بلابِل الجوى

٣

#بلابل_الجوى
#بقلمي
@wared_wa

‏تبي تشرف من تربى ورباك
‏ثلاث لاتسمع ولاتطيع فيها

‏كرامتك ضميرك الحي ومبداك
‏ماتقدر اليا بعتها تشتريها

(نصيحة مميزة جاتني وحبيت اشاركها بهالبارت)

.
.

صباح الجمعة

بهاليوم ابوي ياخذ خواني الاثنين للصلاة بالحي امي تطبخ الغدا وانا ارتب البيت وابخره بالعوده

انهيت الترتيب ورحت مع امي اجهز السفره قبل يوصلون وحطت السمك والرز والسلطات

جوعانهه والاكل قدامي وريحته دخلت براسي وبطني توصوص لكن جالسه اناظر فيه واتحسر لان نبع الحنان بالمرصاد تبينا نجتمع كلنا وناكل

مشتهيته بالحيل وهذا اكبر عذاب نفسي عند الوالدة الله يحفظها كل جمعه هذا حالي وابوي واخواني اللي يتأخرون تقول يصلو التراويح ماهي الجمعه اللي كلها ركعتين

قمت اخذ جوالي ابي اشغل نفسي من الجوع جلست بالصالة وطبعاً منبوذه ماعندي رسايل الا قروب المدرسه اللي حتى بالاجازة كارفين نفسهم لان التحصيلي قرب

دخلت لتويتر اتابع اخر الاخبار واحط اعجابات
ونزلت تغريده

" ليت بعض عادات يوم الجمعه تتغير"

واول اعجاب من نفس الشخص اللي ارسلي البارح
وكتب تعليق
" يوم الجمعه اللي يميزه عن باقي ايام الاسبوع هي العادات "

تجاهلته وبقيت اتابع بتويتر الى ان جا ابوي واخواني تغدينا وتلذذت بالسمك الناس بطرانه والله تدور حب وعشق ووجع قلب تعالو شوفو هذا الوجع اللي يريح القلب يوههه وفيها قرمشه بعد

تغدينا وغسلت المواعين وتوزعنا عالغرف لجل ناخذ قيلوله الظهر

خديت جوالي ولقيت منه اشعار بتويتر
دخلت ولقيت كتب تعليق اخر تحت التغريده
- "وش هي العادة اللي مزعجتك بيوم الجمعة؟"

رديت عليه
-انتظار الرجال اللي يتأخرون وهذا يسبب تأخير للغدا

" عادي تقدرين تاكلين تصبيره على مايجون حلاة الاكل بلمة الاهل "
"ماحب التصبيره احب ادخل عالوجبه"

حط لايك على ردي وماارسل شي بعدها
سمعت صوت الجرس وعرفت اللي يجينا بهالوقت
قمت بحماس لناحية الباب وافتحه والقاه قدامي

- اسفرت وانورت من يوم شعشع هلالك
ضحك ومسح على راسي
بندر: كيفكم؟

هجران : شفتك وصرت بخير ياخالي
بندر: وش عندك قولي؟
- ابد ياخال تفضل اضيفك

- ولله وراك بلا يابنت خديجة
- افا عليك تفضل تفضل ياخال ماوراي الا كل خير

دخل للصالة وجلس مستغرب لعدم وجود احد
- وينهم اهلك؟
- نايمين كلهم
- هذا وانا مكلم ابوك جاي نروح لبيت امي
تنهد