ليتك ولد عمي وابوك اغلى عمامي 🖤

بارت ٥٨

بسم الله الرحمن الرحيم اللهم صل وسلم على نبينا محمد وعلى اله وصحبه اجمعين 🖤.
نبدأ:-
بيت العم محمد |نجد
________________
جهزوا اغراضهم متوجهين لأبها ..
ركبوا بسيارتين بحكم انهم عايله شوي كبيره تقسموا على سيارتين
السياره الاولى هايلكس هيثم فيها:
السواق كان - هيثم (سواق العائله ههههههههه)
معاه- الجود والريم ويحيى وهاشم
السياره الثانيه "كابرس عبدالله " فيها:
عبدالله يسوق وامه وابيه معاه

في سياره هيثم :
الجود- هيثم اشتري لنا شي بالطريق ناكل
الريم بضحكه- ماتو تغدينا امداتس تجوعين
الجود بنرفزه- وراتس مشوار طوييييل حبيبتي وبكره التروية بتصومين وبعده بيكون فطورنا عند عمي عبدالله(ابوعبدالعزيز) وهم العيد !
هيثم- اختصرتي جدولنا كله
يحيى- يعني عاد بنروح ونتمشى اكتل (اكثر)
هيثم- اي
الريم - م علينا من هذا كله هثومي ابي قهوه
هيثم ابتسم - عشان الدلع تبشرين بالقهوة مو مثل هثهوث
هاشم كان سااااكت وبعالم اخر وكل تفكيره وهمه بالقضية بدون ادراك قال - هيثم
هيثم- ها؟
هاشم- الليث داري بالقضية
هيثم بتصريفه- شغل لنا شي نسمعه
هاشم استوعب- تمام يلا
قام وشغل اغنيه على ذوقه ..
(السبب وراء انهم مايقولون لاحد بالقضية حقت الرويدا ولا حتى ال هذال دارين عنها عدا دحوم طبعا ، عشان لا يجي احد يطعن بشرفهم ، ويمشون الموضوع تمام الين ما تنكشف القضيه لصالحهم قدام الكل ، يعني مايمدي احد يطعن بشرفهم دام القضيه صارت مصرح فيها انه لصالحهم )
________
نجد| بيت ابو الليـّـث
جهزوا الكل اغراضهم عدا الليث وله سببه الشخصي
اول ما انطلقوا من البيت وهم نفس الشي منقسمين بسيارتين .. اول م تحركوا رفع الليث جواله:
- ولد ، جهزت حجز الطيران؟
- ايه ، كل حاجه جاهزه والفندق جاهز وكل شي انت بس توجه نجران وعلمني اذا وصلت
- تم لا هنت يامشاري
- ولانت يالخوي حق علي ، وطمني دقيقه بدقيقة
- خايف
- ليه تخاف
- خايف يكون صار لبنت عمي شيء !
- طيب هم ما قالوا لك بالسالفة الا بعد ماخطبت
- ايه، والمشكله مو هنا وبس ، خفت يدرون الاهل هم يقولون مابينكم نصيب
- طيب ما انت قلت انك ماتبيها
عض على شفته بقهر- لا ما على تفكيرك ! اخاف عقبها الناس يطعنون بشرفها ليه فسخنا الخطبه !
- عادي طيب في اكثر من ناس ماصار بينهم نصيب ، طيب هي تبيك ؟
- انا مجبور عليها وهي مجبوره علي
- ابوذيبب، ليه ما عاندت
- آهه يا مشاري بس لو تدري بالحرقه الي في قلبي عاندت لين ما خفت اطيح من عين ابوي
- يعني ابوك الي جبرك على بنت عمك
- بالضبط، لانه قال مايبيني اكسر كلمته حتى لو انه تصالح مع عمامي
- ويش بتسوي طيب
- يصير خير ،مابي افكر اتعب بالتفكير المهم لاهنت
- ولانت مع السلامه انتبه لنفسك
- الله يستر عليك،بعد انتبه لنفسك
