بلابِل الجوى

٥٠

بلابل_ الجوى

بقلمي ..#wared_wa

قرائة ممتعة ..♥️

تقول هجران

والله اني أحبه وبقلبي حيل أغليه
‏و خابرٍ مكانه بوسط قلبي ومقرّه

‏كل ماضاقت فيني هالدنيا أجيه
‏ولا تهون ضيقته لو أنها كبر ذرّه

‏أخاف على قلبه وبكل ليلة أداريه
‏لأنه السبّه في رضا قلبي والمسرّه

‏أهد كل الدنيا لجله ولجل أرضيه
‏ولجل يتبسّم بالدقيقه مليون مرّه

——-

اثناء ماهو نايم وانا العب بشعره دخلت الممرضه وبيدها صينيه الغدا لكن انحرجت من شافته نايم عندي
تراجعت بخجل وانا اشرت لها تدخل بدون ماطلع صوت اخاف يفز من نومه

جت وهي تحط الصينيه عالطاولة

وقربت مني تهمس
- باقي ربع ساعة والزيارة تقفل لازم يخرج من هني

- بس شوي خله نايم واذا انتهى وقت الزيارة انا اصحيه

تنهدت
- تمام ، هذا هو الغدى

- حطيه عالطاوله بعدين اكله

حطت الكبسولات بالعلبة وعطتني معها قارورة مويه

خذيت الدوى وهي راحت ناظرت لوطن وكملت العب بشعره الطويل
هو يحبه طويل حد عنقه مايبي يقصة والصدق معطيته جاذبية اكثر مع الندبة اللي بخدة تبينه من المافيا ابد مايبين طيب وحنون

هو كله جميل بس مشكلته فقد الثقة بنفسه لان يحس بنفسه مختلف رغم الحروق والبهاق ماهي بهذا السوء ولا تعتبر مشوهته بالعكس انا اشوفه شخص طبيعي خالي من التشوهات

قاطع صوت افكاري الموظف وهو ينادي

-انتهت الزيارة يلا تفضلو

تنهدت ادري وطن وراه تعب كثير مسكت كتفه وهمست
- حبيبي وطن قوم ، وطن

حس على نفسه وقام مني وهو يحاول يصحصح

الموظف ومعه الممرضة تطلب من الناس الخروج سمعهم وتقرب مني باس راسي واردف
- انتبهي لنفسك واخذي دواك ، انا بكرة اجيك بالزيارة

- ان شاء الله ، وانت بعد انتبه لنفسك وروح نام ارتاح لاتبقى هني بالمستشفى الحمدلله انا وجود مافينا شي

- ان شاء الله ، يلا استودعتك الله

- مع السلامة