بلابِل الجوى

١٥

#بلابل_ الجوى

بقلمي ..#wared_wa

قرائة ممتعة ..♥️

يا صاحبي ما في الهوى راحه
أحذر تبيع القلب لجراحه
مسكين من قال الهوى جنه
يومين و يخيّب هواه ظنه
و يقول ما في الهوى راحه .. يا صاحبي

- طلال مداح
.
.
.

اسلوب وطن حط مئه استفهام براسها لكنها تجاهلت كلامه وكأن شي لم يكن
لانها ماترحب بالتدخل من اي احد

هجران

دخلت للغرفه ونزعت عباتي وفكري بطلال المختفي هالايام مشتاقه له ولرسايله واهتمامه
فتحت جوالي اشوف الاشعارات مافيه اي رساله منه

دخلت لتويتر ولقيته مغرد قبل ساعتين
راودني شعور ضيقه لان حسيته متجاهلني
كتبت له

- وينك ماترسل مختفي واشوفك تنزل بتويتر وماارسلت لي شي ؟
وصلت وهو مارد علي
تنهدت ومشاعر سلبيه تمكنت مني

ومرت نص ساعة انتظر يرد
ماهي عوايده كان يرد اول ماارسل
اخاف لايكون صاير له شي
اخر تغريده منزلها كاتب بها

اللهم إني أسألك الثبات في الامر والعزيمة على الرشد واسالك قلبا سليم ولسان صادق واسالك شكر نعمتك و حسن عبادتك

وانا انتظر وطال انتظاري
جاني اشعار رسالته وفز قلبي بفرحة
- هلا حبيبتي

هالكلمه اللي تلعب بوتر قلبي ، وبعدها رسل
- موجود بس مشغول
سرعان ماتبدل شعورها لتساؤل من شافت جفا جوابه
- ب وش مشغول؟

كتبتها له ودخلت امها
وبراسها كيس وشايلة بيدها صحن
- هجران تعالي احط لك الباقي من الحنه حرام اكب الباقي

- لا يمه مابي ، قفلي الباب وراك
خرجت وقفلت الباب ورجعت عينها على رسالة طلال

- بالمطعم بوش راح انشغل يعني
- طلال ليه كذي اسلوبك؟
- هجران حبيبي وش فيه اسلوبي؟

- انت من عرفتك مشغول بالمطعم لكن
تعطيني من وقتك وماتتاخر علي ولا تبطي علي بالساعات
- هجران يابعد قلبي انتي قدري ان شخص له
انشغاله بالحياة ، مايصير تبيني معك ٢٤ ساعة

- طيب طلال وش فيها كنا قبل مع بعض ١٩ساعة وبس نبعد وقت النوم

- يعني شلون تبين تسوين سالفة بس عشان لويش ماسألت ، وينك انتي ماتجين تسألين ماتلاحظين انا اللي بكل مره اسأل عليك نسيتي هذا كله وبس ابطيت عنك يوم لان مشغول سويتي سالفة؟!