بلابِل الجوى

٥٤

عندي طلب بعيد عن الرواية   ابي تعطوني رايكم
في هالكتابة لوحدة من المتابعات ارسلتها وتبي اراء صريحة

لا أستطيع النوم، مجدداً
ولا أعلم لماذا لازلت أفكر بك في الصباح، مجدداً
في كل مرة اُغمض عيني لأذهب في سبات أحلامي
أراك تقف هناك مبتسماً لي، تنتظرني
لا أستطيع التوقف عن التفكير بك
و بمجرد التخيل أنك بجانبي الان يُصيبني الجنون
كم تمنيت أنك تنتظرني هذه المرة و لكن ليس في احلامي
لقد مللت بقراءة رسائلنا القديمة
فأنا أنانية، اُريد المزيد منك
اُريد خلق محادثات بيننا كل يوم وكل ساعة وكل دقيقة

اكتبو لها رايكم لانها بتقراه 🤍
——-

وبس خلونا نبدأ بارتنا الطويل

بلابل_ الجوى

بقلمي ..#wared_wa

قرائة ممتعة ..♥️

تقول هجران

فرقتك عزت عليّا ، صرت بين اهلي غريب

يقول وطن

‏ما كان سكوتي عن غيابك رضا
‏كنت ابكيك شوق لكن بالخفا .
———

جسمي كله رجفف وفيه مليون سؤال براسي
شلون انسجن وش صار معه ؟

خفت يكون بسببي صرت ابكي ووجهي صار اصفر سراء حاولت تهديني وتعطيني مويه اشربها

امي جت ورمت علي العباة
- البسيها

سراء : شلون دريتي ؟

- ابو عبدالعزيز اتصل وعطاني الخبر

وقفت سراء وهي تتصل على ابوي

ام عبدالعزيز: على وش تبكين على سواد وجهك؟ لعنبو بليسك الرجال تزوج عليك وانتي جالسة تنوحين عليه

- وش يدريك تزوج

- قومي بس البسي العباه لايدق ابوك يصارخ

سألتها وصوتي يرجف و الدموع مغرقه خدي
- يمه لويش سجنوه؟

- مادري خلنا نروح ونفهم منهم

شعور الحزن متملكني وبوقتها انهرت نفسياً
روحي احسها بتروح مني

بدون سراء مادري وش كان صار معي
حاولت تهديني وتصبرني

- اهدي هجران اخذي نفسك ابوك يقول مافيه الا كل خير

- شلون انسجن لويش؟

- زوجك عليه قرض وصار له شهرين ماسدد
واخذوه بس ، لاتقلقين انتي ان شاءالله تنحل
ويخرج