بلابِل الجوى

٥٣

بلابل_ الجوى

بقلمي ..#wared_wa

قرائة ممتعة ..♥️

تقول هجران ..

مدري هو فاقدني ولا عادي من دوني ينام
‏مدري هو مشتاق قربي ولا ماوده اجيه

ويقول وطن...

ياطول ليل سهرته ماطلع فجره
‏والليل من دون صوتك صار يخنقني

‏مشتاق للصوت والاحساس والنبره
‏هو يمنعك شي .. ولا منت ذاكرني ؟

———

فلاش باك

ام وطن : يمه وطن ابيك تسمع مني بدون ماتنفعل ياولدي وفكر بعقلك واترك عواطفك وحبك انت وهجران على جنب

يناظرها مترقب اللي بتقوله تكلمت بتردد

- ياولدي انا حرمه صحتي على قدي وهجران حامل والله اني شايفتها تعبانه ماهي قادره تهتم بصحتها وتهتم بجود لازم ترتاح وانت الله يسلمك من الدوام على جود ماتعطي نفسك راحة

البنت عندها امها جيبها هني واتركها بالغرفه مع بنتها وخل تتحمل بنتها وخل جود تبقى مع امها وتتعود عليها انا مادري كم باقي لي عمر وهجران بيجي ولدها ويشغلها ويشغلك من يبقى من هالبنيه المسكينه

-ام جود مالها رجعه لي تبيها تجي وتهتم ببنتها ماعندي مشكله المهم بنتي تبقى ببيت ابوها ماتروح لخوالها

- شلون يمه تبقى بالبيت وش يقولون الناس عنّا

- خل يقولون اللي يقولونه انا قلت لك يمه كلمتي والله ماعرس عليها ، هجران ماراح تبقى معي وانا ماقدر بدونها يمه

- فكر بزوجتك لو صار لها شي وطاح جنينها ولا مات ببطنها من الجهد اللي تسويه بنفسها

- مايموت ان شاء الله هجران تهتم بنفسها ، وانا ماوثق جود الا تبقى معك ومع هجران

- يايمه والله لاجلكم

رفع صوته واردف بعصبية
- يمه وش اللي تقولينه انتي ماهي نفسها رمت جود عليك ومشت شلون هالحين توثقين تبقين جود معها

- مايصير مهما يكون هي امها ومافيه احن عالبنت غير امها والبنت محتاجة امها لو ولد اقول معليه فيه ابوه ، لاتبقى تفكر بنفسك والله اني اخاف عليها واخاف على هجيران واللي ببطنها لايصيبهم شي

- استودعيهم الله وماعليك

- والله لو ماشفت حل ياوطن هالاسبوع مابقى ببيتك اخذ جود معي واوديها لخوالها وانا اروح بيت اخوي واترك لك البيت بكبره