بلابِل الجوى

٣١

#بلابل_ الجوى

بقلمي ..#wared_wa

قرائة ممتعة ..♥️

تبي  الكلام  الصدق  بينـي  وبينك
‏اسمع معي هالبيت مادمت وياك

‏{ من باع كل الناس من شان عينك
‏حطـه بعينك  و اجـعله  نور دنياك }

———
جواهر

تعدلت بجلستي حطيت احمد بالكرسي اللي بجنبي سندت كفوفي على الطاوله

وناظرته بنظرات باردة
- فيصل ، مهما كان اللي بيننا من حب الطفوله لازم تقتنع انه انتهى لان انت من تزوجت اختي

قدرت اطلعك من قلبي وتبريرك هذا ماعاد ينفع انا ماصرت اشوفك الا مثل اخ لي

المفروض راجعت نفسك قبل تجي تطلبني ، انا اصير اخت طليقتك ، وخالة ولدك وحتى لو انا رضيت لااهلي يرضون ولا اهلك ولا المجتمع اللي حولنا

لازم تقتنع انت حنّا انتهينا من زمان وهذا اللي الله كاتبه ، اعطي لنفسك فرصة حب ثاني مره ، وشوف من تستاهل تكون شريكة حياتك بعيد عني وعن حياتي

حقك تعيش وتحب لاتوقف حياتك على ماضي انتهى ، انا اتمنى لك الخير مثل ماقلت انت انظلمت صدقني اختي بتاخذ جزاتها وكله مسجل عند ربي مايضيع حقنا

لمحت نظرة انكسار بعيونه وتنهد تنهيدة من وسط قلبه ، شتت نظراته عني واردف
- هذا هو كلامك صحيح لو حنّا نبي بعض المجتمع حولنا مايقبل بهالشي

حسيت بنفسي كسرته بكلامي ، لكن الحب ماهو كل شي بهالحياة في امور اهم وواقع لازم نماشيه مهما كان مر

بدانا ناكل وهو يفتح مواضيع جانبيه بعيد عن الموضوع الاساسي ، وانا اجاريه وابادله الاحاديث

سبحان الله زمان كنت متعلقة فيه بروحي كان فيصل جزء من قلبي وكان محور حياتي كلها حبه
كان قلبي يتراقص من اكون معه لدرجة اني اشك انه يسمع لنبضي

لكن اليوم جالسة وهو قبالي وحدنا وانا خالية من كل شعور ناحيته بعد ماكنت اشوفه بعيني كل شي
اليوم ماصرت اشوفه شي ادركت انه عيون الحب اللي كنت اشوف فيصل فيها انعمت

......

نايمه بحضنه بهدوء يتأمل ملامح وجهها مايبي قربها لكن يبيها ، تناقضات افكار ملأت راسه

بعد راسها عن حضنه وعطاها ظهره معاتب نفسه شلون ضعف قبالها

هي ماتناسبه ولا هو يناسبها، اثنينهم بينهم فروقات كثير ، واكيد بتتركه بيوم مثلها مثل غيرها