_______
الرياض|بيت ماجد وسلمى
سلمى- شفت قلت لك تكفلوا بموضوعه انت اهدا وكل شي لصالحك
ماجد معصب مره وعروقه بارزه- غدره ياسلمى غدره !
سلمى- تقدم لي قبلك ! رفضته توقع منه اي شي
ماجد بنرفزه -سلطان ياسلطان الوعد بينا وانا اوريك ! ولا ما كون ولد الفهد!
سلمى بهدوء- ماجد تكفى خلاص بيدفع لك تعويض وبيخيس له فتره بالسجن بتهمه انتهاك حرمات الناس واعراضهم.
ماجد ابتسم بسخريه- اففف جعل يخيس للأبد ! ماهمني التعويض ! كثر ماهمني انه شافش!
سلمى- وعلى ظنك ان انا اهتميت للتعويض، بالعكس بعد شرفي صورتي معاه ! بعدين الفوتوشوب هالفتره صاير مايسمح لاحد حتى يرسل صورة لأهله !
ماجد بغيره- من ترسلين له صورش؟
سلمى بضحكه وهي تعد - بس رويدا والهنوف وريوف ونسيم ونوره والريم .
ضرب ماجد على الطاوله وقام
خافت سلمى وقالت - شفيك !ترا بنات عمي عاد !!
ماجد بقهر- وسلطان خويي بالشغل ! مساعد الطيار احس او اشوف خشته مره ثانيه لأقلب الطياره فوق راسه
سلمى بصدمه- سلطان آل عدي من متى تعرفه ؟
هز راسه وقال- مو مهم ، عندي رحلات كثيره تنظم جدول الرحلات عندي، ومشكلتي اني خايف عليش!
سلمى برعب- ماجد تكفى ! ما اقدر اجلس لوحدي
ابتسم بهدوء- لا تخافين، مابتجلسين لوحدش!
سلمى- ء ء بس تعرف مانيب قادره اركب الطياره
ماجد- اوديش لأهلي تحطش امي بعيونها
سلمى- بس ءء صالح بيكون موجود
ماجد- صالح بشقته مابيطلع
سلمى هزت راسها بالايجاب وقامت تلم اغراضها..
وبينما هي تلم اغراضها التفتت لماجد وقالت- متى تنتهي رحلاتك ؟
ماجد- حول شهر وكم يوم وارد لكم ان شاء الله
سلمى هزت راسها وقالت - اهفف لو ما ولدك ذا كنت مرافقتك
ماجد ابتسم - اذا جاء ولدي ان شاء الله تركبين انتي وياه .
سلمى ضحكت وكملت تلم اغراضها
_____
مكه المكرمه| الفندق..|اليوم الثاني ماقبل يوم الترويه
ابو عبدالرحمن - بنعود الليله للطايف
عبدالرحمن- لا بنعود نجران الليله بكره عندنا قضيه
هز ابومحمد راسه بالايجاب وقال- ايوه وبعد تأخرنا ٣ ايام عن الديره
فظ
فز قلب عبدالرحمن من تذكر الي صار ببيت ابومحمد وانقلبت ملامح وجهه وقال - تجهزوا ! بكلم الوالده بنعود بسيارات جدي ماهيب مشكلة
ابومحمد- بتعود طيران
عبدالرحمن- لا ياعم استأذنت من جدي قال حلالك
__
عند الحريم :-
رويدا فتحت جوالها على رساله والرقم ما كان مسجل :
" السلام عليكم ، كيفش "
ردت بهدوء" ياهلا وعليكم السلام ورحمة الله وبركاته، الحمدلله، مين معاي؟"
"بتعرفين بعدين ،م علينا ابسرد لش كل شيء عالسريع ولا ابي أطول "
"اول حاجه مين انت لا اعطيك بلوك"
" اليا بغيت قلت لش ، ركزي معي وبكل حرف "
سكتت ماردت وهي تشوف الرقم لسا يكتب
" بالبدايه، ابتكلم عن القضيه بهدوء ما ابي احد يدري اني كلمتش ليا من حد درا بتشوفين ويش بيصير لش !"