بلابِل الجوى

٢٠

#بلابل_ الجوى

بقلمي ..#wared_wa

قرائة ممتعة ..♥️

مادام قلبي لك شفوقٍ و ميلاف
‏وراك يا خلّي قليل المروفه؟
‏لا، لاتعسر القلب في كل محراف
‏إحذر يجي عقب المودّه حسوفه
......

لبست عباتها فوق الفستان تمشي ونور ماسكة يديها وتساعدها شافت السيارة الواقفه قبال الباب سيارة خالها
وقفت وبدت تمر بكل لحظة عاشتها معهم ، واخر اللي صار معها محى كل شي سووه لها

سحبتها نور
- وش فيك؟
- وينه عبدالعزيز ؟
- هذا هو واقف هناك
قالتها واشرت خلف سياره بندر

- ابي اركب معه
نور : هجران امشي معي بندر مودي كل عيالنا هناك لجل تركبين وتاخذين راحتك
- نور ابي اروح مع عبدالعزيز افهميني

تركت هجران وراحت لبندر اللي بالسياره ينتظرهم
من شافت نور كلمته نزل من السياره
ووقف قبال هجران اللي واقفه وسرحانه قبالها
- هجران يبه وش فيك؟ عبدالعزيز سيارته مزحومه مافيه مكان
عنده وانتي ماشاءالله فستانك يبي له سياره بحالها

ماناظرت فيه ولا ردت
وقفت بجنبه نور : هجران امشي عشان خاطري تكفين
قالتها ونظراتها كلها ترجي
تنهدت هجران ومشت ناحية السياره وفتحت لها نور الباب الخلفي ركبت ومشت السياره

عيون خالها تناظرها من المرأه وهي عيونها على النافذه تتامل الطريق لكن فكرها بمكان ثاني

.....

وقفو قبال الاستراحة ومبين عليها الرقي
نزلت هجران بفستانها ودخلت لداخل وهي متفاجاه من المكان
ستاند قبال الباب مزين بإسمها هي ووطن والمكان مزين بالورد الابيض والبنفسجي ناحية الباب الكبير

جت نور ومسكتها من زندها وبدت تهلهل
ومن داخل بدت تعلى الهلاهل وخرجو جدتها وامها واثنين من قرايبها

قربت جدتها وعيونها كلها فرحة خذت هجران بحضنها وتبوسها
- الف مبروك يمه الله يسعدكم يا رب

ابتسمت هجران بخجل وبوست يد جدتها
ثم قربت منها امها وسلمت عليها وقربت تهمس

- المفروض تشكريني المكان سويته من اوله لاخره بفلوسي وتعبت عليه ، لاجل الناس لاتاكل وجهي ولا انتي ماتستاهلين

ابوك اللي تحبينه كان يبي يسوي عشا ويرميك عالرجال

بس انا مارضيت وشفتيني شلون بيضت وجهك قدام الاوادم لجل مايتكلمون علينا

قالتها وسحبتها وحده من القرايب
- خلاص ياام عبدالعزيز خلنا نسلم عالبنيه لاحقة عليها انتي