بلابِل الجوى

٥١

بلابل_ الجوى

بقلمي ..#wared_wa

قرائة ممتعة ..♥️

يقول وطن

تغار من غيرها وغيرها ما يسوى ثراها
‏"تغارين منهم وانتي كلهم في عيوني"

———-

فتحت عيني بإنزعاج وطن فاتح الستارة والشمس دخلت للغرفة ، وهو يحكي بجواله وصوته مو تارك لي مجال للنوم

غطيت راسي بالمفرش واحاول انام والنومه طارت مني سمعته انهى مكالمته واردفت بعصبية

- انت ماتتوب من هالحركة؟

- ابيك تقومين

- وطن متى تحترم نومتي ترا معك ادميه بالغرفه لاتتصرف كانك وحدك تبي تقومني قومني بأسلوب مو كذي بإزعاج

رفع حاجبه ناظرني متضايق وجاوبني ببرود
- خلصتي؟

فقد لي اعصابي بروده
- وطن وش هالحركة وش فيك

حسيته ماقدر يسيطر على نفسه خرج من الغرف
بقيت مستغربه من حاله امس ماكان به شي وش فيه اليوم

قمت من السرير بصعوبه رحت اتوضى وصليت الظهر رجعت تمددت عالسرير ووطن للحين ماجا

خذيت جوالي اتصل فيه لكن مايجاوب ، قفلت الستار وضلمت الغرفه حاولت ارجع انام

لكن كل بالي  عنده ، وطن مضغوط من كل الجهات غلطت من عصبت عليه بهالطريقة هالفترة حساسة والمفترض اتحمل اي شي يجي منه

لكن احس بنفسي هالفترة مافيني صبر على اقل شي اعصابي ماقدر اتحكم بها

خذتني الافكار وغفيت بدون ماحس على نفسي

مادري كم مر من الوقت ووعيت على بوسات تنتقل بوجهي

وهمساته اللي تلعب بأوتار قلبي
- اسف حبيبتي

مسكت وجناته وانا اركز على وجهه المتعوب حطيت راسي بحضنه وهو احتضني بقوه وبوس راسي

هجران : وين رحت؟

- نزلت تحت شوي ورجعت

- وش فيك حبيبي وش مضيق صدرك؟

- مادري

- احكي لي وطن لاتبقى تخبي بنفسك

رفعت وجهي وتقابلت عيوني بعيونه
- كل الهموم هينه المهم تبقين بجنبي هني