بلابِل الجوى

٢١

#بلابل_ الجوى

بقلمي ..#wared_wa

قرائة ممتعة ..♥️

لا نليق .. نحن ..
‏بالحب ..
‏يا سيدتي ..
‏فأنت .. مكابرة ٌ..
‏وأنا ..
‏ .. لا .. أنحني .. !!!!
.......

تنزل دموعها وتمسحها تحاول تكتم شهقاتها وعيونها ناحية النافذة
ماتبيه يلمح دموعها

وقف قبال بيتهم وقفل السيارة رفعت عيونها وتشوف نفس البيت اللي دخلته اول مره لكن هالمره تختلف
فتح الباب بالمفتاح وهي نزلت من السيارة بصعوبه من فستانها
وقف ينتظرها الى ان قربت منه ودخل لداخل وهي خلفه

نزعت كعبها ومددت اصابعها وتحس بالم برجلها
مشت لداخل وشافته جالس عالكنبه وينزع شماخه
متجاهل وجودها

- وطن
رفع عيونه يناظرها
- وين الغرفة اللي راح ننام بها
اشر لها على الغرفه اللي بابها على الصالة

وهمست : وش تخسر لارديت علي ترا ماتخسر صوت

رفعت فستانها وكملت طريقها لداخل
على رغم الغرفه بسيطة وصغيره لكن مبين مجدده
عيونها عالجدران المصبوغه لون ابيض والواضح جديد
اثاث خشبي

تسريحة مزينه بالعطور اللي شرتها وبعض من اغراض وطن
ودولاب عليه مرايات
وسرير عليه مفرش ابيض
وستارة متناسقة مع لون الاثاث

مفرش ارضي صغير مصنوع من السدو بلون بني فاتح
ورد احمر منثوو على السرير وروب نوم لها بجانبه روب رجالي ل وطن

عرفت هذي ترتيبات جدتها وام وطن نزعت فستانها ولبست الروب
فتحت دولابها تشوف ترتيبه ملابسها بخانه منفصلة عن وطن

لكن لاحظت ملابسه قليلة وكلها نفس النوع لون ابيض
و٥ ثياب معلقه

قفلت الدولاب وناظرت نفسها بالمرأة الموجوده على الدولاب
الروب لونه ابيض قصير وحريري، وداخل الروب ملابس قصيره
والروب يسترها
شعرها مفرود على طوله ومسحت مكياجها وبقت على طبيعتها
فتحت الباب شافت وطن متمدد على الكنب

- وطن ، ماتبي تغير ملابسك؟
ناظرها ببرود وعيونه تتجول على طولها ووقف من مكانه ودخل لداخل

ناظرت لنفسها بأستغراب
- وش فيها ملابسي هالحين ، والله انا راح تجيني حالة نفسة من وراه

جلست وهي تشوف التيلفزون القديم قامت وفتحته وبدت تقلب بالقنوات
مافيه الا القنوات الدينيه والرياضية

- شكلهم مايحبون المسلسلات
قفلت التيلفزون وخرج وطن من الغرفه وهو لابس جلابيه بلون رمادي
اول مره تشوفه بهالشكل

هجران : وش راح نتعشى؟
- تعالي ساعديني

قالها وراح ناحية المطبخ وهي لحقته دخلت للمطبخ اقل مايقال عنه قديم وصغير لكن نظيف ومرتب