بلابِل الجوى

٤٠

#بلابل_ الجوى

بقلمي ..#wared_wa

قرائة ممتعة ..♥️

بعيوني ما تشبه أحد
‏منها الحكي مثل الشهد
‏تحكي و أقول إحكي بعد
‏حكمة و قايلها صدق
‏الله خلق و الله فرق

ملاحظة:( اي اشعار موجودة بالرواية على لسان الابطال ف هي منقوله )

—————-

اسمع صوت الذياب واتقلب منزعجة محطية اضاءة خافته ووطن معطيني ظهره لان ينزعج منها

فتحت عيني اتأمل السقف نعسانه بس صياح الذياب مايخليني انام

فز وطن والتفت لقيته نايم هذي الفزات دايم احس بها ، عطيته ظهري وجيت اخذ جوالي

فتحته والرسايل تجيني ابي افهم طلال متى يتوب مني هذا وانا مغيره اغلب حساباتي شلون يعرفني

بقيت اقرا ترجياته مايمل هذا كل يوم نفس الكلام بس اللهم هاليومين متطور يرسل لي صوته وهو يترجاني

مابي ارد عليه ويشوفني اعطيه وجه ، خله يسولف مع جدار يستاهل دخلت اكتب لي قصيدة 
وخطرت على بالي
———-
الجرح له ذكرى لو انه تشافى
‏بعض الجروح تردّه ادنات عزّاه

‏طيّب و من جرحك بديت اتعافى
‏ما باقي الا شوي و الحمدلله

———-

كملت اتصفح واشوف روايتي المختومه وكلام الناس عنها ، كانت رواية جميلة وكتبتها من فراغ وهالحين عندي وطن واهله احس مابي انشغل عنهم

برواية ولا بغيره ومافكر ارجع اكتب ثاني مره

وسط افكاري فز وطن فزه وهي جلسه يتنفس وكانه ضايق صدره

قمت مفزوعه لناحيته وهمست له
- وش فيك وش صاير لك؟

حط راسه بين يدينه وهمس وهو يرجف
- نفسه الحلم ماني قادر انساه وكأني جالس اعيش اللحظة

اخذته بحضني
- لاتخاف الموضوع راح وعدى وولدك طير من طيور الجنه ، وكله قدر مكتوب لاتبقى بنفس هالموقف ياوطن حياتك تقدمت وانت باقي واقف هناك

- تعبت والله ياهجران تعبت

- ازمه وتمر وعد مني اسوي اللي اقدر عليه لجل اساعدك

مسك وجناتي ونظراته كلها امتنان بعثت لي البهجة

تمددنا ثاني وحاولت اسولف واسوي اللي اقدر عليه بس المهم انسيه الموضوع وانا ببالي لازم اتواصل مع طبيب نفسي يشوف لي حل مع وطن لان وطن علته نفسيه اكثر مما تكون جسدية

قمنا على اذان الظهر وشفت وطن خرج من الغرفه قمت خلفه لقينا خالتي بالصالة سلم عليها وراح متجه للحمام ( يكرم القارئ )