بلابِل الجوى

٨

#بلابل_ الجوى

بقلمي ..#wared_wa

قرائة ممتعة ..💗

الشفاحه .. تورد النفس العزيزه للمذله ،
‏نفسك اليا ارخصتها مره بترخصها نهائي

‏غالباً يحكم سلوك المرء .. جينات وجبله ،
‏شي تأباه المروءة .. صعب يأباه المُرائي !

‏لد عينك فالبشر وتشوف مضمون الادله ،
‏كل مصلحجي جريئ وكل حسّاس انطوائي
.
.
.
جواهر

تقدمت اوراقي ورحت مع اخوي اجهز كل شي وخلال اسبوعين راح اروح ادرس طب هناك

فرحانه كثير لان للي اتمناه بيصير لي وامي واقفه وداعمتني ومن فرحتها كل ماخرجت مع صديقاتها جت وجابت لي ملابس للسفر

وابوي اللي اشوف الفرحة والفخر بعيونه لكن احسه متردد لروحتي

وجوهرة اخ ياجوهرة
كنت نازله ابي اقول لامي نروح للسوق نشتري شنطة لملابسي لان احسها كثيره واللي عندي مايكفي

وقفت عند المطبخ وشدني الحديث اللي بينها ويين جواهر

- ترا مايصير يخرب عقلها وتطيش يمه هناك ماعندهم امان وهي ماعندها لا حسيب ولارقيب
واحد يجي ويضحك عليها وهي تصدق وتوطي روسنا بسبب طيشها

- جواهر تربيه اديني ولو احطها وسط ١٠٠ رجال ماخاف عليها ، وياحسرتي عليك المفروض هذي اخيتك تفرحين لها تباركين بتصير دكتوره رفعت روسنا اللي انت ماقدرتي ترفعينها ورحتي تزوجتي ولا شهادة ولا شغله

- يمه ضروفي مختلفة عن ضروفها

- لا والله انتو اخوات ونفس الظروف بس هي ركزت بدراستها وانتي تركتيها  ، وهالحركات اتركينها جواهر اخيتك ماهي عدوتك تمني لها الخير وتعوذي من الشيطان

- خليك يمه بتفكيرك وبعدها من تنزل رؤوسكم تذكري كلامي زين

كل هالكلام وكانت جواهر تسمعه تنهدت
- يعني وش سويت لها لهالدرجة ماتبي لي الخير ولا هي فرحانه
انكسر خاطرها وكملت طريقها تنزل الدرج

جوهرة من تزوجت تغيرت تغير ملحوظ
وللاسوأ بعد بس ماقول الا الله يسامحها ويشغلها بنفسها ويبعدها عني لان صدق نفسي طابت منها بعد هالكلام

جلست بالحوش على احد الكراسي والنسيم يلعب بخصلاتها السودا

انفتح باب البيت وانتبهت لهيئة واقفه قدامها وبينهم مسافة
ركزت وشافته فيصل واقف ويناظرها

وقفت وجرت خطواتها ناحيته وهو باقي ثابت وعيونه عليها شعرها الناعم تتمرد خصلات منه على خدها

تكلمت بنبره عتب وقهر
- فيصل اتركني بحالي صدق مليت منك انت واختي عيشو حياتكم بعيد عني انت اخترتها لويش حاشر نفسك فيني