بلابِل الجوى

٢٤

#بلابل_ الجوى

بقلمي ..#wared_wa

قرائة ممتعة ..♥️

دعيني أفتّشُ عن مفرداتٍ..
‏تكون بحجم حنيني إليكِ..
‏دعيني أفكّرُ عنكِ..
‏وأشتاقُ عنكِ..
‏وأبكي، وأضحكُ عنكِ..
‏وأُلغي المسافةَ بين الخيال وبين اليقينْ..
.....

قامو الاغلب يشيلون واشرت لي حياة
- تعالي نشيل معهم

قمنا انا وهي نساعدهم ، دخلت للمطبخ والامه مجتمعه داخل حسيت انخنقت ، مطبخهم متوسط لكن مليان حريم ومقلوب المطبخ فوق تحت والصحون جبال ، تذكرت بيت جدتي

وحنيت لايام عزايمها
لكن عالاقل مطبخها كبير واضاءة زينه مو مثل هني اضاءة ضعيفه يادوب اشوف وجه الحريم

جت ناحيتنا وحدة مبين عليها صاحبة هالبيت من اللخبطة اللي هي فيها
وامسكت حياة من كتفها وعطتها صحون ورقيه ناظرتنا انا وحياة
- الله يسعدكم حبايبي بس حطو الرز الزايد بهالصحون

ناظرتني حياة وانا افكر هذي تمزح معنا ، هالحريم ماملو عينها جت عندنا تبينا نشتغل لها

- اتركي عنك المطبخ مليان وانا ان جلست هنا دقيقة راح اموت من الكتمة

- حرام هجران ترا لو تشوفين محد جالس يساعد كلهم جالسين يسولفون خلنا نسويه لها وناخذ اجر مانخسر شي

- تمام

جلسنا بالارض وبدأنا نوزع بصحون وانا عارفة ريحة عطري بتروح مع ريحة زفر اللحم

اتافف وحياة تهمس لي
- هجران ، طولي بالك مابقى شي
- اسكتي حياة والله ماني طايقة نفسي من هالريحة

صار ازعاج واصوات عالية صدق كل وحدة تبربر من جهة ماتقدرين تميزين سالفة عدلة

سمعت صوت جود
- خالة امل وينها خالة هجران جدة تبيها

التفتت اناظرها واضح مانتبهت لي لاني بزاوية المطبخ والمطبخ زحمه
لكن تكلمت وحدة
- ماندري ، تعالي جود ارفعي ثوبك خلنا نشوف
سكتت جود والحرمه مسكتها من يدها وقربتها ورفعت ثوبها تكشف عن ساقها

نطقت وحدة
- يوهه هذي وش صار لها لويش رجلها كذي
نفس البنت اللي مسكت جود نطقت: انحرقو هي وابوها اخوها الصغير مات

- بس شلون راح تكمل حياتها كذي محد يتقبلها ، الله يسامحك ناقصة توريني هالمناظر الحين

- تخيلي ماقالو لنا ، الا من ولدي هذاك اليوم يلعب معها وطاحت وقال لي جود رجولها تخوف
وماخلتني جدتها اشوفها توني اشوفها معك