#بلابل_ الجوى
بقلمي ..#wared_wa
قرائة ممتعة ..♥️
يسود الصمت
وتبقى ثورة الأنفاس
ألا يا صدر لا تزفر .. وهونها
......
جواهر
صحيت الصبح وانا اجهز لدوامي واركض بأنحاء الشقة بإستعجال وانا اجمع كتبي اللي اغلبهم احمد مضيعها
لقافته اتعبتني اغلب الاشياء اللي حاطتها بأماكنها بالادراج اختفت ، وماعندي وقت كثير اني ابحث لان محاضرتي تبدأ بعد نص ساعة
ربطت حجابي وناظرت لنفسي بالمرايا وجهي اليوم مافيه مكياج ابداً مبين مرهق وجفوني منفوخة من النوم ملابسي مو رسميه وانيقة كالمعتاد لان قمت وخذيت الموجود قدامي
خرجت من الشقة وانا امشي بإستعجال ، لان اول مره صار لي موقف مع هالدكتور واتمنى ماينعاد واتفشل لان صدق راح ابكي ، نفسيتي ب انحدار واحس بصداع احتاج كوب قهوة لجل اصحصح لكن ماعندي وقت
لبست نظارتي الشمسية على الرغم بأنه الجو مغيم ومافيه شمس لكن ابي اخفي كارثة جفوني
الصداع ملازمني واحس بنفسي راح ادوخ ومادري شلون وصلت للجامعة جلست على احد الكراسي وانا ابي الدوخة تروح مني
مادري وش صار لي اليوم قمت متأخر ولا بالعادة اقوم بدري وحالي من احسن مايكون
ساحة الجامعة فارغة وهدوء لان مثل هالوقت الاغلب بمحاضراتهم مافيه الا اصوات النافورة اللي تتوسط المدخل وعليها العصافير مجتمعة
فزيت من سمعت صوت شخص خلفي التفتت ولقيتها صديقتي الكندية تتكلم بأستعجال
- جواهر ماذا تفعلين ؟ المحاضره ستبدأ بعد ٥ دقائق
- اذهبي انتي سأتي خلفك
نزلت بمستواي وناظرتني بإستغراب
- ماذا بك؟
رديت بتعب
- اشعر بدوران
- الم تأكلي شي؟
هزيت راسي ب لا ووقفت من مكاني
- هيا لنذهب
تقربت مني لجل تساعدني واردفت
- لا تقلقي انا بخير
قلتها وانا امشي بإستعجال وهي خلفي
دخلنا للقاعة وكل الطلاب متواجدين والدكتور ماجا وبقي القليل على بدء المحاضره
تنفست براحة وجلست بأخر القاعة
حطيت راسي على الطاوله وغمضت عيني بتعب بسبب الصداع
سمعت صوت ضربات متتاليه على طاوليه ويصدح صداها بالمكان رفعت راسي واشوفه الدكتور دخل ويضرب على طاولته منبه لوجوده
أنت تقرأ
بلابِل الجوى
Romanceرواية تحكي عن رجل فقير المحبة مشوه الجسد أوحد الخلد غريب الطباع ليجمعه القدر مع جميلة الروح حنونه القلب زاهية النفس ليقعى في قفص الجوى ويُجمعا تحت مسمى "بلابل الجوى" رواية باللهجة السعوديه 🇸🇦 بقلمي Wared_wa
