بلابِل الجوى

٢٢

#بلابل_ الجوى

بقلمي ..#wared_wa

قرائة ممتعة ..♥️

لَم أُحبْك كشخْص فقط ، بل أحْببْتك كَوطَن لََا أُريد الانْتماء لِغيْره .

‏⁧‫#نزار_قباني‬⁩
.
.

صحت على نور الشمس القوي بعيونها وهي تسمع صوت العصافير والمسجد يأذن معلن عن صلاة الظهر
فتحت عيونها بخفه وهي متناسيه هي وين
مسحت عيونها بنعس وتثاوبت وناظرت بالغرفه تحاول تستوعب مكانها

ثم تذكرت ، ناظرت بجنبها وطن مافيه جلست على السرير تستجمع قوتها
وقفت وخرجت من الغرفه وهي تشم رائحة القهوة العربية

دخلت للمطبخ ولقت صينيه عليها التمر والقهوة والفناجيل ، والصحون نظيفه
مافيه احد بالبيت الواضح خرج يصلي

تأففت بملل وتمددت على الكنبه وهي سرحانه
جوع وملل متمكن منها

مرت نصف ساعه على جلستها سمعت صوت المفتاح وانفتح الباب
دخل وناظرها بإستغراب
- متى قمتي؟
- قبل شوي

- مافطرتي ؟
هزت راسها ب لا

تعالي
قامت خلفه وعيونها عليه نطقت بنبره تردد
:- وطن

التفت لي وعيونه تتجول انحاء ملامحي منتظر اللي راح اقوله
توترت من نظراته ونزلت عيني احاول اجمع افكاري وانطق اللي اتعب تفكيري
:- وش راح يكون وضعنا انا وانت ، يعني حياتنا

دخل للمطبخ وانا خلفه منتظره اجابته
- اكلي الحين وراح نسولف بهالموضوع ،تبين بيض مع شاهي ؟
تنهدت وناظرته
- اي

- تعرفين تسوين بيض ؟
سكتت خجلانه من سؤاله
- مااعرف اطبخ اصلاً

هز راسه بتفهم
- سهله ، خليك واقفه هني وشوفي شلون تصير
بقيت واقفه اناظره وهو يكسرها بيد وحده ويحطها على الطاوة

بقى واقف يعلمني على البيض جهزت الصينيه وسوا لنا شاهي وجلسنا بالصالة
- متى خالتي جاية ؟
- الليلة

بقينا ناكل بصمت كل ماسألته جاوبني بإختصار وحسيته مايبي يتكلم
صب الشاهي وعطاني الكاسه وهو قام وهمس
- الحمدلله
دخل للحمام ( يكرم القارئ)

لاحظت بقى لي القليل من الاكل وقام ، اكله قليل لكن بنيه جسمه مايبين هالشي
لاهو عنده كرش ولا هو مره نحيف ، يعني متوسط ومبين جسمه زين

كملت الباقي وشلت الصينيه تركتها على طاوله المطبخ مافيني اغسل
رجعت ولقيته جالس بالصاله