اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم
ما يِرجع الفايت كثير الحسايف
ولا تحيي الميت عيونٍ بكت له .__
بيت ابوعبدالرحمن
__
شوق- يمه شفتي عبدالرحمن؟
ام عبدالرحمن- لا من ٣ ايام ماشفته
شوق- طلع عند الخيول ولا رجع
ام عبدالرحمن- تلاقيه يتدرب مع محَمَد ماحوله خلاف
شوق - ولا تكلم معش؟
ام عبدالرحمن- الا ارسل لي انه بيطلع مع اخوياه البر
شوق - يمه ليه قلبي مو مطمن احس في حاجه !
ام عبدالرحمن- بسم الله لا ان شاء الله مابه خلاف!
انصدمت شوق لأنه نهائيا مو من عادة ام عبدالرحمن دايم تخاف عليه ودايم تسأل عنه ودايم تشتاق له ، بس ماعاد الموضوع اهتمام
__
فلاش باك قبل ٣ ايام 🛑
__
مقبل يتصل على دحوم وقال له كل شيءعبدالرحمن- طيب طيب ، الحين وش السوات
مقبل - بكلم زوجة عمي وانت عليك شوق كلمها وتفاهم معها
انقبض قلبه وقال - ها ءء طيب علي علي ، متى تبي تخلي عمي ملهم يشوفهم ؟
مقبل - عقب اسبوع ونص لبين اقل شيء يستوعبون شوي الصدمه لأن مستحيل يصدقون اصلاً !
عبدالرحمن - ءء ايه صح
مقبل- شفيك .
عبدالرحمن- لا ولا شيء بس اني حتى انا مصدوم
__
بعدها راح عبدالرحمن لنادي الخيل اللي سجل فيه وقاعد يناظر بخيله وهو متوتر ، ويفكر براسه " كيف بقول لها ؟ طيب لييه ؟ ليييه انا ما ابي تروح هذي اختي ! ، واخوي بعد ، لييه يبون يبعدونهم عني مره ثانيه ليييه!
بعدين ليه كل شيء يزين ينقلب ! ليه امي تقلب علي وليه شوق تبي تروح عني بشدتي ما اقدر كذبب هذا حلم وانا لسا ماصحيت شوق ماتروح ابدا لو على دمي ! بس ذا ابوها كيييف ، ذا عمي ملهم ، مستحيل خمس سنين طلع عايش اصلاً ! ، يمكنه واحد كذاب يبي يورث ، او يبي من آل هذال شيء عشان شوق ؟ يمكن انو علي ال عدي مرسله كييف بتأكد يمكن لاعبين على عقل مقبل بالفوتوشوب؟ "جلس ثلاث ايام بالفندق واذا كلمته امه قال بخير واصلا ما كلمته الا مره وحده وقال انه طالع البر .
اخذ له غرفه ونام فيها او بالأصح عشان ينام فيها لأنه بالأساس ماقوى النوم من التفكير! ،اتصل على ملجأه وقت الشدايد " محمد"
عبدالرحمن-الوه محَمَد
محمد- لبييه سم هلا بالنسيييب
عبدالرحمن بصوت ضاايق- لبيت حاج ،سم الله عدوينك
محمد- ياولد علامه صوتك ؟
عبدالرحمن-ياولد ضايق ضايق
محمد- بسم الله عليك من الضيق وطاريه وش فيك ؟
عبدالرحمن- ما ادري شلون بس ابيك تجي اشرح لك كل شيء !
محَمَد-تمام وينك فيه ! اجييك لو زحف وانا اخيك ولا اشوفك ضايق ، تبي نتقابل بكوفي واخذ لك قهوه ونسولف هناك ّ
عبدالرحمن- لا لا تعال الفندق ***** انا هنا
محمد- وراك مب ببيتكم ّ
عبدالرحمن- ياولد ما اقدر اواجه اهلي !
محَمَد- تدري ! جاييك وراك علوم !
__
بعد مرور ٢٠ دقيقه .
__
محَمَد- علامك ليه ماتروح البيت وراك مستأجر
عبدالرحمن-شفت بعد ماراح جدي هذال الاسبوع اللي راح الطايف ؟
محَمَد- ايوه ؟
عبدالرحمن-وصلني علم هو زين من جهه وشين من الثانيه
محَمَد مسك كتفه- ياولد بسم الله عليك شفيك تشفر
عبدالرحمن- المهم وصلتني اعلام ان ابوشوق لسا عايش
محَمَد بإستغراب- يمه بسم الله كيف؟ طلع من قبره ذا ؟
عبدالرحمن بضحكه- لا لا هو اساساً ما مات " وقام يشرح له السالفه"
محَمَد- اما ما قدر يطلع الا بعد ٤ سنين
عبدالرحمن- اللي سمعت ، وهو المشرف تبع شركاته ف اكيد اللي معاه مستغلين الوضع ومراقبينه كويس
محَمَد- امم ، طيب مفروض تنبسط
عبدالرحمن نزل راسه وقال- ادري بس ما ابي بدر يروح هو وشوق !
