بلابِل الجوى

١

السلام عليكم
مساء النور او صباح النور
حابه انبه عن شي قبل ابدأ بالرواية
الاغلب بتعليقات جنه عابد و ياعشقاً يحسبوني ناقله الرواية
انا الكاتبه وهذا حسابي الاساسي ماني ناقله روايات
ف الي تبي تتابع رواياتي وجديدي تضيف حساب الواتباد

...........................

#بلابل_الجوى
#بقلمي
@wared_wa

أنتِ لي . . أنتِ حزني وأنتِ الفرح
أنتِ جرحي وقوس قزح
أنتِ قيدي وحرِّيتي
أنت طيني وأسطورتي
أنتِ لي . . أنتِ لي . . بجراحكْ
كل جرح حديقهْ ! .
أنت لي .. أنت لي .. بنواحك
كل صوت حقيقهْ .
أنت شمسي التي تنطفئ
أنت ليلي الذي يشتعل
أنتِ موتي , وأنت حياتي

- محمود درويش
...........................

مساء بارد وصوت الهواء قوي والبشر ببيوتها والشارع فاضي
نزل من بيته بهيئته البسيطه راسه ملفوف بغتره ويدينه بجيب ثوبه يدفيها

اخرج مفتاحه وركب سيارته وضم كفيه وصار ينفخ عليها لجل تدفى من هالبراد
وشغل السياره وجسمه يرجف من البراد
صوت نغمة جواله صار يصدأ بالمكان

- الو... وعليكم السلام والرحمه ياهلا بابو احمد ..... بخير دامك بخير الحمدلله... لا والله هالحين ماينفع
مشغول شوي بكره ان شاء الله اشوف الوضع وارد لك خبر ... تمام الله يسلمك... فمان الله

رمى بمقعد الراكب وحرك سيارته وفكره سارح والضباب يغطي الطريق
سيارات قليلة تمشي بهالليل معه وصل لوجهته ونزل من السيارة وتقدم يناظر المنظر اللي يطل على بعض من مدينه ابها مطل سري واتخذ منه مكان خاص لنفسه

نزل عزبته وفرش سجادته وشغل الغاز وحط البراد مع مويه وهو يجهز الشاي وصوت صراصير الليل تصدح بالمكان وتتالى الذكريات على ذاكرته ، ذكرى تصارع ذكرى ليسمع نغمة جواله مره اخرى مقاطعه افكاره

رائحة النعناع انتشرت بالمكان وخذا حبوب الشاي ووضعها بالبراد وتنهد يقوم يشوف جواله بعد ماتأكد من إلحاح المُتصل ناظر للاسم وابتسم ورفع الخط

ليأتيه صوتها العالِ
- الووو
بندر : هاه وش تبين ؟
هجران : بلاك ياخالي ماترد علي وكمان الناس تسلم بالاول
شلونك وش حالك وحشنتا وينن الغيبة

بندر: اييه زين الحمدلله اليوم العصر كنت عندكم متى لحقتي تشتاقين قولي وش طلبك لاتلفين وتدورين
هجران : زين عرفت وراي مطلب اسمع خالي ابيك تمر علي نروح للمكتبه ودامك طيب وانا استاهل تجيب لي عشا لان مره جوعانهه

بندر كان مركز معها لكن سمع صوت وتذكر الشاي وركض يطفي الغاز عنه

هجران :الووو وينك فيه
بندر بتنهيده : الله يهديك
هجران بإندفاع : لوويش وشو سويت انا؟

بندر : ماسويتي شي بس المهم قولي وش تبين مانتبهت عليك
هجران : قلت ابي تمر علي نروح للمكتبه ابي اشتري غرضين للمدرسه وكمان ابي عشاء