بلابِل الجوى

٩

#بلابل_ الجوى

بقلمي ..#wared_wa

قرائة ممتعة ..💗

...

من عرفتك صرت ما اعرف اتضايق
‏كنّ ربّي خالقك فرِْجه لـ همّي

‏ياجعل يفدونك وْجيه الخلايق
‏اللي غير أْبوي وأخواني وأمّي
.
.
.

دخلت لغرفتها لبست ثوب مريح للنوم وفردت شعرها وتحط كريم بجسمها اللي بدا يصير فيه جفاف وخشونه

تأملت وجهها بالمرايه عيون كبيره وخشم صغير وشفايف صغيره والخدود هي البارزه بوجهها
شعرها طويل يغطي ظهرها وفيه غزارة بسبب اهتمام امها فيه من الصغر

قاطع تأملها صوت المسج اللي وصل بالانستا
ومن فتحته لقته من طلال

- مساء الخير لوجه الخير
- مساء النور

- متى صحيتي اليوم ؟
- الساعة ١٠ الصبح ورحت مع خالي بعد اشتري لي شنطه
- ليش ماارسلتي اليوم كله؟

- انشغلت ومافضيت ارسل بكره وراي جامعه واحس متوتره مافي راسي شي غيرها
- هجران احسك من رجعتي علاقتك بخالك وبديتي تهمليني

- وش هالكلام طلال ومنو قال علاقتي انتهت معه عشان ارجعها؟
- هجران حبيبتي مابي ندخل بنقاش وتزعلين بس اقولك بديتي تهمليني

- طلال من بدا يهمل من؟
انا ملاحظة صاير لك فترة تختفي وترجع بالليل بس والحين تقول انا اهملتك؟
- وملاحظة وماتسألين عني؟
- ادري اعذارك كلها مشغول ومطعمك والموظفين وهالسوالف

- المهم طلبت لك ملابس وحطيت رقمك وموقع بيتكم اللي ارسلتي من توصل جربيها وشوفي مقاسك زين ؟
- تمام ، بس سؤال طلال
- امري

- انت ليه يعني احسك قريب بس بديت تبعد
علاقتنا ماهي مثل الاول واحسك تخفي شي وتحاول ماتبين ابتعادك
وتعوض بماديات لاجل ماتحس نفسك مقصر معي

- لاتحسين حبيبتي هجران انا نفسه طلال واحاول اعطيك ماديات لاني احس مسؤوليتي تجاهك احسك مو بس حبيبتي بنتي بعد

- طلال من ناحية الماديات هذا اللي يضايقني
اهلي مشبعيني فلوس واي شي ابيه بس هم بعيدين عني كثير ماعمري سمعت من امي كلمه حلوه او تسال عني
ابوي مو مقصر معي مادياً بس هو بعد احسه بعيد وجلسته معي قليلة ماعمره جا وقالي وش سويتي بيومك يبه

هذا اللي انا ناقصته مابي منك ماديات وانا قبل قلت لك نزعل من بعض لو جبت لي شي بس هالمره لان ماحبيت احرجك بس احس هذي الماديات تبعدنا عن بعض واحس انت بعد تبي تعطي ماديات وتسكتني

- ادري ناقصك هالشي لكن صدقي احاول اعوضك عن كل شي ناقص داخلك
اعتبريني امك اللي اسال عنك
واعتبريني ابوك من اسال عن يومك
لاتفكرين هالتفكير اعطيك ماديات وابي اسكتك فيها بالعكس ابي اشوف فرحتك من اجيب شي لك