بلابِل الجوى

١٢

#بلابل_ الجوى

بقلمي ..#wared_wa

قرائة ممتعة ..♥️

متى يعود وترجع الابتسامه ؟
‏الصبر مهما طال له وقت وحدود

‏عندي عتاب ودمعتين وملامه
‏وعندي امل إنّه إذا غاب بيعود

.
.
.

هجران

صحيت بوقت متأخر بالليل واستغربت محد جا يصحيني
ناظرت للساعة ٣ الفجرية
واشوف رسايل كثير من طلال
الوحيد اللي يفتقدني لاغبت عنه

- هلا طلال والله كنت نايمه
- وش هالنوم كله خفت صار فيك شي
- لا بسم الله علي، انت مانمت؟

- الا نمت وصحيت على ١
- المهم طلال ابي اسأل
- قولي

- متى راح تجي تخطبني احس هالوضع ماصار يصرف لي اخاف بيوم ابوي ولا امي يعرفون
- اصبري علي هالفترة ماقدر لكن خلصي هالسنه على خير واتقدم لك ان شاء الله

- طلال كلامي واضح انا وياك بهالطريقة ماينفع
- هجران سكري الموضوع نسولف فيه بيوم ثاني
- تمام ياطلال

- لاتزعلين حبيبتي والله هالمواضيع تضايقني من تفكرين بهالطريقة احسك تبين تبعدين عني

واللي نسويه ماهو غلط اهم شي ماتعدينا حدودنا
وانا ولا مره طلبت منك ترسلين صوره
ولا طلبت امر عليك اخذك بسيارتي

لان احبك انتي ك هجران مو ك جسد او شكل

- مادري بس احس شي داخلي يقولي هذا غلط
- طنشي هالاحساس وخليك معي ماعليك
بالنهاية انتي راح تصيرين زوجتي ونيتي معك صافية
- المهم خلاص مثل ماقلت خلنا نقفل المووضوع
لان راح ندخل بدوامه مامنها رجعة

كملت سهرتها مع طلال وبعدها نزت تجهز فطورها الساعة ٧
مربى مع جبنه بساندوتش وعصير برتقال
تاكل وبدت تفكر وش راح تلبس اليوم فالجامعة

امها صحت وشافتها بالصالة
- متى صحيتي؟
- ٣ الفجر
- زين ماخليتهم يصحوك لجل تصحين على مودعك اليوم

- يمه وش صار على خالي ؟
- مشغول يمه الرجال وش تبين فيه
- اشتقت له ، ادق عليه مايرد علي
- لاتزعجينه وقد مافضى راح يدق عليك

- اليوم خميس خلنا نروح لجدتي
- ان شاء الله اكلم ابوك ونشوف الله يسهل

.
.

ركبت السياره بدون ماتقول السلام
جلست بغرور ومسكت جوالها متجاهلته

يسوق وطن متجاهلها وبهدوءه المعتاد
صارت السيارة تمشي ببطئ ووقفت بنص الطريق
قفلها وطن ورجع شغلها وماشتغلت