بسم الله الرحمن الرحيم اللهم صل وسلم على نبينا محمد وعلى اله وصحبه اجمعين لا تجعلوا روايتي تلهيكم عن طاعه الله وصلواتكم..،
...
زعلت من تفاعلكم لاتخيبوا ظني هالمره ☹...، ابي النجوم تاصل ل ٢٠٠ او اكثر معقول مشاهدات تاصل للألف والنجوم بس ٨٠
نبدأ،
بيت ابوعبدالعزيز يوم العيد:
ساره - يانسيم اقول اخلصي
ابي الاستشوار
نسيم- يالعله شعندش
من صبح ربي واقفه
عندي في فرق بين شعري
طويل وانتي قصير وش له !!
روان - ها خذي استشواري
ياعيوني خلصت منه
ساره ناظرت لنسيم - شوفي فرق الاسلوب وتعلمي !!
نسيم بضحكه- المعلم يبي له يتعلم
حبيبي سوير خلصي ولا يكثر .
الهنوف كانت تتخيل
لو انه سلمانها هنا وتتخيل
كيف بيكون عيده بالعسكريه
رويدا جلست تتأمل شكلها للمره الالف
الهنوف - خقت على نفسها.
رويدا- ومن بحب رويدا قد يلام؟
الهنوف - لا يجي فيش الكبر
رويدا- انا الحمدلله ماهو بطبعي الكبر والنرجسيه، بعدين انا بس انسانه احب نفسي
الهنوف - الا وهي نفس الشي
رويدا- لا لا فيه فرق بين حُب الذات والنرجسيه
الهنوف- ما اختلف معاش بس انتي نرجسيه واضحه
رويدا- بس بس يلا خلصي بنروح نصلي
الريم - انتظروني بنروح كلنا سوا
نسيم - عاد انتظروا سوير تخلص شعرها
رويدا- اخلصوا ترا ورا العيال ذبايح وحن هنا لازم نخلص نروح نصلي نرجع نحط ميك اب
روان - وبالله من بيودينا
رويدا بهدوء- مافكرت فيها
نوره - كلمت فيصل قال بيجي علينا البسوا عباياتكم
قاموا البنات يلبسون عباياتهم..، توجهوا لتحت وهنا كانت الصدمه
السواق كان الليث وبجنبه فيصل
رويدا بهدوء- بروح مع محمد
نوره كانت تناظر في الليث بقهر بس قالت في نفسها " اليوم عيد مابخلي احد يعكر مزاجي "
ام الليث-وليه ؟
الهنوف- مابتوسع السياره
ام الليث بهدوء بس سمعتها الهنوف - باللي مايردكم
الهنوف سحبت رويدا وركبت هي وياها الاولين
رويدا- قلت لش ما ابي !
الهنوف قفلت معها من عمتها - اقول والله ان تركبين ولا تركب هي خليها تسنتر عند الباب تنتظر من يجيها
،
شافتهم فاطمه ونوره وعلى طول فهموا غيضهم من عمتهم مريم وركبو على طول معهم .،
الهنوف - عمه مالش مكان هنيه دوري حدِ يجيش
الليث- يمه تبين تركبين قدام وانت اركب بسيارتك
نوره بقهر - لا ماله داعي بتجي مع امي وباقي عماتي
سكت من سمع صوتها وحرك السياره على طول وامه واقفه كذا تنتظر احد يجي عقبها جا ابوعبدالعزيز وركب الباقي معاه
،
خلصوا صلاه العيد وتوجهوا يسلمون على بعض ويعايدون بعض ولقت شوق رويدا بمصلى العيد وكل وحده عطت الثانيه هديتها للعيد ، ام عبدالرحمن نفس الشي سلمت على الباقين وجت عند ام محمد وقالت - من العايدين
ام محمد- من السالمين
ام عبدالرحمن-آل هذال اللي هنا بيجونكم الليله يقول حازم خذوا علمكم
ام محمد بتوتر- الله يحييكم الجميع
ماعرفت ليه كلمتها هي بالذات؟ مع ان البيت مو بيتهم ..،
بمكان اخر عند الرجال اللي كل واحد فرحته بالعيد ماتوصف عدا ابومحمد اللي يتذكر ان اساسا بيته انتهى ، كان يناظر لعبدالرحمن بقهر مايدري ليه ،هو عارف انه مستحيل يسوي شي وان ضرر محمد من ضرره بس مايدري ليه ؟ هو حقَد عليه؟ او بس انها ضيقه لأنه اللي قال له بخبر بيتهم ، كانت ابتسامته المنكسره حييل باينه ، بس هذا ابومحمد ماينكسر لو كانت همومه جبال ..،
