بلابِل الجوى

٣٣

#بلابل_ الجوى

بقلمي ..#wared_wa

قرائة ممتعة ..♥️

عبثا ما أكتب سيدتي
‏إحساسي أكبر من لغتي
‏وشعوري نحوك يتخطى
‏صوتي .. يتخطى حنجرتي

......

هجران

شعور جميل من تتعب على شي وتحصل منه على مقابل يهون هالتعب وهذا اللي صار

جلست بجلسة وحدة وكتبت اكثر من ٦ نصوص وكلها تحت اشراف خالتي اللي تزيد حماسي بكلامها وتطمني ب ابتسامتها الدافية

لكن كل ماقرات لي نص لقيت فيه سؤال بعيونها وتتردد تسألني، كانت اغلب نصوصي عن الخذلان والخيانه

ام وطن : لويش يمه ماتكتبين عن مشاعر الحب الحلوة ، اغلب اللي تكتبينه حزين
هجران : مادري ياخالة كل ماجيت اكتب هذا يطلع معي

- يقولك يمه الشاعر شلون يصير شاعر ... اذا صارت له سالفة تلامس عاطفته ، يبدا يوصف شعوره ب ابيات يفضفض بها عن اللي داخله ، وانتي ماصرتي تكتبين الا وصارت لك سالفة

تنهدت ، وكانها رشت ملح على جروحي وانا اذكر طلال
قرت في عيوني جرحي وخطر ببالي هالابيات

حتى مع الضحكة يشوفون جرحك !
بعض الجروح انْ صحصحت ، ما تجامل .

راح كل واهسي بالكتابة قفلت الجهاز وانا اتهرب من الموضوع
- ياخالة متى تطلع جود؟
- ١٢ الظهر

ناظرت لقيتها الساعة ١١:٤٦
- انا راح اروح اجيبها
- وين يمه تروحين المدرسه قريبة هي تجي لهني وسلمان الله يسعده يوصلها ،  الحمدلله الدار امان

وقفت من مكاني وانا اعدل شعري
- منو سلمان ياخالة؟
- ولد المرة ام سلمان اللي عرفتك عليها بالمستشفى
هزيت راسي رانا اتذكرها زين ، واذكر الخوف اللي كان بعيون جود وحسيت بدت تتكون فكرة براسي

وناظرت لخالتي
- لا لازم احدٍ ينتبه لها ويوديها ويجيبها ماينفع نخليها لوحدها مع الناس لاهو اخوها ولا ولد عمها
ودامني هني كلمي ام سلمان مايحتاج وجود ولدها مع جود

- والله يمه انتي ادرى بس انا اقول لويش الشقى وتتعبين نفسك والمدرسه خطوتين من هني ومعها سلمان اليوم وبكرة انا اكلم ام سلمان ووديها انتي

ابتسمت لها واردفت
- يهون لجود ياخالة ، ومنهى اتمشى شوي اغير جو ومنها اشوف مدرستها
قلتها وانا براسي شي وابي اتأكد منه

- اجل البسي شي طويل تحت عباتك عن لا تتكشفين ، هني كلهم يعرفون وطن وهو يعرفهم مايصير يقولون له شفنا حرمتك متكشفة من تحت العباة
- ان شاء الله ياخالة