بلابِل الجوى

٣٠

#بلابل_ الجوى

بقلمي ..#wared_wa

خجلت من كلام امس بالبارت وهذي هي الهدية الثانية

قرائة ممتعة ..♥️

لو درينا عن هوانا وش مصيره
‏كان قبل الحب صلينا إستخارة .

———

هجران

وقفت قبال الغساله واناظر للملابس
- هالحين وطن ماعنده الا كم ثوب وملابس بيضاء و جلابيتين
ماينفع هالوضع معي ، دامه زوجي لازم عالاقل عنده كمية كبيره من الملابس مثلي

جمعت ملابسه ورميتها بالغسالة ، حطيت صابون وشغلتها طبعاً بعد ماخالتي علمتني عليها
وخرجت اشوف جود جالسه سرحانه

- جود
ناديتها وفاقت من سرحانها
-  متى راح تذاكرين؟

- من ابوي يجي نذاكر
- جيبي كتبك نذاكر انا وانتي ابوك من يجي تعبان مافيه حيل

قامت بحماس وجابت كتبها ، لقيت عندها واجب تلوين
- وينهم الوانك؟
ردت بحرج
- ماعندي

- وش لون راح تحلينه ؟
- اخذ من صديقتي بكره الونه
- همم ، طيب اتركيه على جنب ونشوف واجب ثاني

اشوف الحماس بعيونها توريني واجبها ، شلون الاستاذة تحط لها نجوم ، حبيت فرحتها هي فعلاً طفلة صغيرة وبأي شي نقدر نفرحها

تمددنا انا وهي وكانت هي تحل الواجب وانا اساعدها ، لاحظت عليها انها ذكية وقنوعة هالشي اسعدني لكن

صار بنفسي سؤال ... ليش انا مو مثلها ؟ ، ماني قنوعة ولا ارضى بالقليل اسلوبي وقح ولساني طويل احب نفسي كثير ومافضل غيري على نفسي

هالامور كلها لاحظتها من جيت هني ، حسيت نفسي نشاز بينهم كلهم طيبين على الرغم من اني ماعرف وطن لكن ، يكفي اني اشوفه يفضل راحة امه وبنته على نفسه

بعد هالتفكير العميق ، ادركت اني ابي اتغير لجل اناسب هالعائلة حتى ولو كانت عيشتي عندهم فترة وتنتهي ، ابي اصير مثلهم

قاطعتني جود وهي توريني واجبها وبقي لها الاملاء ماخذينا ساعة الا وحنّا منتهيين

ونادتني خالتي : هجران الغسيل يمه لاتنسينه
تمدتت بتعب واردفت بنفسي
- هذا وانا مريضة اشتغل من ثاني يوم ويني ببيتنا كنت اذا مرضت اربع ايام ماسوي شي

صح جيت وعشت هني لكن فيه داخلي حنين لبيتنا لسريري لاغراضي حتى لتلفزوننا وصوتي بالبيت وهو عالي وجلستي مع اهلي ووجود خالي