش فيه اخوي
رويدا ما فهمت - وش فيه ؟
شوق بضحكه- قلت انه طاير بعيونش اثره ماشاف شي حتى
رويدا انحرجت مرهه وحمر وجهها - ها ءء يلا بنسوي الميك اب
قامت الميك اب ارتست تضبط الرويدا .
وبعدها طلعوا عند عبدالرحمن
عبدالرحمن ماعاد انتبه وجلس يناظر بعيونها رويدا وزاد حلا عيونها الميك اب الي هي مسويته
نطق بدون انتباه- وش حيلة الي شاف في عينش بلد
لو غابت اعيونش يحس انه غريب!
، استحت حييل ونزلت راسها لأجل ماتلمحه ، شوق ضحكت ادرك هو على نفسه وقال- تممتوا؟
شوق- ايوه مشكور

بعدها تقدموا شوي ورويدا سااااكته ومنزله راسها بحياء
فتح عبدالرحمن جواله وشغل اغنيه ابونوره " يا اجمل من الاخيله..هذا جواب الاسئله"
وصلوا للقاعة ونزلت شوق عقبها بسرعه نزلت رويدا عبدالرحمن ابتسم من فهم انها نزلت على شان لا يكلمها وقال " اوووه ياحظ ارض بان فيها مواطيش ! وياحظ الطايف بمن جاااااهااا"
..
_______
الطايف| القاعه
سعود ركض لمحمد يحتضنه- ارحب ارحب يرجاللل
محمد بادله الحضن- بقيييت وسلللممتت
سند- مبطي عن الطايف مابغيت تجي
ركض له محمد وضمه- احبك يا سند
سند بضحكه- اووووه ياحظي بس
سعود- بغار انا ترا
فهد- هيه ساحبين علي
محمد-انت اساسا سلمت عليك !
الوليد يناظر لهم بنص عين
قام محمد ومد له يده وسلم علي بشكل رسمي
وسلم على باقي الشباب
قاموا يجهزوا الاغراض ويرتبوا القاعه الين ابتدوا الناس يحضرون
وصل عبدالرحمن ونط محمد وسلم عليه - يازفت وينها اختي
عبدالرحمن بضحكه- في قلبي !
محمد- حظك اني معطيك وجه
عبدالرحمن - اشهد
محمد- اني صادق
عبدالرحمن- هي في قاعه الحريم
محمد- ياهخخ ابي اشوفها 
عبدالرحمن بضحكه-شفتها قبلك
محمد- اعقب
عبدالرحمن- اهجد ما شفتها ، ترا فيه ممر من هنا يودي لقسم الحريم اتصل لها وبتجيك
محمد- تمام ، مشكوور ماقصرت
عبدالرحمن- ماسويت شي
محمد- ادري
عبدالرحمن- مالت عليك ، على بالي عقلت
محمد- تمون ، مابروح اساسا
عبدالرحمن بضحكه - وغصبا
سعود- هلا بالشاعر
محمد ناظر لسعود- تدري انت؟
سعود- من زمان الازمنهه! واعرف في من يقصد بعد
محمد تغيبى- في من؟
سعود ناظر لعبدالرحمن وعبدالرحمن ابتسم
سعود- في غيمته!
محمد- الله الله الله ترا اغار انت وهو
سعود ناظر لدحوم بصدمه وقال- درى؟
محمد- ايييييي ادرييي يانذل انت وهو اعجبتكم السالفه !
التفت عبدالرحمن من سمع صوت الترحيب في " آل شامخ "
عبدالرحمن ابتسم بسخريه وهو يناظر لهم وقال بصوت عالي- حييي من جانا حيي الله ال شامخ
مر من جنبه ثامر ومد يده له يسلم عليه وقال- الله يسلمك
عبدالرحمن ناظر له - اوه م انتبهت لوجودك !
سعود بهمس- ابوك وش فيك؟
عبدالرحمن- ذا ثامر
سعود بضحكه- ايييه عرفته ههههههههه كبر
عبدالرحمن - هه يضحك
سعود- وش بينك وبينه؟
عبدالرحمن- مافي شي مهم