بلابِل الجوى

٣٧

#بلابل_ الجوى

بقلمي ..#wared_wa

قرائة ممتعة ..♥️

أرجوكِ أن تحترمي صمتي، إن أقوى أسلحتي هو الصمت، هل شعرتِ ببلاغتي عندما أسكت؟ هل شعرتِ بروعة الأشياء التي أقولها عندما لا أقول شيئاً.

———

- هذا منو اللي تراسلينه؟

التفت اناظره ووجهه مبين عليه التعب
- صديقتي من الثانوي اسال عنها

- اضاءة جهازك مزعجتني

- لازم تشوف لنفسك حل دايم تنام بالظلام انا اخاف بس ساكته لاجلك شوف هذي غرفه طبيعية الشمس ماتدخل بها وحنّا هالحين صرنا الساعة ١١ الظهر حتى ضوا المكيف مغطيه

- ادري تخافين بس انا كل ماخرجت فتحت لك الستارة والانوار

- اي اشوفك تفتح ككل الانوار وتخرج انا انزعج كذي تقهرني جد

سند راسه على خده وابتسم لي
- هالحين مافهمت انتي تبين النور ولا ماتبينه؟

- ابي وسطية يعني وانا نايمه معك عالاقل نخلي ضوا خفيف ومن تروح انت تفتح لي ضوا الشمس بدون انوار الغرفه

لكن ماتتركني بنور الغرفه ونور الشمس ازعاج
لاتخليني اسويها فيك هالحين لجل تحس

ناظرته ولقيته سرحان وعيونه تتجول على ملامح وجهي
مسكته من كتفه

- وطننن انت معي

ابتسم لي
- اي معك

- اجل وش قلت؟

- الصدق والله مادري وش قلتي بس واضح على وجهك مقهوره طلع لك عرق برقبتك وانتي تسسولفين

ناظرته بغضب
- يعني مركز بكل شي الا نقاشي معك !

- انتي حلوه من تعصبين

تنزفزت اكثر ورفعت اللحاف غطيت وجهي وعطيته ظهري

- خلاص نام قفلت جهازي محد يتناقش معك انت ترفع الضغط

تغطى معي باللحف وحط وجهه على كتفي انفاسه جلبت لي قشعريره

- ابشري ولا تزعلين اخلي اضاءة بالغرفه خفيفة لجل ماتخافين ومن اروح اتركها مفتوحة لك
بس لاتديرين وجهك عني خلني اشوفه

التفتت له وهو صار يمسح على شعري

- وين تبين تروحين اليوم تاكلين؟