بلابِل الجوى

١٣

#بلابل_ الجوى

بقلمي ..#wared_wa

قرائة ممتعة ..♥️

ماني بمجبور أماشي الاختلافات
‏ولاني مجبور اصحح بعض الافكار

‏وأما اني انسى القيم لحظه سلامات
‏أنا على منهجي لو صار ما صار

‏تنازلاتي عن المبدئ إهانات
‏وقناعتي مايغيرها ألف تيار

‏مدرك جميع التنوع في الثقافات
‏وكل البشر ينتظرهم جنة ونار
————

تمشي بأرجاء المستشفى خلف ابوها وعيونها تتجول بأنحاء المكان
فزت من سمعت اصوت صراخ من احد الغرف وشافت ركض الممرضين لناحية الصرخات
جسمها سرت فيه قشعريره وبنفس الوقت شعور خوف وحزن انتابها

المستشفى المكان اللي لازرته تحس بضيق
كل الموجودين يتشاركو بالالم بإختلاف مواضعه

والاغلب يخسرون ناس عزيزه بهالمكان مشى من جنبها سرير مغطى الوجه و حرمه بعباءة سوداء تبكي وتردد كلمه
- يمه لا لا يمه ماتسوينها وتتركيني

والواضح خانتها قوتها وطاحت بالارض وتبكي بضعف تقدم شاب منها ومسكها ويهمس لها
- هذا يومها مايجوز هالنواح

ورجال اصواتهم تتعالى
- انا لله وانا اليه راجعون اذكرو الله
لحظة صعبه استشعرتها هجران وتأثرت والاجواء قبضت قلبها وخلتها تدخل بحزن معهم رغم انها ماتعرفهم لكن اللي يشوفهم صدق يحزن عليهم

تنهد ابوها ومسك كتفها يمشيها ويبعدها عن هالمناظر اللي تأثر على النفس

وقفو امام ممر الغرف وفتح جواله يتصل على وطن وعيونه على هجران اللي شافها سرحانه ويدري ببنته مثل هالمواقف تتحسس

هجران فكرها شارد بالموقف اللي حصل تحت والصرخات بقت ببالها وافزعت كيانها

حست بيد ابوها تسحبها ويمشون الى ان شافت وطن قدامها ابوها اشر لها تدخل واخذ وطن
ويجلس معه بأحد الكراسي الموجوده

- وش بلاك ياوطن تزوج وريح راسك من البارح انت متشتت شوي هنا وشوي هنا وحتى امك يبي لها من يعينها ويغسل لها ويسوي احتياجاتها هي مره وتحتاج مره مثلها

نزل راسه يستمع هالاسطوانه اللي دايم تقولها امه له واليوم فتح السيره ابو عبدالعزيز

- والله يابو عبدالعزيز اموري صعبه وانا ماني مستعد اجيب زوجة ومسؤوليه وحمل يكفي علي هالحمل

- افا عليك وانا وين رحت اعاونك واعينك والله اني اشوفك مثل اخوي وولدي واللي بسوه معك بطيب نفس لاهي منه ولا هي شوفه نفس

ابي لك الخير مثل ماتمناه لواحد من عيالي
ويشهد الله علي انك دخلت قليبي من يوم حكا لي بندر عنك