بلابِل الجوى

٣٨

#بلابل_ الجوى

بقلمي ..#wared_wa

قرائة ممتعة ..♥️

اخاف اوداع وقتي الي معك دام
‏ واندم على شيٍ هدمته بايديني

————

وطن: هجران

- وطن انت طبيعي ؟ شلون تسوي كذي

قلتها وانا امسح على اكتافه واناظره بخوف كتوفه مجرحة وماهي بس كتوفه حتى صدره ناحية الحروق مجروح جروح صغيره ماتبين

بقى ساكت وانا خذيت المرهم امرره على جروحه ومكان الحرق

نزلت دموعي بدون شعور وصرت اشهق انفاسي ترجف خوف عليه احس بضياع مادري وش اسوي معه

وش اللي يخليه يسوي هالشي بنفسه ويأذيها

رفع عيونه يناظرني وانا احط المرهم على اكتافه وكأن وجع هالجروح بقلبي

حسيت ب اصبعه على خدي يمسح الدمعه بعدت وجهي عنه بصد

احس قلبي منفوخ من الضيقة ومنظره مايروح من بالي لاي مرحله هالشخص واصل من عدم

الشعور لدرجة يستغل وحدته وياذي نفسه فيها
اول مره ادري فيه يسوي هالشي ولا يبين عليه

كملت وابتعدت عنه
همس لي بنبره ضعف
- لاتزعلين

نزلت ل مستواه وجلست عالارض ووجهي مقابل وجهه اناظره بنظرات كلها ترجي

- وطن ليه تسوي بنفسك كذي ليه تاذي نفسك
قولي وش فيك ، اذا فيه امور صعبه صارت لك قولي فضفض لي عالاقل افهم وش فيك
لاتخليني بهالضياع

- اقولك بس لايجي يوم تتعبين مني وتتركيني هجران روحي تعبانه وماحسيت بالراحة الا بقربك لاتستغلين هالشي بيوم وتبتعدين عني

- وطن انا وعدتك ماابعد راح ابقى واعالجك من جروحك الجسدية والنفسية

هز راسه وبدأ يحكي
- كانت اعز من روحي علي احبها كثير وكنت اسألها تحبيني
تجاوبني انت زوجي اكيد احبك

ورغم ماحسيت بهالحب يوم بقيت احبها جت جود وجا ولدي فهد وراحت بيوم هي وامي وتركو عيالي عندي وانحرق بيتنا ، كان ولدي ينحرق قبال عيوني ولدي صغير ماتهنيت فيه ولا فرحت

اسمع صراخه وهو يبكي واشوف جثته تنحرق قبالي ولا بأيدي شي اسويه واسمع صراخ جود واطفي لها النار بيديني

فتح يديه المليئة ب البهاق شلتها بيديني وخرجت وهذا هو جسمي اللي تشوفينه اخذ نصيبه من الحرق جفني نزل وعيوني ماصرت اشوف بها وجهي تشوه وحياتي تغيرت