بلابِل الجوى

١٠

#بلابل_ الجوى

بقلمي ..#wared_wa

قرائة ممتعة ..♥️
.......

لِماذا رَسمّت لِي الحبَّ بحرًا ..
‏وما أنت فِي العُمر إلا سَراب؟!

.
.
.

دخلت للجامعة وهي تشوف انواع البنات والاشكال
منه البسيط منه الزائد عن حده ومنهم المتوسط

سارحة بفكرها وتمشي مالها وجهة ضايعة وماهي عارفه اي شعبه او اي قاعة

شافت جلسات وجلست وهي تمسح على راسها من الهم المتمكن منها
ومحرجة من الجوال اللي جابه لها عبدالعزيز خايفة باي لحظة يدق بنغمته
والبنات ينتبهون

قامت تشتري لها موية لان بدت تحس ريقها جاف
تفكر وش رايح يسوي عبدالعزيز ووش قرا من محادثاتهم

..... ماصدقت اليوم شلون خلص ورفعت جوالها بالخفى لجل محد ينتبه لنوعيته
واتصلت على رقم وطن
طالت الرنه ولا رد
تاففت منه
- وقتك انت ماترد؟

راحت تدور رقم ابوها لكن قاطعها صوت رنه جوال نوكيا ومكتوب اسم وطن
حايره شلون تصمته عيونها راحت على البنات حولها اللي يناظروها

والاحراج تمكن منها
- الله ياخذك يا وطن قل امين
ردت وهي معصبه
- الو تعال خلصت

قفل الخط بدون رد
- وكمان يقفل بوجهي الغبي

لبست عبايتها واللي مبينه ارقى العبايات وملابسها من ارقى الاماكن لكن نظرات البعض لها كلها استغراب لان جوالها قديم او هالنوع مايستعملوه الا الشياب

مرت من جنبها بنت هجران ابد ماحست بقبول ناحيتها بسبب نظراتها
نزلت عينها لجوال هجران
وتكلمت بنبره دلع مستفز
- اهلك قدرو يشترون لك عباية من ماركة...
وجزمه من اديداس وملابس فخمة وغالية
بس ماقدرو يشترو لك جوال!
ياحرام اكيد على قد الحال

قيدها هجران من اول تنتظر شي تطلع حرتها فيه وجات هالمسكينه وابتلت على نفسها

ردت عليها بنفس اسلوب الدلع المستفز
- ايوه حبيبتي جزمه يعني اغلى من وجهك المصبوغ

بس احسن من اشتري كل سنه موديل جوال جديد واشتري ملابس تقليد وعباية من سوق شعبي

قالتها وهي تمسك طرف عباية البنت وتناظر بتقزز
عطتها ظهرها ومشت ماحست الا شعرها ينسحب

التفتت للبنت اللي سحبت شعرها
شمرت هجران اكمامها وعطت ضربه قويه بخد البنت اللي صرخت بصوت مدلع
- اه