بلابِل الجوى

١٧

#بلابل_ الجوى

بقلمي ..#wared_wa

قرائة ممتعة ..♥️

تصدقي ما اخترت أنا أحبك
ما احدٍ يحب اللي يبي
سكنتي جروحي غصب
ياحبي المرّ ... العذب
ليت الهوى وانتي ... كذب
كان اعتذر لك عن هواي
ما أقول أنا ... كوني معاي
.
.
.

راسه بين يده واثر الهبطة لسه ماراح منه
ثوبه امتلى دم ويده لسه ترجف المنظر اللي شافها فيه صعب ونظرتها تتكرر بباله

التفتت وشاف بندر واقف ولمعه دمع بعيونه
يهمس ويردد
( يالطيف الطف فينا)

جا ابوها يمشي بتعب وبعيونه نظره ضياع
ساعات اشبه بالسنين وهم ينتظرو عنها خبر

وبالنهاية طلبهم الدكتور لغرفته
واردف وهو يراقب ردة فعلهم

- هجران مبين منتحرة ف احنا مضطرين نعرضها على الطب النفسي لكن حالياً بنخليها تحت الملاحظة

بندر: يعني هي زينه هالحين ماعلينا شي؟
الدكتور: اي الحمدلله مالحقت تقطع العروق الجرح سطحي عالجلد فقط
عبدالعزيز: الحمد والشكر لك يارب

بندر: مانقدر نشوفها؟
ناظر بساعته واردف
- شخص واحد يقدر يجلس معها ك مرافق
والبقية ينتظرو موعد الزيارة لان ممنوع يدخل اكثر من شخص

.
.
دخل عبدالعزيز لغرفتها بلهفة وهو يشوف وجهها الشاحب مغمضه عيونها وبعالم ثاني

جلس عند راسها وباسها ويمسح دموعه ويهمس
- الحمدلله يارب الحمدلله

هجران:

فتحت عيوني بثقل واحس بريقي ناشف احس بوجود احد معي بنفس الغرفه

غمضت عيوني احاول اركز ثم فتحتها ثاني وشفت عبدالعزيز قبالي وعيونه حمره

همست بضعف
- موييه
فز وناظرني ثم عيونه صارت تتنقل بالغرفه ولقى مويه وجابها لي
شربت كأني عطشانه من سنين

وعبدالعزيز نظراته تتأملني
سألته وانا فيني فضول
- وينه ابوي
مسح على شعري واردف
- مع الدكتور يتفاهم معه لجل لايعرضوك للصحة النفسية

نتهدت
- يعني خايف علي ولا خايف من كلام الناس يقولون له بنيتك مجنونه؟
- وش اللي يخليك تفكرين بالخيار الثاني، ترا ابوي يحبك مهما يكون انتي بنيته بس هو شايل بخاطره من كلام ابو طلال والموقف اللي حطيتينا فيه

- وش اللي صار من رحتم بيت ابو طلال؟

عبدالعزيز

دخلنا لمجلس بيتهم مبين عليهم ناس ماشاءالله عندهم خير ومجلسهم كبيير كأنها قاعة