#بلابل_ الجوى
بقلمي ..#wared_wa
قرائة ممتعة ..♥️
من باعنا بعناه باللي يسدّه
مانشتري الا واحد يشترينا
ومن حدّنا جعل الليالي تحدّه
نِجفاه لو إنَه عزيزٍ علينا .
........
دخلت الممرضة تقيس الضغط
وهجران حاسة بضيقه من وجودها بهالمكان
ام وطن: اقول يمه عندك رقم وطن؟
- ايه ياخاله
- دقي عليه وعطيني ياه
دخلت على اسمه واتصلت
مارد اول مره
ثم دقت المره الثانيه وطالت الرنه ورد
- الوو يمه وطن
- امري يمه
- مريت على جود وديتها على بيت ام سلمان؟
- اي وديتها عندهم
- ومتى جاي؟
- هالحين بالطريق تامرين بشي؟
- لا يمه سلامتك مع السلامه
قفل الخط وخذت هجران الجوال
وهي ملاحظة حنان صوته مع امه
خاله ابي اسألك
- قولي
- مين هي جود؟
- هذي بنيه وطن
- ليه وطن متزوج؟
- كان متزوج و حرمته لابارك الله فيها تركته هو وعياله وهو طلقها
-لويش تركتهم
- سالفة طويلة وهالحين مافيني حيل اسولف بها ذكريني بيوم ثاني اسولف لك
تكلمت وهي تحاول تتقلب على جنبها
وقفت هجران تعدل لها البطانيه
- راح تنامين؟
- اي والله ابي انام شوي اذا اذن العصر صحيني
قفلت هجران الانوار وشغلت اضاءه خافته جلست على الكرسي وعقلها بدا يجمع اسئلة تجاه حياه وطن
ليه كذي ملابسه ليه مايكشف وجهه وليه مغطي عيونه ووش صار لجل يتطلقون هو وزوجته
دق جوالها وشافت ابوها
- هلا
-هجران انا تحت انزلي
- يبه والمره من يجلس معها؟
- وطن هني معي توه وصل هو بيجلس مع امه
- تمام
جهزت اغراضها ونزلت للاستقبال
ابوها واقف ومنسجم يتكلم مع وطن
اللي منزل راسه يستمع
ومو بين اي شي من ملامحه اللي مغطيها
لمحني ابوي وهز واسه وامسك بكتف وطن
وكانه ينصحه
وبعدها اشر لي امشي وراه
وترك وطن واقف
ركبنا السيارة واردفت
- يبه وش بلاها امه ؟
- والله مادري يقولون احتمال حصوه بالكلى ولا فشل كلوي التحاليل ماطلعت للحين
- الله يشفيها والله انها مره طيبة
- هذي هي حال الدنيا وانا ابوك
لو مافيه مرض ماكان استشعرنا نعمه العافية
ولو مافيه فقر ماكان استشعرنا نعمه الرزق والغنا
كل شي له حكمة بهالدنيا وكلنا مكتوبه اقدارنا ومانعترض عالقدر
أنت تقرأ
بلابِل الجوى
عاطفيةرواية تحكي عن رجل فقير المحبة مشوه الجسد أوحد الخلد غريب الطباع ليجمعه القدر مع جميلة الروح حنونه القلب زاهية النفس ليقعى في قفص الجوى ويُجمعا تحت مسمى "بلابل الجوى" رواية باللهجة السعوديه 🇸🇦 بقلمي Wared_wa
