بلابِل الجوى

٣٥

#بلابل_ الجوى

بقلمي ..#wared_wa

٢٥٨٩كلمه بارت طويل هدية لان غبت كثير هالفترة

قرائة ممتعة ..♥️

يقولها وطن

أخاف أتعود على قربك وأنا
‏كل ماتعودت على شي يروح

———

ساحبتها من يدها بعنف ونمشي بالشارع الفاضي جسمي يرجف وداخلي يغلي قهر
كبير علي اللي شفته

رغم اني ضربته وماتركته الا وشفته ينزف  وتلفظت ب الفاظ المفروض مايسمعونها مني بس اخخ يستاهلون وقليل بعد اللي سويته

  مابردت حرتي اول مره احس نفسي بهالاجرام
بدا راسي ينبض بصداع والغيوم غطت الشمس وهوا لطيف يحرك الاشجار بالمكان
وانا عيني مثبته عالطريق مادري وين اروح ووين البيت امشي بدون هدف

السيارات تمر من جنبنا والاحظ نظراتهم ، جابت لنا الشبهة وهي تبكي وانا ساحبتها بهالطريقة فلتتها ومسكت كفها

طلعت منها شهقة وخرزتها بكل غضب

- اشششش

فزت وصارت تبكي بصمت
ماقدرت اسكت وخصوصاً اني ماتكلمت معها بحرف من يوم اخذتها احس بنفسي قرفانه منها

- شلونننن تسوين كذيي ماتخافييننن على ابوك على جدتكك شفتي محد حولك حبيتي تلعبين من ظهرهمم ، انتيي وش فهميني بأي وجه جالسة تقابلين ابوك وجدتك وش القابلية اللي عندك فالتمثيلل هذا وانتي لسة صغيرة وش تسوين لاكبرتي

تكلمت وهي تشهق
- والله ولله..
- - هششش مابي اسمع صوتك نوصل البيت وتفهميني كل شيي من البداية للنهاية وان كذبتي بحرف والله اسوي لك حركات زوجة الاب وامحي من قلبي كل ذرة رحمه
- لاتقولين لابوي
- سكتيييي

فزت من صراخي عليها و هزت راسها بصمت
- وينه البيت ؟
تناظرني بدموع
- وش فيك انخرستي جاوبي؟
- لا بس قلتي لي اسكت
- اففف يارب الصبر ، تكملي ودليني عالبيت بسرعه

اشرت لي ومشينا وانا اهدي نفسي
لازم اركز لازم اتحكم ب اعصابي مابي اخرب شي ولا ابين شي قبال خالتي ووطن

بعد مشي طويل دلتني للبيت ووصلنا
امرتها تمسح وجهها من الدموع طرقت الباب عدة طرقات

انفتح واشوف وطن قبالي وخالتي من وراه ومبين على وجهها القلق
قفل الباب واشوف ملامحه جامدة ، نزعت العباة والغطوه
ناظرته مستغربه ونطقت
- غريبة جاي بدري ؟