بلابل_ الجوى
بقلمي ..#wared_wa
قرائة ممتعة ..♥️
تقول هجران :
كنت اشوفك من قريب مع جميع الناس عادي
ماتخيلتك حبيب رايح بقلبي و غادي
ويقول وطن:
خذني على حضنك المرتاح وأتركني
طفلٍ غشاه النوم وأرتاحت أنفاسه
——-
اثنينهم نايمين بعمق وراحة اردف ابو محمد
- ياولدي وجه على مستشفى ... ، نروح لااخيتي منها اشوفها ومنها ولدها يكون عنده علم بها متنومه
- ابشر
ثم تنهد يدري بوطن مانام من البارح ولا اكل له شي ، وهو وده يتركه نايم ومن يرتاح يقوله عن امه لكن ماقدر يعترض على كلام ابو محمد ويقول شي
وفعلاً توجهو للمستشفى وقف فارس بالمواقف واردف الخال
- ياوطن قم وطن
صحت هجران على صوت خاله وفتحت عيونها بكسل وهي تسمع صوت خاله
- يارجال قم
ناظرت لوطن النايم بعمق ماهان عليها تصحيه مبين تعبان وهزت كتفه لان خاله يناديه
قربت منه وهمست
- وطن قم خالك يبيك
فتح عيونه بتعب وتعدل بجلسته ، حست برجولها خدرانه لان بقى نايم عليها وقت طويل
اردف بنعاس
- هلا ياخال
- انزل امك متنومه بالمستشفى
عقد حاجبه وهجران ماكانت اقل صدمه منه
- ليه وش فيها امي؟
- انزل تعال نشوف وش قالو لها
نزل من السيارة وروحه ملهوفه لامه وبقى فارس محتار ينزل ولا يبقى مع هجران بالسيارة عن لايصير بها شي
اردف بهدوء
- ياخيتي بتجلسين انتي هني؟
- اي
- اترك لك السيارة مفتوحة لجل يوصلك مكيف انا نازل بوقف هناك اذا تبين شي ناديني الله يسعدك
- تمام
رفع البرودة ونزل وبقت هجران تحرك برجولها الخدرانه ، عيونها نعسانه لكن تبي تعرف وش صار بخالتها
ماتحملت النعاس غمضت عيونها وتمددت عالمقعد
......
أنت تقرأ
بلابِل الجوى
عاطفيةرواية تحكي عن رجل فقير المحبة مشوه الجسد أوحد الخلد غريب الطباع ليجمعه القدر مع جميلة الروح حنونه القلب زاهية النفس ليقعى في قفص الجوى ويُجمعا تحت مسمى "بلابل الجوى" رواية باللهجة السعوديه 🇸🇦 بقلمي Wared_wa
