بلابِل الجوى

٢٩

#بلابل_ الجوى

بقلمي ..#wared_wa

قرائة ممتعة ..♥️

أيا امرأة تمسك القلب بين يديها
‏سألتك بالله لا تتركيني
لا تتركيني
فماذا أكون أنا إذا لم تكوني

- نزار قباني

بارت هدية لكلامكم اللطيف امس
——
جواهر

واقفة متصنمه بمكاني من اللي شفته ، ماتوقعت ماجد من هالنوع رغم انه قال لي مايحب هالسوالف

نفسي كشت منه ، انتبه لوجودي وانا باقي بنفس صدمتي مبين عليه التوتر ويتأمل ملامحي يبيني اتأكد اذا انتبهت او لا ، مسح على وجهه

مابيه يجي ناحيتي ويتكلم او يبرر بكذب ،  سحبت احمد اللي صار يبكي ويعاند يحاول ينزل مني يبي يكمل لعب

لكن مسكته بقوه وعقلي فاصل شعور مو حلو بقلبي ماعرفت افسره ، وقفت عالشارع اخذ تكسي واسمع صوته
غمضت عيوني وادعي مايجي ناحيتي

وقف تكسي وركبت بإستعجال متهربه منه ناظرت من النافذة ولقيته يركض يحاول يلحقني
عطيت الرجل العنوان ومشى وبقيت اتأمل الشوارع

قبل ساعة كنت اشوفها بالوان حلوه، لكن الحين حسيت كل شي مطفي مافيه الوان احمد يبكي جنبي ولكن عقلي فاصل عن كل شي

بدت الامطار تنزل عالشارع ، من دوامة الافكار اللي دخلت بها ماحسيت الا و السائق يندهني
ناظرت فيه بنظرة ضياع ، ثم ناظرت حولي عرفت وصلت لشارعنا

فتحت شنطتي وعطيته المبلغ سحبت احمد ونزلت امشي بإستعجال ، مابي شي الا السرير تفكيري ضايع مادري وش جالسة احس فيه

وصلت للعمارة وطلعت حطيت احمد عالارض نزعت الستره وتمددت عالسرير مالي طاقة بشي
ليه كل مابدا قلبي يلين ناحية شخص يطلع بالنهاية شخص سيئ

سمعت صوت جوالي سحبته من الشنطة وصمته بدون ماانتبه للاسم ، احمد قام يضربني ويتمدد على ظهري
حسيت ماراح اقدر امسك اعصابي فتحت له اليوتيوب وعطيته يتابع لجل يفكني شوي

سحبته بحضني وتمنيته شخص كبير يطبطب علي ، ماقول حبيت ماجد لكن حسيت معه بشعور حلو وحسيت بالامان تقريباً انعجبت فيه لان حسيته شخص ماله بالدنيا والسوالف الساذجة حاله حال نفسه وبعيد عن امور كثير ومبين حنون وطيب

والحين كل نظرتي عنه تغيرت ماصرت احس الا بشعور الخذلان ، انا وش ورطني فيه جيت ادرس وامشي مابي اورط قلبي مره ثانيه اللي جربته يكفيني