بلابِل الجوى

٥٥

بلابل_ الجوى

بقلمي ..#wared_wa

قرائة ممتعة ..♥️

يقول وطن

‏وإذكريني كل ماشفتي غيمة سحاب
‏وقولي تراه كان يحبني كثر المطر .

———
اعذروني اذا لقيتو اخطاء املائية
——-

هجران بوفاتها انكسرت كثيرر كأني خسرت امي والاكيد كسرتي ماتسوي شي قبال كسرة وطن اللي مادري وش صاير معه هالحين

مسكت ابوي واردفت بصوت مبحوح
- يبه وطن يدري ؟

- هز راسه مأكد الموضوع

- ماحضر دفنة امه

- لا يبه مارضو

- رحت له شفت شلونه ؟

- بالمستشفى هو

مايكفي هبطتي بوفاة خالتي قلبي ماعاد يتحمل اكثر شعور الم بقلبي على حاله ، ندمت اني تركته وصتني عليه كثير وكأنها عارفة ولدها ماله احد من بعدها
- ليه وش فيه؟

- ماسألت

- يبه ابي ازوره اشوفه من بعيد والله ماقرب بس ابي اعرف حاله

- ممنوع الحراس عند الغرفة والمستشفى كلها رجال ، وحاله انا اسأل عنه واقولك وش فيه

- يابوي تكفى لاتردني والله من بعيد راضية ماشوفه بس خل قلبي يتطمن ، والله انها بقت توصي فيني قبل تروح

- لا ، البسي عباتك اوصلك تعزين انتي وامك مايصير لازم تكونين موجودة ، مانبي يطلع علينا كلام

تكلمت بإنفعال
- يبه والله ماروح الا ان توديني له ، انا بأي حال وانت تدور كلام الناس

واخيراً نطقت سراء بعد مابقت صامته تشوف وين ينتهي نقاشنا

- هجران ماهو وقت عناد ، الاوادم بيقفلون عزاهم وانتي ماحضرتي لازم تروحين وتاكلين وتدعين لها وجود بعد نسيتيها لازم تكونين معها

تذكرت جود فعلاً هي بأي حال وتذكرت وصاية خالتي لجود انا مهشمة ومكسورة وانا بس عشت معها سنه شلون بحال وطن وشلون بحال جود اللي متعلقة بجدتها

قمت من السرير وابوي خرج بعد ماتطمن اني زينه سراء بقت تنتظرني ، رحت للحمام وغسلت وجهي وانا مالي طاقة بشي حتى يدي ماقدر ارفعها

كل اللي ببالي وطن وجود احس خالتي راحت وتركت لي مسؤوليه كبيرة وصعبة وانا ماعمري تحملت مسؤولية احسني كبرت فوق عمري ٢٠ سنه من اخر الاحداث اللي صارت لنا