كان يتلفت حوله ولقى جد كبير فالسن وسلم عليه وقال - انت ولد سالم
ابومحمد- ايه انا الله يسلمك
الجد- كيف حالك ياولدي
ابومحمد- على ماتحب ان شاء الله انت تعرفني؟
الجد- ايه الله يسلمك خوي قديم لابوك
سمعه عبدالرحمن وكتم ضحكته من تذكر ان جده قال ان بدر خويه القديم
،
اخذ ابومحمد علومه هم عودوا لبيت ابوعبدالعزيز والعيال راحوا يذبحون الضحيه..،
غيث كان يصور الضحيه اللي هو اساسا راح مع تركي وسعود اخو ريوف اللي مكلفين يذبحونها ، كان غيث يصور سناب لمتابعينه
وتركي كان يقول - الحين سؤال ياغيث
غيث- سم
تركي - سم الله عدوك ، عدد المسلمين بالارض يمكن حدود مليار وعليها صح؟
غيث - صحيح
تركي - يعني شف الحين الغنم اللي نذبحها كل عيد ضحيه غير عن اللي نذبحها عزايم وزواجات كيف تكفي مليار مسلم
غيث بتفكير- والله شف انا صراحه ما ادري ما ادري بس شف ربي يطرح فيها البركه على شان تكفي
سعود - اقول خلك من عددها وتعال معي انت وهو
غيث- بس ماتخاف؟
سعود- لا ماني سبك .
غيث-شتقصد؟
سعود - ياليل منك بس اقول تعال اذبح ولايكثر .
غيث-عشانك تكبر مني وتفهم اكثر عني عديتها لك
سعود بضحكه- تعديها غصب ، كذا اسلوبي مع الكل تحملني
تركي - سعود متى بتملك
سعود- بكره
غيث- مبرووك يولد سعد
سعود وهو يرفع الخن.جر- الله يبارك فيك عقبالك
بسم الله الله اكبر
وقام ذبح الخروف.
تركي- يوه والعجله
سعود- لو اقعد اسمع لسوالفك انت وياه بضيع
تركي- العب لقيت نفسيه جديد
غيث- انشهد
سعود بحده- وانا لقيت اثنين فيهم روقان وبرود الكون ياخي ورانا عزييييممممه !!
غيث- تم تم تم تم ههههههههههههههههههه
..
فيصل والليث :
الليث- آه ياخلٍ تمنيته، اه ياليته وياليته، يوم حب ويوم حبيته، يرسل اعذاره وتبريره
فيصل - لبيييه
الليث- ياولد عطني عذر
فيصل- وش تبي
الليث- ابي اعود البيت ضروري
فيصل - تمام مو مشكله بس لو يشوفك عمي عبدالله ان يهبددك
الليث بضحكه- مايسويها
فيصل- اقولك الولد على ابوه ، سعود ماطلع كذا عبث ، ولا عبدالعزيز
عبدالعزيز- اسمي تطرى وانت ياليث ابوي يدق يقول يبيك بالبيت في مشكله صايره
الليث بصراخ - ياليل !!!!!! حتى بالعيد مشاكل !!
عبدالعزيز- ابد ، بس صوت ابوي كانه معصب عود وشوف علمه
فيصل- قلت لك الشبل من ذاك الاسد
عبدالعزيز ابتسم- يلا فيصل انا بساعدك
فيصل- تم ازهلني بس اجيب السكين هم اجيك
،،
سلمان:
لنا زمان عنه
كان عيده هالمره مختلف بس كان حلو تعرف على أصحاب جدد وكون صداقات بالعسكريه كثف عارضه وزاد طوله من التدريب اللي ياخذه ، كتب رسالة مع انه يعرف انها مابتوصل ...،
الى هنوف السلمان :
ياعيد ، الي صاحبٍ بالحب فاتني ، والحال مني قضى بعد وانا قاضي
ياعيد، انا مولع بصغير السني،لو مبسمه سم قبلته وانا راضي
بتاريخ 12/10
سلمان الهنوف
وحط توقيعه
..،
انتهى !
نجمه تقدير لتعبي 🖤
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