محَمَد- ليه خلهم ينبسطون
عبدالرحمن- ياليتها بهالسهوله يابوحميد، مير اني ماقدرت اواجههم ،ولاني قادر اصلاً اني افارقهم
محَمَد- طيب طيب
جلس يفكر بعدين قال - وليه وش رايك نقابل ملهم حنا؟
عبدالرحمن بهدوء- ما اقدر، امي هيله من درت فسخت خطبتها من ولد عم ابوثامر
،وشوق كانت تحسبه انه هو ابوثامر اللي معاديني لأن عنده سمي له متخيل ؟
محَمَد - كيف حاله ثامر
عبدالرحمن- سمعت انه لسا بغيبوبه
محَمَد- اما من شهر ونص
عبدالرحمن - الله الله
محَمَد-طيب ليه ماتخلي ابوك يقابل ابوبدر
عبدالرحمن- انا شخصياً ماني مستوعب شيء !
محَمَد- خلاص وانا اخوك كمل تجهيزاتك للملكه انت واهلي وانا بروح اقابل ابوبدر بالسفارة
عبدالرحمن هز راسه بالنفي - لا تروح خايف عليك
محَمَد-افا عليك يالنسيب ، خليها بوجهي وانا بدبرها
عبدالرحمن- يا محَمَد.مدري ليه انا خايف
محَمَد ابتسم- يارجال خلها على ربك ثم في وجهي
عبدالرحمن ابتسم وهو يضمه- ابيض وجه!
محَمَد- ثلاث ايام واروح وراي شغل هنا
عبدالرحمن- خذ راحتك معك اسبوع ونص ، انا بنتظرك هنيا !
محَمَد- ولا يهمك
__
انتهى الفلاش باك 🛑
__________
الوقت الحالي
_
بيت ابومحمد| رويدا والهنوف
________
الهنوف- اسمعي بحكم انو الثيم كله بيج ف خذي لش فستان يكون لونه بنفسجي فاتح
رُويدا- مم مدري محتاره !
دخل تُركِي- بنات تدرون محَمَد وين رايح
الهنوف- ايه قال معه شغل مهم بيخلصه ويجي
تُركِي بضحكه- قاعد يلم شنطته كنه بيهاجر
رويدا بضحكه- كيف ؟
تُركِي- مدري شنطته كبيره
رويدا- على وين قال بيسافر؟
تُركِي- قال الرياض ظني
رويدا- مو على اساس ان ابوي بيخطب له بكره
الهنوف - اما قاله ّ ؟
رويدا- ايه قال كلم ابو صالح وماجد ووافقوا
الهنوف - يمه طيب خلينا نكلمه
تُركِي- قال شغله مايتاجل
رويدا- بروح اسأله
__
محَمَد
_
اخذ نفس عمييق وهو يكمل يلم اغراضه ، اللي يعرفه انه مهما كان هو رايح للسفارة السعودية بإيطاليا يعني آمان مو لمكان مجهول ، اخذ بطاقة المحاماة اللي استلمها قبل شهر تدريب قبلي ، دخلت عليه رُويدا
محَمَد ابتسم - ياهلا ياهلا ياهلا
رويدا- هلا بك وين رايح ؟
محَمَد- عندي كم شغله
رويدا- وش هي ؟
محَمَد- اكمل دورة التدريب حق المحاماه
فز قلبها وقالت -وين ؟
محَمَد ابتسم - الرياض .
رويدا- محَمَد منت ب على خبري وجهك يقول انك تكذب علي ؟
محَمَد- رايح لحاجة مهمه سريه لا خلصت وعد مني انش انتي ودحوم اول من يدري
رويدا ابتسمت وقالت بضحكه- اجل لدحوم علاقه بالسالفه
محَمَد- ايوه
رويدا- اجل لا تروح
محَمَد - ليه ؟
رويدا بخوف- دحيم ما توه قبل شهر انخطف مابي يصير لك اللي صار له
محَمَد ابتسم- الله يحفظه ، وبسوي معش مشاركة لوكيشن لاتخافين تقدرين تشوفين وين انا رايح
رويدا- اثق فيك واخاف عليك مايحتاج
محمد بضحكه - انا اللي مفروض اخاف عليش انتي الصغيره
رويدا بضحكه- رجعنا!
محمد- استأذنش سلمي على امي لاردت من عند ام مهدي ، ووصلي سلامي للعيال وملكتش بحضرها ان شاء الله
رويدا ابتسمت بدموع وهي تودعه- درب السلامه
محَمَد-ياختي لاتبكين ما بموت ترا
شهقت رويدا- بسم الله عليك بعد عمر طويل
محَمَد ابتسم وضمها وقال- مع السلامه ياعيوني
رويدا مسكته من كتفه - بس ابوي قال بيخطب لك بكره
محَمَد- بعدين مانيب فاضي ، بكلمه
__
اهلا اهلاً ، بعد غيبه
سبب التأخير / صار على عزيز لي حادث الله يحفظه ويحفظ لكم غاليكم 🤎
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _