بلابِل الجوى

٤

#بلابل_الجوى
#بقلمي wared_wa

بنيت لك في داخلي خمسة قصـور
‏امـش وتخــيـر ويـن تبغـى محـلـك

‏قصر الوله والشـوق والود في دور
‏وقصر الوفـا يـا غايتـي جاهـز ٍ لـك

‏وقصر المحبه فـي ضيافتك مجبور
‏بـا المختصر سويت قلبـي وطـن لـك .

——————-
استغرب بندر صمتها وتوترها على غير العادة
بندر: خير وش بلاك؟
- وشو؟

- اندري عنك من دخلتي ماتكلمتي ماقلتي جب لي اكل ولا بربرتي لايكون الاختبار ماجا على هواك؟

هجران : لا الاختبار حلو بس هالحين فيني نوم ومالي مزاج لشي

زاد استغرابه من كلامها مو عوايدها هالكلام معه
- صاير لك شي يبه لاتتسين تراني صديق لك قبل اصير خالك
- لا مافيه ياخالي مثل ماقلت لك تعبانه.

تنهد وناظرها بعمق
- خير يارب

نزلت هجران لبيتها ودخلت لغرفتها قفلت الباب وفتحت شنطتها وهي تطلع هدية طلال
فتحت التغليف وشافته
سلسله ذهب على شكل جناح

انعجبت من شكل الهدية راقية وناعمه وحبيتها
صار بقلبي فراشات من الفرحة  قمت ادور شنطيتي وينها ابي جوالي
مع الفرحة ماانتبهت انها موجوده عالسرير واخذت الجوال فتحت الواتساب ولقيته راسلي من ٣ دقايق

- وصلتي؟
كتبت له وانا الحروف ضايعه مني من الفرحة واللي طلع معي قليل بالنسبه لشعوري

- شكراً طلال عالهدية والله انها حلوه ذوقك حلو حبيتها واكثر هديه مميزة
بس الصدق ماكان له داعي لويش كلفت نفسك تهنئتك لي تكفي

رد عليها
- الحمدلله اهم شي اعجبتك ومبروك تخرجك
وهالكلام مابي اسمعه ثاني انتي غالية عندي والهدية اقل شي اقدر اقدمه
المره الجاية من تقوليها راح يصير بيننا زعل

- ابشر طلولي
-استحي على وجهك رجال وش كبرني تقولين طلولي هههههه
- اقصى ماطلع معي ولله من فرحتي شكراً مره طلال
وعلى طاري ليه ماقلت لي انك جاي
انا ماخطر على بالي انك بتجيني من سألتني

- لو قلتها لك مابترضين اشوفك ولا اجيك ولا اعطيك هديه اختصرت على نفسي وفاجأتك

بس تدرين من شفتك واقفة قلبي حسني انها انتي وعيوني عليك من طلعتي وفيني شك اخاف غلطان
بس ودقيت ابي اتاكد والحمدلله تاكدت وشفتك ومابقت شوفتك بخاطري

- طلال رغم اني اعرفك من شهر بس مادري لويش احسني اعرفك من سنين تعودت عليك وعلى وجودك بحياتي اول صديق لي ويفهم ويسأل عن كل شي احس يهمك كل شي يخصني حتى ادق التفاصيل وهالشي يخليني ارتاح معك واعطيك غلا ماعطيته احد قبلك ولا افكر اعطيه لشخص بعدك

- تبين الصدق وجودك بعد غير كثير اشياء اهتمامك وسؤالك سوالفك وعفويتك كلها علقتني فيك احيان ماصدق فيه بشر بهالعفوية اهتم بادق