بلابِل الجوى

٢

#بلابل_الجوى
#بقلمي
@wared_wa

كلماتنا في الحب .. تقتل حبنا
إن الحروف تموت حين تقال..
- نزار قباني

"تجاهلو الاخطاء الاملائية ماراجعت البارت"
.

.

ركبت سيارة خالها وهي تتافف
- اموت واعرف متى تبطل تتأخر علي انا مت من البرد والمدرسه فاضية
- لويش ماتجلسين داخل على مااجيك

- ماحب ادخل داخل لاطلعت وماعندي احد اجلس معه داخل
- تحملي كلها كم شهر وتتخرجين

- على هالتأخير ابي تشتري لي غدا بطني توصوص من الجوع
- امك اليوم داقة علي تقول لاتجيب لها غدا انا طابخة
روحي للبيت وعايني من الله خير وتغدي ونامي وبالليل نتفاهم

- امي تقول كذي كل يوم وارجع القاها ماطبخت شي
- عاد تفاهمي انتي وامك

- لويش مغير طريق البيت وين رايحين
- بروح اخذ اوراق من صديق صديقي وارجعك بعدين
- ياخالي اقولك جوعانه وتبي تمشورني بعد تبيني اموت

- عاد لو متي ادفنك هني اي مكان بين الجبال واكمل طريقي
-هالحين اكتب وصية ماتحضر عزاي ولا تاكل من عشاي
- اجي اشرب قهوه وامشي

- ذكرتني حتى قهوه ولا شاي ماتشرب ولا حتى تمره لجل اموت من الجوع تلحقني ونتحاسب هناك
- محدٍ يموت من الجوع الا انتي

- وش تقصد؟
- سلامتك
قالها ووقف امام البقالة

- يلا امشي انزلي اشتري لك تصبيره على ماوصلك البيت
ردت بثقل
- خلاص اخليك تشرب كاستين قهوه بعزاي
ضحك على طريقة كلامها
واردف
-  راعية طيب ماتقصرين

.
.
تاكل الشبس وعيونها عالطريق
- اقولك خالي
- قولي

-هالحين قولي خالي وش رايك بحب هالايام
- وش اللي طرى على بالك من هالسؤال
- ابي افتح موضوع

- سمعي يبه الحب ماقبل الزواج هو حب مبهم غير واضح هو مجرد شعور غير مسؤول ولا تقيده التزامات

والحب قبل الزواج معرض بالفشل
يعني انا ماأومن بحب قبل الزواج

- كثير زواجات بدأت بحب وزواج وانتهت بطلاق
لان فترة الحب الطرفين يدعو المثالية الزايدة
لان بينهم مجرد حب بعيد عن الالتزامات والمسؤولية

من ينختم حبهم بالزواج يبدأ الطريفين بإظهار الحقيقة وعدم تحملهم والتزامهم بمسؤوليه

وينتهي بالطلاق والاطفال ضحية الحب الفاشل
والاغلب يستمر زواجهم واللهفة داخلهم ماتت
لان استهلكت اللهفة ببداية العلاقة

اتكلم هني عن الحب اللي مايرضي الله
وتذكري زين وخلي هالكلام ببالك
اللي بدايته مايرضي ربك
نهايته مايرضيك