بلابِل الجوى

١٦

#بلابل_ الجوى

بقلمي ..#wared_wa

قرائة ممتعة ..♥️

أنا الولهان و المحتاج و المشتاق
‏ومن دارك أروح و أرجع لـ دارك

‏وأبي هالمره يكون السلام عناق
‏أنا أخباري أحبك أنت شخبارك !

.
.

جالسة بغرفتها الباب مقفل عليها وتبكي بقهر شهقاتها عالية يتكرر عليها الموقف وتزيد ببكاها

فزت من سمعت صراخه من خلف الباب
- والله لو ماتسكتين اجيك بالعقال

حطت يدها على فمها تحاول تكتم البكية لكن ماتقدر ، صوت عبدالعزيز وامها يترجونه يهدا
وصوت خالها بندر توه بدأ يظهر
- وش صاير؟

غمضت عيونها تتمنى انه مايعرف يكفي عليها خسرت واحد ماتبي تخسر الثاني

لكن خابت ضنونها من صرخت امها تتكلم بقهر
- ابوها سمعها وهي تتكلم مع واحد
بندر: وشو؟ اكيد غلطانين هجران تربيتي ماعندها هالحركات وانتم على طول تحكمون ماتفهمون من البنيه

كلمته زادت من تأنيب ضميرها اكثر واكثر
غمضت عينها وهي تسترجع بذاكرتها

من التفتت وشافت ابوها وعبدالعزيز خلفها وبيدهم ادوات تصليح وواضح جو بوقت غير مناسب
والاكيد سمعو الحديث اللي دار

ناظرت لابوها اللي واقف يحاول يستوعب
وبجانبه عبدالعزيز اللي ناظرها بعتب
وكانه يذكرها من تكلم عن هاليوم

تكلم ابوها بحده
- من تكلمين؟
حست لسانها مربوط ماتدري وش ترد قلبها ينبض بعنف والافكار تبخرت من مخها ماتدري وش تكذب وتقول

من صمتها تأكد انه اللي سمعه صح وقف قدامها وسحب الجوال من يدها
- الووو الوو

لكن ما من مجيب وطلال قفل الخط
رفع يده وضربها على وجهها وكانت هذي اول مره تنضرب من ابوها

ونظره عتاب وحسره واقعهم اقوى من الضربه
- ياخسارة دلالي فيك اقول ترفع راسي وهذي اخرتها؟
عبدالعزيز: يبه صلي عالنبي

هجران وهي تبكي: يبه لا
عبدالعزيز: هجران انزلي تحت انا اتفاهم مع ابوي

ابعد عبدالعزيز من طريقه وسحبها ونزلها للغرفه وقفل الباب عليها وتركها تبكي ومعه جوالها

رجعت للحاضر ومغمضه عينها وتتخيل ابوها يقرا الحديث اللي يجري بينها وبين طلال
راح تكون بأسوا موقف بعدها

محد دخل عليها وبقت طوال الليل تبكي وتفكر باللي ممكن يسويه ابوها
هي تأكدت انه علاقتهم خربت الحين وصعب تتصلح والاصعب من ترجع ثقته فيها مره ثانيه