بلابِل الجوى

٣٦

#بلابل_ الجوى

بقلمي ..#wared_wa

قرائة ممتعة ..♥️

لو الله يحط لقلوب الأوادم يدين !
‏تحضنك يدين قلبي ماتحضنك يدي

.....

احاول افتح عيني بكسل
عقدت حاجبي بأنزعاج من نور الشمس اللي ماخذة سبيلها بالغرفه وعيوني متحسسة ممن ضواها

غمضتها  بتعب وانا اتحسس بمكانه بيدي لكن كان فارغ
فتحته
احاول اوضح الرؤية ولقيت نفسي نايمة ب عشواية فالسرير رجيلاتي بقسم وجسمي بقسم

تنهدت وفيني كسل واحس النوم متمكن مني غمضت وانا ارجع لنومتي وبين الوعي والا وعي سمعت صوت فتحة الباب

خطوات تقترب وشعوري بوجود شخص واقف يناظرني ، حسيت بانفاس قريبه مني ويد خشنه تلعب بخصلات شعري وتمررت على وجناتي

وسمعت صوته بالقرب مني ويهمس بهدوء
- قومي لجل نتغدى سوا ، نمتي كثير من اول انتظرك

انا احلم او صدق هذا صوته المفروض عنده دوام ولا شكله صار المغرب وهو جا واانا باقي نايمه

طبع بوسه على جبيني ارتعش منها جسمي ونبضات قلبي  اضطربت الدم نشف بعروقي

وريحة عطره خدرتني فتحت عيني ولقيته قريب مني ، ابتسم لي وابتعد

وطن: قومي تغدي

تكلمت وبحة النوم متمكنه من صوتي
- مارحت للدوام؟

هز راسه بلا
- ماودي اروح اليوم

قالها وتجولت نظراته على ملامحي بحب استشعرته

كانت اول مره نظراته تفضح حبه ، لكن كنت اتهرب من اشوف هالحب واحاكي نفسي اني مو مستعدة للحب الحين

واخفض صوت داخلي اللي كان يحكي العكس

سحبني من يدي وقومني وانا امسح وجهي احاول اصحصح

رحت اغسل وجهي وافرش سنوني اخذت ربع ساعة وتوقعت وطن راح لعند خالتي لكن تفاجات من شفته باقي واقف ينتظرني

سحبني من ايدي ورحنا لغرفة خالة واستقبلتني ب ابتسامتها الدافية

- صباح الخير

ام وطن: يازينه من صباح صباح النور والعافية يمه

ثم ناظرت لتشابك ايادينا
- ياعسى ربي يسعدكم ويرزقكم بالذرية الصالحة يارب