بلابِل الجوى

٥٢

بلابل_ الجوى

بقلمي ..#wared_wa

قرائة ممتعة ..♥️

يقول وطن ..

هيا اجرحيني بس عيشي بقلبي
الجرح أرحم من فراقك وبعدك
ولو ترحلي ماعشت يومين بعدك

——-

دخلنا للغرفه ماصدقت اشوف السرير ، تمددت بتعب هاد حيلي غمضت عيني ضايقة من كل شي حولي ومالي خلق لشي ، دخل من خلفي وقفل الباب ، وبيده اكياس الاكل جاب عشا لي وله

حسيت بحركته بالغرفه وكأنه خايف من رده فعلي وبنفس الوقت خايف علي

انفاسه اقتربت وخشونه يده تمسح على شعري فتحت عيوني واشوف تعابير وجهه المائله للاسف ، دفعته عني ولفيت وجهي للناحية الاخرى

- هجران حبيبتي قومي اكلي وجهك اصفر

رديت ببرود
- مابي تعشى وحدك

اردف بتردد
- هجران

حسيته تمدد بجنبي ويحاول يحضني

ماتحملت وكأن انتظر اي حركة لجل انفجر فيه

- وبكل عين وقحة جاي عندي تبيني احضنك وكأنك ماسويت شي ، تسولف معها قبالي تناظرها ولا كاني موجوده ااشر لك تسكت وانت تزيد وتحر فيني حتى من خرجت ماقمت تسأل عني خلاص لقيت احبابك ونسيت اصحابك ، وش معنى سوالفك معها فهمني مو تقول هي جرحتك وهي تركتك وهي وهي

ليش اشوفك اليوم معها وكأنها اعز صديقه عندك ولا كأنه بسببها انت تلبس بهالكمام وتخرج للناس ولا كأن بسببها كنت تأذي بنفسك ، اذا حنيت لها ياوطن ارجع انا ماامنعك بس صدقني وقتها ماتلاقيني موجوده ، واعتبر كل شي انتهى بيننا

حضني وهو يحاول يهديني
- اشش ، لاتقهرين بنفسك اهدي ، والله مالي غاية غير اني اشوف غيرتك من خرجتي كنت وراك شفتك تبكين ماجيت لان ادري فيك بتفضحينا قبال الخلق

دخلتي للحمام وبقيت واقف انتظرك وانا ندمان ماهقيت بتتعبين ، والله ام جود ماضي وراح انتي حاضري ومستقبلي مابي غيرك ولاتطرين علينا فراق والله اني بدونك ماعيش دقيقة ، يشهد الله انها من يوم ماجت وانا ماني طايقها بس اللي ماسكني منها انها تصير ام جود ، من تبدي الزيارة ابقى شوي مع بنتي وامشي لان ماطيق وجودي معها ، واليوم ماسويتها الا وانا ابي اشوف غيرتك لابراسي رجعه ولا حنيه ولا شي

بقيت اشهق وابكي وهوي يمسح على ظهري ويهديني ، مر القليل من الوقت وحسيت بنفسي هدأت ساعدني اغسل وجهي ثم جلسنا على طاوله الطعام الصغيرة المكونه من ثلاث كراسي