بلابِل الجوى

٣٤

#بلابل_ الجوى

بقلمي ..#wared_wa

قرائة ممتعة ..♥️

يقول بدر بن عبدالمحسن:

‏استخرت الله و برجع أستخير
‏كان فيك خير ما تبعد أبد

‏و كان فيك الشر يمحيه و يصير
‏فيك خير و ما تفارقني أبد .

———

سمعت اصوات عصافير وصياح الديك ، تقلبت عالسرير وتأففت ب إنزعاج فتحت عيوني والرؤيه مغبشه

مسحتها بنعس وشفت الغرفه مضلمه وضوء بسيط جداً خارج من بين الستائر، عقدت حاجبي بضيق  ناظرت بجانبي لكن ماله وجود خرج بدون ما حس عليه ،

خذيت الجوال لقيته طفى شحن وانا مادري الساعة كم هالحين

- ياربيي مافيه شي عدل اليوم

قمت للحمام وفرشت اسناني وتوضيت بأثناء وضوئي تذكرت موضوع جود
اليوم راح اراقبها لازم افهم الموضوع بطريقتي ومااحكم ولا اسمع من احد ، ماصرت اوثق ب احد بعد طلال

احس الكل سيئين مهما كانو يحبوني راح يجي يوم يأذوني ، واذيه ابوي وطلال خذت من حيلي وخسرت ثقتي بالبشر كلها

خذيت مناديل مسحت وجهي وحطيت جوالي بالشاحن ، جالسه بجنبه انتظره يفتح وتذكرت روايتي

بدات بالرواية قبل فترة قصيره ولقيت تشجيع جميل خلاني ابدا اكمل واشغل نفسي ب الكتابه

اثناء تفكيري فتح الجوال وبقت تتوالى الاشعارات بشكل مزعج حطيته صامت  بدون ما اقرا شي ، ناظرت للساعة لقيتها الساعه١٠ نمت كثير ولا حسيت بنفسي

وحتى وطن ماصحاني ، امس نمت نومه مريحة وتوقعت بعد موضوع جود ماراح اقدر انام

جود باقي لها وقت قليل وتخرج من الدوام ، قضيت صلاة الفجر وصليت الضحى خرجت من الغرفه

والبيت هادئ ، فتحت باب غرفة خالتي واجتاحتني برودة الغرفه
لقيتها نايمه بعمق ، لازم اعطيها خبر قبل اخرج لكن حرام ماقدر اصحيها الحين تبقى

وحدها ماعندها شي تتسلى فيه وانا مادري متى ارجع

رجعت للغرفه وبدأت اقرا الاشعارات وتفاجات من التفاعل بالرواية اكثر من اشعار
- مانزلتي اليوم؟
- متى الموعد
- بنات احد يعرف الكتابه اذا عندها حساب انستا او لا؟

بدات اقرا التعليقات وابتسم شلون نص منسجمين مع الاحداث ونص اخر يسأل عن مواعيد التنزيل
حسيت بخجل